Кажете молитва пред спиење – за душата е спокој

По дефиниција, молитвата е форма за обраќање на Бог, со воспоставување на однос со Бог или некакво божество, односно божица, бог или богови. Православните и католиците обично се молат на светците, на Марија и ангелите чувари.

Научници од Сент Петерсбуршкиот универзитет, материјално докажале дека чудните лечења се поврзани со духовноста и откриле многу телесни и душевни промени кои човекот може да ги доживее за време на молитвата.

Научниците докажале дека верникот кој е задлабочен во молитвата целосно ја исклучува мозочната кора, а тоа означува целосна сигурност и отсуство на стрес.

Молитвата како лек против негативното размислување

Професорот Слезин успеал да ја измери моќта на молитвата и утврдил дека свештениците и монасите кои се молат, целосно ја исклучуваат мозочната кора, а тоа уште е забележано и кај деца од тримесечна возраст кои се сигурни во близина на својата мајка. Како што стареат луѓето, чувството за сигурност им се намалува, а се зголемува мозочната активност.

Активноста се намалува единствено за време на длабок сон и молитва, а тоа добро влијае врз луѓето.

“Молитвата е силен лек и не само што ги регулира сите процеси во човековиот организам, таа ја обновува и уништената структура на свеста”, посочи уште одамна Валери Слезин, директор на Лабораторијата за невропсихофилозофија на Институтот за истражување и развој на психо-неврологијата во Сент Петерсбург.

Повеќето болести предузвикуваат негативни ситуации и проблеми кои за време на молитвата се повлекуваат, па дури и целосно исчезнуваат. Научниците докажале дека после верските обичаи се нормализира крвниот притисок и другите вредности во крвта.

До крајот на денот доколку ја кажете оваа молитва, Св. Ксенија сите желби ќе ви ги исполни

Според календарот на МПЦ (Јулијанскиот календар) денеска е 24 јануари.

Денеска е Преподобна Ксенија Римјанка.

Ксенија потекнуваше од римско аристократско семејство. Во семејството го доби името Евсевија. Сакајќи да ја омажат, родителите подготвија свадба, но Евсевија тајно го напушти домот и, заедно со две свои поранешни слугинки, го започна монашкиот подвиг на островот Коа. Таму и се нарече Ксенија, што значи туѓинка. Подоцна, сите три се преселија во карискиот град Милас. Таму останаа до крајот на своите земни животи. Грижливо чуваната тајна на преподобна Ксенија, поранешната Евсевија, ја откри една од нејзините сестри после нејзината смрт, зачувувајќи го на тој начин ова чудесно сведоштво за Црквата Христова.

Верниците и’ денес го посетуваат гробот на Преподобна Ксенија Римјанка бидејќи се верува дека нејзините мошти донесуваат исцелување на секоја болест како и среќа на оној кој ќе ги допре.

Бидејќи станува збор за светителка кој цел живот се борела за правото на жените сами да одлучуваат што ќе прават со својот живот, Ксенија и денес се смета за заштитничка на поубавиот пол.

Поради тоа дамите денес би требало да се воздржат од секаква работа, особено врзана за домот.

Наместо тоа во чест на оваа светителка би требало денот да го минат во природа и одмор, како и задолжително да наминат до црква, да запалат свеќа и да ја изговорат оваа молитва:

„Во тебе мајко сигурно се спаси боголикот, бидејќи примајќи го Христ, го следеше Господ Христ. Со делата учеше да го презираш телото, сакајќи повеќе за душата стварна бесмртна, затоа и со Анѓелите, Света Ксенија, се радува духот твој“.

Се верува дека желбата која ќе ја замислат во моментот додека и се молат на Света Ксенија сигурно ќе биде исполнета.

Ова се последните седум збора на Исус пред да биде распнат

Ова се последните зборови на Исус Христос кои ги изговорил пред да биде распнат на крст. Овие реченици има подлабоко значење, затоа прочитајте ги и запомнете ги!

Оче прости им, не знаат што прават! Со оваа реченица Христос покажал милост и кон своите непријатели и со тоа докажал дека извршителите на злочини никогаш не знаат што прават. Исмејувајќи го распнатиот Хростос, не биле свесни дека се смеат на самите себе и се претвораат во свињи. Со оваа реченица Бог ни порачува да не се светиме и да не посакуваме лошо дури на на своите непријатели т.е на оној кој не осудува, не оговара и ни се потсмева, бидејќи токму тој е оној кој ја пропушта Божјата милост и знаење и универзалната љубов која Бог ја пружа кон сите. Простете им бидејќи не знаат што прават!

Навистина ти велам – денес и ти ќе бидеш со мене во Рајот. Оваа Христова реченица е посветена на разбојникот кој исто така бил распнат на крст до него. Иако распнат, Исус својата мисија ја врши и во последниот час и миг. Тој ќе ги спаси и оние кои покажуваат и најмала волја да бидат спасени.

Жено, ете го син ти. Овие зборови Исус ги изговара на својата мајка која стоела под крстот на својот распнат син. Со овие зборови тој покажал грижа за своите родители што секој од нас мора да биде свесен за жртвата која родителите ја поднесуваат заради нас.

