Деаган Павловиќ Латас: Ова не се единствените две убиства на Палчо – човек кој убива првпат не може така да реагира и да се однесува!

Да има два полицајци со минимум 15-20 години искуство во полиција и двајца обвинители со минимум 15 години обвинителски стаж, да им се дозволи да работат автономно, стручно, без притисоци, без мувања, без ништо, дека случајот ќе го решат, и мотивот, и начинот, и деталите, и се. Во Македонија има луѓе, и во обвинителство и во полиција кои ја знаат работата, изјави вечерва новинарот Драган Павловиќ Латас во емисијата „Вечерното шоу на Богдан Илиевски“ на телевизија Алфа.

– Втората работа од која јас сум шокиран, скоро и колку веста за Вања. Јас го гледав Палчо во саати и во денови што се дешава непосредно пред убиството, првото убиство, времето до второто убиство и по второто убиство. Значи тој, условно, убива човек во Велес, потоа три четири дена живее најнормално во Скопје. Вториот ден има емисија на својот подкаст, убива девојче после тоа и си оди за Србија. И сега доаѓаме до заклучок, јас сум гледал луѓе во Србија кои беа по 10 години во војна, вклучително и Косово, 10 години. Сум гледал луѓе во Македонија кои имаа мини војна, луже со пореметен ум, од ратови, од убиства, инвалиди, загинати, сешто. Но, не сум видел таква концентрација, таква контрола на зло, така пореметен ум кој е опериран од емоции само во еден филм „Кога јагнињата ќе стивнат“ за Ханибал Лектор и Палчо. Само овие две лица, кои на филм убиле, и кои веројатно во живот убиле се однесуваат така, рече Латас.

Она што привлекува посебно внимание во зборовите на Латас се тврдењата, односно проценките, дека ова не се единствените две убиства на Љупчо Палевски – Палчо. Според него, човек кој убива првпат не може така да реагира и да се однесува.

– Моја претпоставка е, знаејќи го условно човекот, знаејќи ги институцииве во државава како која се купува, како која се продава и клановите кои се, и ставајќи го елементот како амалгам на Палчо ликот и неговото однесување, ако ги добиеме двата искусни полицајци од типот на Џанго, од типот на Бојчевски, од типот на Лазе, од типот на Џони, таков тип, два, и двајца обвинители со 15 години, основано претпоставувам дека ова не е единствено убиство на Палчо. Прво убиство на човек, ако е прво, не може така да реагира и да се однесува, не може. Јас само сакам два обвинитела и двајца полицајци да ги истражат овие две убиства, но и наназад, рече Латас.

Важна вест соопштена вечерва за сите кои скенираат фискални сметки

Сумата за поврат на ДДВ преку проектот Мој ДДВ ќе се зголеми на 3.000 денари за едно тромесечие, најави лидерот на СДСМ Димитар Ковачевски вечерва на настан на СДСМ во Штип.

Во моментов речиси половина милион граѓани скенираат фискални и имаат можност за поврат на ДДВ од 2.100 денари за едно тромесечие.

Демири: Ќе најдеме решение да му се помогне на Индов

Министерот за здравство Илир Демири денеска на новинарско прашање во врска со случајот Леонид Индов изјави дека Владата и Министерството се комплетно посветени и ќе се изнајде решение со кое ќе му се помогне, односно ќе му бидат покриени трошоците. Системско решение, како што посочи, во предизборниот период и во време на техничка влада, не може да се најде.

-Досега е направено многу. Зборувавме со семејството и брзо ќе добиете епилог. Не сакам медиумска кампања апропо изнаоѓање на решение. Значи, Владата и Министерството за здравство се комплетно посветени и ќе најдеме решение да му се помогне не само на Индов, туку на секој еден пациент кој има потреба, изјави Демири пред почетокот на панел дискусијата по повод одбележувањето на Денот на ретки болести во Скопје.

Тој напомена дека сега треба да се најде решение со кое ќе биде задоволен Индов и ќе бидат покриени трошоците, а за системско решение ќе се зборува после изборите.

-Системско решение во оваа техничка Влада и предизборие не може да се најде. Треба да се најде решение со кое ќе биде задоволен Индов и ќе бидат покриени трошоците, а за системско решение после изборите ќе зборуваме, од повеќе сектори зависи тоа. Значи, промена на регулативи и на закони не зависи само од Министерството за здравство, додаде Демири.

Се намалува бројот на заболени од грип

Во текот на осмата недела од 2024 година (19-25.02.2024), пријавени се 820 случаи на заболени од грип/заболувања слични на грип, што е за 40,8% помалку во споредба со претходната седмица. Бројот на пријавени лица оваа недела споредено со 8-ма недела од минатата сезона  е намален за 6,0%, а во споредба со бројот за 8-ма недела од типичната епидемиска крива, е помал за 67,4%, соопшти Институтот за јавно здравје.

Во однос на возрасната дистрибуција, 496 лица се на возраст од 15-64 години, 178 се деца од 5-14 години, 74 се над 65 години и 72 се деца на возраст од 0-4 години. Највисока инциденца има кај децата на возраст од 5-14 години.

Најмногу заболените се пријавени во Кавадарци – 180 и во Струмица – 134, а во останатите градови бројот на пријавени е помал од 100.

Во текот на оваа недела, регистрирани се два смртни случаја асоцирани со грип. Станува збор за лица на возраст од 49 и 65 години од Скопје и Велес кои биле хоспитализирани во КИБФС и ГОБ 8-ми Септември. Кај едно од починатите лица е утврдено присуство на коморбидитети (бубрежни, кардиолошки, дијабет) и не биле вакцинирани со вакцина против сезонски грип. Кај починатите лица, лабораториски е потврдена Influenza А(H1)pdm09 и Influenza А – несубтипизиран.

Во сезоната 2023/2024 вкупниот број на случаи на грип/заболувања слични на грип изнесува 12.741. Во споредба со истиот период од минатата сезона, бројот на пријавени случаи е зголемен за 55,5%, а во однос на моделот од последните 13 сезони има намалување од 19,1%.

Во досегашниот тек на сезоната на грип, регистрирани се 11 починати лица асоцирани со грип, 5 од Скопје и по едно лице од Велес, Куманово, Неготино, Гостивар, Демир Хисар и Штип, шест од возрасната група на лица 15-64 години и пет од возрасната група на лица над 65 години, сите хоспитализирани, 10 со коморбидитети и сите невакцинирани против сезонски грип.

Популарно