Дрејк ја предводи листата номинирани за БЕТ-наградите

Џет Сет

на 6.2023

36-годишниот рапер е номиниран за седум гонга на претстојната церемонија на доделување награди, вклучително и за најдобар машки хипхоп-изведувач и најдобар машки аренби/поп-изведувач.

Пејачот од врвот на топ-листите, кој издаде заеднички албум со 21 Севиџ во ноември, Her Loss, исто така е номиниран во категориите: најдобра група, најдобра соработка, албум на годината и избор на гледачите.

ГлоРила е номинирана за шест гонга.

23-годишната раперка, чие вистинско име е Глорија Вудс, е меѓу кандидатите за албум на годината, најдобра соработка, најдобар женски хипхоп-изведувач, видео на годината и најдобар нов изведувач.

Сепак, ГлоРила ќе се соочи со остра конкуренција за наградата за најдобар женски хипхоп-изведувач од Карди Би, Кои Лереј, Ијс Спајс, Меган ди Сталион и Ники Минаж.

Наградите БЕТ („Блек ентертејнмент телевижн“) им оддаваат чест на Афроамериканците и на членовите на другите заедници. Победниците ги избираат членовите на БЕТ-академијата, која ја сочинуваат професионалци, новинари и фанови.

Падна во вода свадбата на Безос од 600 милиони долари!

Џет Сет

пред 5 месеци

Основачот на Амазон, Џеф Безос ги демантираше гласините дека ќе се ожени со Лорен Санчез на раскошна церемонија по Божиќ.

Во странските медиуми се прошири веста дека Безос наскоро се жени во Аспен и дека за венчавката ќе потроши околу 600 милиони долари (околу 576 милиони евра). Тој зборуваше за тоа.

На Икс, тој одговори на твитот во кој сподели напис за неговата наводна венчавка објавена од Њујорк Пост, кој цитираше извор на Дејли Мејл.

„Целата работа е целосно лажна – ништо од ова не се случува. Старата поговорка „не верувај се што читаш“ сега е повистинита од кога и да е. Лагите можат да го обиколат целиот свет пред да се дознае вистината. Затоа, бидете внимателни и не бидете лековерни“, напиша тој.

Уште две лица се под истрага за смртта на Лијам Пејн

Џет Сет

пред 5 месеци

На двајца вработени во хотелот „Касасур“ во Буенос Аирес, Аргентина, каде што, пред смртта, престојувал Лијам Пејн, им било кажано дека официјално се под истрага. Со тоа истрагата за неговата смрт се прошири на пет лица, пренесува аргентинскиот портал „Инфобае“ (Infobae).

Судијката Лора Брунијард донесе одлука истрагата за смртта на британскиот поп-рок пејач кој падна од третиот кат во хотелот да ја прошири со две лица, порачувајќи им да ангажираат адвокати и дека ќе треба да дадат изјави. Меѓу новоосомничените е рецепционерот Естебан Рејналдо Граси, кој се јавил на 911 кога се случила несреќата, а бил еден од тројцата мажи кои го носеле Лијам низ ходникот непосредно пред трагедијата.

Однесувањето на вработените и нивната одлука да не го остават пејачот во фоајето додека чекаат помош, покрена сомнеж. Вработените во хотелот ќе бидат сослушани следната недела, меѓу 17. и 19 декември, а наскоро се очекуваат и изјави од државните правобранители.

Инаку, три недели по смртта на поранешниот член на британскиот состав „Уан дајрекшн“ (One Direction), обвинителите ја отфрлија можноста за самоубиство како причина. Наводите говорат дека тој најверојатно бил во несвест кога паднал од балкон.

Популарно