Почесна „Златна палма“ за Харисон Форд

Холивудската легенда Харисон Форд, кој дојде на Канскиот филмски фестивал да го претстави петтиот дел од сагата „Индијана Џонс“ и последен во кој го глуми археологот авантурист, синоќа доби почесна „Златна палма“ пред прикажувањето на филмот.

Ѕвездата на „Индијана Џонс“ (80) имаше прилично емотивно обраќање на публиката во преполната сала.

„Длабоко сум трогнат од ова признание“, рече тој видно возбуден примајќи ја наградата.

„Велат дека пред да умреш го гледаш животот како блеска пред твоите очи“, рече насолзениот Форд откако пред почетокот на филмот, на публиката ѝ беа прикажани најсветлите моменти во неговата кариера.

„И штотуку го видов мојот живот како ми блесна пред очи“.

„Голем дел од мојот живот, но не целиот“, додаде тој пред да ѝ се заблагодари на својата сопруга, актерката Али Мекбил Калиста Флокхарт.

„Таа со години ги поддржува мојата страст и моите соништа“.

Неговиот последен филм како смел археолог со камшик беше меѓу најочекуваните на фестивалот.

Во своето петто и последно портретирање на акциониот херој Форд глуми заедно со Мадс Микелсен и Фиби Волер Бриџ.

„Длабоко сум трогнат од оваа чест и понизен сум, но имам филм што мора да го гледате. Затоа дозволете ми да се тргнам од патот“, рече тој на крајот од својот говор.

Падна во вода свадбата на Безос од 600 милиони долари!

Основачот на Амазон, Џеф Безос ги демантираше гласините дека ќе се ожени со Лорен Санчез на раскошна церемонија по Божиќ.

Во странските медиуми се прошири веста дека Безос наскоро се жени во Аспен и дека за венчавката ќе потроши околу 600 милиони долари (околу 576 милиони евра). Тој зборуваше за тоа.

На Икс, тој одговори на твитот во кој сподели напис за неговата наводна венчавка објавена од Њујорк Пост, кој цитираше извор на Дејли Мејл.

„Целата работа е целосно лажна – ништо од ова не се случува. Старата поговорка „не верувај се што читаш“ сега е повистинита од кога и да е. Лагите можат да го обиколат целиот свет пред да се дознае вистината. Затоа, бидете внимателни и не бидете лековерни“, напиша тој.

Уште две лица се под истрага за смртта на Лијам Пејн

На двајца вработени во хотелот „Касасур“ во Буенос Аирес, Аргентина, каде што, пред смртта, престојувал Лијам Пејн, им било кажано дека официјално се под истрага. Со тоа истрагата за неговата смрт се прошири на пет лица, пренесува аргентинскиот портал „Инфобае“ (Infobae).

Судијката Лора Брунијард донесе одлука истрагата за смртта на британскиот поп-рок пејач кој падна од третиот кат во хотелот да ја прошири со две лица, порачувајќи им да ангажираат адвокати и дека ќе треба да дадат изјави. Меѓу новоосомничените е рецепционерот Естебан Рејналдо Граси, кој се јавил на 911 кога се случила несреќата, а бил еден од тројцата мажи кои го носеле Лијам низ ходникот непосредно пред трагедијата.

Однесувањето на вработените и нивната одлука да не го остават пејачот во фоајето додека чекаат помош, покрена сомнеж. Вработените во хотелот ќе бидат сослушани следната недела, меѓу 17. и 19 декември, а наскоро се очекуваат и изјави од државните правобранители.

Инаку, три недели по смртта на поранешниот член на британскиот состав „Уан дајрекшн“ (One Direction), обвинителите ја отфрлија можноста за самоубиство како причина. Наводите говорат дека тој најверојатно бил во несвест кога паднал од балкон.

Популарно