Боже, Боже мој, зошто ме остави? Со оваа реченица е искажана човековата немоќ бидејќи човекот страда. Оваа реченица го разбива и ересот, а тоа е дека боженството страдало на крст. Но, синот се престорил во човек за да може да умре за луѓето.

Жеден сум! Жеден за што? Вода или љубов? Оставен и распнат на крстот исмејуван од повеќето војници и понижуван ги изговара овие зборови. Затоа внимавајте како се однесувате кон своите ближни и дали правилно се однесувате кон нив, за да не ожеднат и тие поради недостаток на љубов.

Оче, во твоите раце го предавам Духот свој. Го предава својот дух во рацете на оној од каде што дошол. И да се знае каде ќе одат и нашите души, во рацете на спасителот наш.

Се заврши. Ова значи дека мисијата е завршена и искупен е човековиот род. Се завршува со смртта на синот Божји, се завршува маката, а животот почнува…

Денес се слават овие светители

Преподобен Максим Исповедник

Цариграѓанин по род и најнапред висок дворјанин на дворецот на царот Ираклиј, а потоа монах и игумен на еден манастир недалеку од престолнината. Најголем бранител на Православието од т.н. монотелитска ерес, која се изроди од ереста Евтихиева. Имено: како што тврдеше Евтихиј дека Христос има една природа така монотелитите тврдеа дека Он има една волја. Свети Максим се спротивстави на тоа тврдење и се најде како противник на царот и на патријархот. Но не се исплаши туку докрај истраја во докажувањето дека Господ Христос имаше две волји соодветно на двете природи. На негово настојување се одржа еден собор во Картагена, а друг во Рим. И двата собори го анатемисаа учењето на монотелитите. Страдањето на Свети Максим за Православието е неописливо: малтретиран од кнезовите, измамуван од судиите, плукан од народните маси, тепан од војниците, прогонуван, затваран, а најпосле му ги отсекоа јазикот и раката и го осудија на доживотно прогонство во земјата Скитска, каде што три години помина во затвор, па Му ја предаде својата света душа на Бога во 666 година.

Тропар

Од младоста своја Вистината возљубувајќи ја, Патот во животот те хранеше со слободата, о Максиме, свет подвижниче, војнику свет на Богомајката, столбу непоколеблив пред Пресвета Троица, исповедниче на животот во вечноста, моли се, преподобен учителу на Љубовта, срцата да ги исполниме со светлината Христова, душата по твоите свети молитви да биде помилувана од Пресвета Троица.

Блажениот Максим Грк

Роден е во Грција, од каде што го повикаа на дворецот на рускиот цар Василиј Јованович за царски библиотекар и преведувач. Многу работеше, но многу и страдаше за вистината. Долго време помина во затвор, каде што го напиша познатиот Канон кон Светиот Дух, којшто до денес се употребува во Црквата. Се упокои во Господ во 1556 година.

Тропар

Пламените љубов за вистината, и ревноста твоја за Божјата слава, ја подигнаа душата твоја вис небеса, о Максиме Божји угодниче. Духот Свети Утешител се приви до срцето твое, а тоа за Него прозборе оставајќи ни зборови, за радост на ангелите и утеха на верните. Радувај се, оче свети, и за нас моли се, од Христа да бидеме примени по твоите свети молитви.

Светиот маченик Неофит

Родум од Никеја. Уште како дете вршеше големи чуда со благодатта Божја. Изведе вода од камен, ја воскресна својата мртва мајка. Беше одведен од бел гулаб на гората Олимписка, каде што од една пештера го истера лавот и се насели во нејзината внатрешност. Во неговата петнаесетта година беше мачен за Христа во времето на царот Диоклецијан, и тоа во Никеја. Никако не сакаше да се одрече од Христа. После биење и затварање го фрлија во оган, но Бог го сочува жив. Тогаш го ставија пред гладен лав, но лавот се умилкуваше околу Неофит. Во тој лав светителот го препозна истиот оној лав во чијашто пештера се подвизуваше, па го помилува и му нареди пак да си оди во својата пештера. Тогаш Свети Неофит го прободија со копје и тој се пресели во дворовите Господови.

Тропар

Преку тебе кој Го прослави изворот на животот Христа Господа, Он изведе вода за напојување на страдалниците, закрепнување на ожалостените, надеж на прогонетите. Младоста на животот и храната ангелска во исповедништво те поведоа, за слава Божја а посрамување на заблудените, затоа за нас моли се денес и секогаш ти, кого Христос Спасителот го овенча со маченички венец непобедлив.

Светата маченичка Агнија

Тринаесетгодишно девојче, за верата во Христа фрлено во оган, па убиено со меч. Пројави голема чудотворна моќ за време на животот и после смртта. Пострада во времето на Диоклецијан, во 305 година.

Тропар

Немоќни зборови имаме, за да ја допреме радоста твоја, о Агнио, јагне Божјо, на средба со Вечниот Женик на твојата душа, но бескрајна благодарност денес ти принесуваме, а преку тебе и на Христа Бога, за верата искажана, мудроста непоматена и молитвите за нас принесени, пред Вечнопостоечкиот, Кој преку тебе ја обновува девственоста на душите наши.

Популарно