Линда Евангелиста: „Не сакам повеќе да спијам со никого или да слушам како некој дише до мене“

Линда Евангелиста важеше за една од најубавите жени во светот и е една од најуспешните манекенки досега.

Денеска има 58 години и ужива во животот, а неодамна откри дека нема момче и дека веќе некое време не ја интересираат ваквите врски.

„Тоа не ме интересира. Не сакам повеќе да спијам со никого. Не сакам да слушам како некој дише до мене“, изјави таа за „Сандеј тајмс“.

Таа отворено проговори и за проблемите што ги имала по една естетска процедура поради кои се криела од јавноста повеќе од две години. Имено, таа се обидела да ослаби со помош на CoolSculpting-третмани, кои работат на принципот на замрзнување на масните клетки. Но, сѐ имало спротивен ефект и масните клетки ѝ се зголемиле, а лекарите набргу ја известиле дека деформитетот е траен и дека нема да може да го поправат.

Линда првично се обвинуваше себеси за сето ова, но како што вели, веќе не е така.

„Веќе не се обвинувам себеси. Повеќе не сум сурова кон себе. Уште малку ме вознемирува што мислат луѓето за мене, но порано повеќе ми пречеше“, изјави таа за споменатиот медиум.

„Сега знам дека не направив ништо лошо. Долго време го мислев спротивното. Не сум се ослободила целосно од тоа чувство, но напорно работам да се ослободам од вината и од срамот. Не дозволувам да ми го уништи животот. Немаше да останам затворена да знаев колку луѓе се грижат за мене“, додала манекенката.

Почина актерот Ричард Луис

Актерот Ричард Луис почина на 76-годишна возраст.

Луис имаше одлична кариера во Холивуд како актер, писател и комичар. Пред неполна година тој објави дека се бори со Паркинсоновата болест, пренесува „Дејлимејл“.

Неговата најзабележителна улога беше во хумористичната серија „Curb Your Enthusiasm“, но и во филмот „Робин Худ“ од 1993 година и многу други.

Џенифер Лопез и Бен Афлек снимени додека страсно се бакнуваат на улица

Папараците ги фатија Џенифер Лопез и Бен Афлек додека споделуваат страстен бакнеж по ручекот во Лос Анџелес.

Тие посетија ресторан, кој се наоѓа недалеку од нивниот дом. Потоа почнале да одат кон автомобилот, а пред да седнат Бен ја притиснал сопругата на ѕидот и почнал да ја бакнува.

Лопез неодамна откри дека никогаш не планирала да се смири со Бен Афлек. За време на гостувањето во радиоемисијата „Кајл и Џеки О Радио шоу“, каде што зборуваше за врската, таа особено изненади со изјавата дека морала да се пронајде по нивната неуспешна свршувачка.

„Се заљубив во љубовта на мојот живот и од разни причини моравме духовно да растеме и да правиме други работи. И двајцата имавме односи со други луѓе, имаме деца, но секогаш ја имав мислата во мојата глава: ‘Добро, она нашето се случува само еднаш во животот’. А кога продолживме пак заедно, едноставно, не можев да поверувам. А знам дека ни тој. Навистина не го планиравме тоа“, изјави пејачката.

Лопез и Афлек почнаа да се забавуваат во 2002 година, а подоцна истата година се свршија. Сепак, парот се раздели во 2004 година по одложувањето на својата венчавка една година претходно. По неколку години разделени, Лопез и Афлек, конечно, се обединија во 2021 година и се венчаа во 2022 година.

„Опенхајмер“ со најмногу БАФТА награди

Филмот „Опенхајмер“ е најголемиот хит годинава на доделувањето на филмските награди „БАФТА“ во Лондон, Велика Британија, победувајќи во седум категории, меѓу нив и за најдобар филм, машка главна улога и режисер.

Одличјето за најдобар филм го презеде брачната двојка Ема Томас и Кристофер Нолан (режисер), кои заедно со Чарлс Ровен беа продуценти, а ирскиот глумец Килијан Марфи го понесе признанието за најдобар глумец за улогата на Џеј Роберт Опенхајмер – американски теоретски физичар кој се смета за „таткото“ на атомските бомби.

„Женската верзија“ на приказната за Франкенштајн и чудовиштето, филмот „Poor Things“ (Бедни суштества) на Јоргос Лантимос освои пет статуетки, вклучувајќи ја и онаа за најдобра женска улога, којашто ѝ припадна на Ема Стоун.

„Барби“ остана без ниту една награда, и покрај тоа што имаше номинации во пет категории.

Признанието „Ѕвезда во подем“, единствената награда „БАФТА“ за којашто одлучува јавноста со свој глас, ѝ припадна на англиската глумица Мија Меккен-Брус. Наградата за најдобар документарен филм ја доби филмот „20 дена во Мариупол“ на Мстислав Чернов.

Германската драма „Зона на интерес“ на Џонатан Глејзер освои три „БАФТА“ награди, меѓу кои и за најдобар британски филм и странски филм.

Стипендијата „БАФТА“ наменета за заслуги и извонредни филмски остварувања, што во минатото, меѓу другите, ја добиваа Стивен Спилберг, Хелен Мирен и Чарли Чаплин, годинава ѝ беше доделена на британската глумица Саманта Мортон.

Домаќин на свеченото доделување на престижните награди беше шкотскиот глумец Дејвид Тенант.

Најголем број номинации на овогодинешните награди Бафта доби филмот „Опенхајмер“ на Кристофер Нолан – дури 13, а потоа „Poor Things“ – со 11 номинации. „Убијци на цветната месечина“ (Killers of the Flower Moon) на Мартин Скорсезе, како и „Зона на интерес“ имаа по девет номинации.

Британската академија за филмска и телевизиска уметност – „БАФТА“ е независна организација основана 1947 година од група британски филмски продуценти. Целта на наградите, се вели, е поттик, развој и оддавање признанија за најдобрите филмови, ТВ-серии улоги и други уметнички остварувања во тоа поле.

Популарно