Детали за крунисувањето на кралот Чарлс

По заклетвата дека ќе биде бранител на верата, Чарлс ќе биде крунисан, со што и официјално ќе стане крал на Обединетото Кралство. Камила ќе ја преземе титулата кралица и ќе ја носи круната на кралицата Елизабета.

Крунисувањето на кралот Чарлс III (74) ќе биде на 8 мај. Тоа ќе биде првпат по 70 години, Велика Британија да има нов монарх. Крунисувањето ќе се одржи во Вестминстерската опатија, а со него ќе претседава надбискупот од Кентербери, соопшти палатата.

Пред главната церемонија ќе има процесија од Бакингемската палата до опатијата, а потоа уште една поворка, во која на Чарлс и Камила ќе им се придружат и другите членови на кралското семејство. Потоа сите заедно ќе излезат на балконот на палатата, каде што ќе бидат крунисани сопружниците.

Принцот Хари (38) и неговата сопруга Меган Маркл (41) наводно нема да бидат на балконот за време на крунисувањето на кралот и кралицата, истакнуваат странските медиуми. Тоа ќе им биде дозволено само на вработените членови на семејството, а Хари и Меган, како и принцот Ендрју, повеќе не вршат службени должности.

Церемонијата треба да биде поскромна отколку во минатото, барем така беше објавено во соопштението на палатата минатата година. Крунисување на кралицата Елизабета Втора траеше три часа, а на Чарлс ќе трае нешто повеќе од еден час. Ќе има околу две илјади гости.

Кралот ќе седне на столчето за крунисување, кое датира од почетокот на 14 век и ќе се заколне дека ќе биде бранител на верата. Тие потоа ќе ја постават круната на свети Едвард на неговата глава, со што и официјално ќе стане крал. Камила ќе ја преземе титулата кралица покрај новиот крал и ќе ѝ биде поставена круната на кралицата Елизабета. Принцот Вилијам на крунисувањето официјално ќе биде именуван за принц од Велс.

(Фото) Погледнете како ќе изгледа сцената на Евровизија за 2023 година

Би-Би-Си кој е домаќин на 67. Избор за песна на Евровизија, ја откри импресивната сцена на која 37 уметници ќе настапат во Ливерпул овој мај.

Сценографот за ова музичко натпреварување, Хулио Химеде, го засновал својот сценски дизајн на принципите за „заедништво, славење и заедница“.

-Архитектурата е инспирација од широката прегратка, отворајќи ги рацете кон Украина, изведувачите на шоуто и гостите од целиот свет. Се фокусирав на културните аспекти и сличностите меѓу Украина, Обединетото Кралство и конкретно Ливерпул. Од музика, танц и уметност до архитектура и поезија, вели Химеде.

Хулио додава дека имаат должност како дизајнери да ги подобрат изведбите преку привлечен визуелен пејзаж, притоа доловувајќи ги срцето и душата на натпреварот за песна на Евровизија.

На повеќе од 450 квадратни метри, овој неверојатен сет обединува уште 220 квадратни метри видео екрани кои независно се движат и се вртат, како и преку 700 видео плочки интегрирани во подот и повеќе од 1500 метри LED светилки.

-Сакавме сценографија што луѓето ќе ја паметат со години, рече Ендрју Картмел, извршен продуцент на натпреварувањето.

„Толку ни е важно делегациите да имаат најголем можен простор за работа. Сакавме да им дадеме сет што има многу опции за поставување.

Џенифер Анистон и Џулија Робертс во нова комедија

Џенифер Анистон и Џулија Робертс наскоро ќе се појават заедно во нова комедија. Филмот е сè уште ненасловен, а режисер е Макс Барбаков.

По успехот на последниот филм со Џулија и Џорџ Клуни, романтичната комедија „Билет за рајот“ (Ticket to Paradise), не е чудо што бројни студија се борат за претстојната комедија.

Инаку, Џулија и Џенифер, и двете среде шестото десетлетие од својот живот, првпат соработуваа во епизода од втората сезона на комичната серија „Пријатели“, а во 2016 година глумеа во филмот „Денот на мајката“.

Во меѓувреме, Џенифер неодамна го заврши снимањето на акционата комедија „Мистериозно убиство 2″ (Murder Mystery 2) – продолжение на Нетфликс-хитот од 2019 година со Адам Сендлер во главната улога. Филмов излегува на стрим-сервисот на 31 март.

(Фото) Внукот ќе го игра Мајкл Џексон во биографскиот филм за кралот на поп музиката

Џафар Џексон доби улога на неговиот покоен чичко, Мајкл Џексон, во претстојниот биографски филм кој ќе го документира животот на поп пејачот.

Џафар, кој е син на Џермејн, братот на Мајкл Џексон е најавен како дел од актерската екипа на филмот.

Антоан Фукуа, кој го режира биографскиот филм „Мајкл“, рече дека е „горд што го најавува Џафар како Мајкл и дека тоа е кинематографски настан што го истражува патувањето на човекот кој стана крал на попот“.

Датумот на премиера на „Мајкл“ сè уште не е објавен, но Фукуа напиша дека „доаѓа наскоро“.

Џафар на социјалните мрежи напиша:

„Чест ми е што можам да ја оживеам приказната на мојот чичко Мајкл. До сите фанови ширум светот, се гледаме наскоро“.

Популарно