Колку партнери е најдобро да имаме пред сериозна врска?

Љубов и секс

на 5.2023

Сите наши претходни искуства, во било што, дури и во врските, влијаат на сите наши подоцнежни чекори. Кога станува збор за љубовта, колку претходни искуства е вистинската мерка? А експертите се занимаваат со тоа колку партнери е оптимално да се има пред вистинскиот.

„Идеалниот број“, доколку постои, постојано се менува, кога станува збор за ставовите на социолозите и психолозите. Така, во 2016 година беше сугерирано дека е идеално да се влезе во сериозна врска со претходните две или три случајни искуства.

Кој е идеалниот број?

Новото истражување вели дека идеалниот број е 13.

Деловната веб-страница „IllicitEncounters“ анкетираше 2.000 корисници – 1.000 мажи и 1.000 жени – за да открие колку претходни сексуални партнери испитаниците ги сметале за идеални за нивниот иден партнер.

Просечниот одговор бил 13, а 52 отсто од испитаниците го навеле тоа како идеално.

Сепак, треба да се земе предвид дека анкетираните корисници на веб-страницата за запознавање со потенцијални партнери се најмногу таму бидејќи бараат афери, а помалку од нив сакаат животна врска.

А што се смета за премногу?

Истражувањата покажаа дека имањето 18 или повеќе партнери е бројката од која повеќето луѓе ќе избегаат. Со тоа се согласуваат 73 отсто од корисниците. Тоа го доживуваат како предупредувачки знак дека потенцијалниот партнер не знае што сака или дека е тешко да го задоволат.

– Големиот број на сексуални партнери е непожелна информација за многумина. Никој не сака да биде само уште еден во низата. Исто така, никој не сака неискусен партнер, бидејќи луѓето мислат дека има премногу компликации. Тринаесет партнери е идеална бројка бидејќи е гаранција дека некој ќе биде искусен во кревет, авантуристички и отворен за нови идеи – објаснила Џесика Лиони, експерт за секс и врски на „IllicitEncounters.com“.

Една од испитаниците рече дека кога мажот има долг список на поранешни партнери, таа автоматски повеќе не е заинтересирана бидејќи мисли дека тој е женкар.

Истражувањето покажало дека дури 67 отсто од жените лажат колку сексуални партнери имале, додека 13 отсто од мажите го прават тоа.

3 знаци кои откриваат дека веќе не постои љубов во вашата врска

Љубов и секс

пред 3 месеци

Врските минуваат низ различни фази и многу нормално е секој меѓучовечки однос да мине низ криза.

Во тие моменти, потребно е да се вложи напор за да се поправат односите и да се обнови љубовта.

Сепак, доколку забележите еден од овие знаци тогаш многу веројатно е дека врската е пред самиот крај.

Постои голема одалеченост

Работа, пријатели, обврски... Сите ги имаме тие обврски. Но, кога тие ќе станат важен приоритет за една или двете страни, без да се обрне внимание на врската, тогаш се јавува одалеченост која сигнализира крај на врската.

Лоша меѓусебна комуникација

Не разговарате, а ако разговарате, постојано се расправате. По некое време, веќе и конфликтите се намалуваат бидејќи ништо не ви е важно и уморни сте од долгите дискусии.

Не постои напор и компромис

Еден или двата партнери не прават никаков напор за поправање на работите, ниту пак за да се постигне компромис и да се негува љубовта.

Закрепнувањето по „скршено срце“ трае три месеци

Љубов и секс

пред 5 месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред 5 месеци

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.