Грчката авиокомпанија „Ејџијан ерлајнс“ од 29 ноември ќе ги прекине летови меѓу Скопје и Сараево, по повеќе од една година оперирањето на оваа релација, објави специјализираниот портал „Екс Ју авијација“.

Ејџијан ерлајнс, стои во објавата, првично планираше да ја опслужува линијата три пати неделно во ноември и декември и двапати неделно од јануари. Потоа планираше летови до 7 декември, со ограничена работа за време на празничниот период од крајот на декември до почетокот на јануари, но сега ги отстрани сите летови од крајот на ноември.

Продажбата на билети на линијата за летната сезона во 2025 година исто така е прекината.

На крајот на август „Екс Ју авијација“ објави дека „Ејџијан Ерлајнс“ во зимската сезона ќе го намали бројот на летови на линијата Атина - Скопје и ќе ја опслужува четирипати неделно, што е намалување во однос на шесте летови неделно во претходната зимска сезона. Линијата Скопје-Атина, по десетгодишен прекин, профункционира од ноември 2018 година.

ТППЕ Струмица денеска имала две интервенции на терен.

Имено, во 05:20 часот утрово, на на ул.Ѓуро Ѓаковиќ, е пријавен пожар на помошна просторија од куќа.

 Како што велат, спречено е ширење на пожарот на куќата и поголема материјална штета.

Покрај оваа, тие имале и уште една интервенција во атарот на с.Вељуса каде била запалена нискостеблеста шума и сува трева.

„Сите пожари се навремено и успешно локализирани и ликвидирани. И покрај падот на температурата за околу 15 степени и дождовите што заврнаа, бројот на интервенции на отворен простор воопшто не се намали. За жал се уште сме сведоци на неодговорно и несовесно однесување на група граѓани”, велат од ТППЕ Струмица.

Планинарите кои го посетија Пелистер, на социјалните мрежи објавуваат фотографии со снег и бела покривка.

За денеска од УХМР најавија променливо облачно време со локални врнежи од дожд особено во западните и северните делови. Ќе дува умерен ветер од западен до југозападен правец кој претежно во југозападните делови од земјата ќе е силен односно над 70 км/час. Минималната температура ќе биде во интервал од 6 до 13, а максималната ќе достигне од 16 до 24 степени.

Во наредните денови пак, ќе биде променливо облачно со повремени локални врнежи од дожд со променлив интензитет. Температурите во следниот период ќе се задржат пониски, а кон средината на неделата наместа се очекуваат и пообилни врнежи.