„Опенхајмер“ со најмногу БАФТА награди

Џет Сет

пред 5 месеци

Филмот „Опенхајмер“ е најголемиот хит годинава на доделувањето на филмските награди „БАФТА“ во Лондон, Велика Британија, победувајќи во седум категории, меѓу нив и за најдобар филм, машка главна улога и режисер.

Одличјето за најдобар филм го презеде брачната двојка Ема Томас и Кристофер Нолан (режисер), кои заедно со Чарлс Ровен беа продуценти, а ирскиот глумец Килијан Марфи го понесе признанието за најдобар глумец за улогата на Џеј Роберт Опенхајмер – американски теоретски физичар кој се смета за „таткото“ на атомските бомби.

„Женската верзија“ на приказната за Франкенштајн и чудовиштето, филмот „Poor Things“ (Бедни суштества) на Јоргос Лантимос освои пет статуетки, вклучувајќи ја и онаа за најдобра женска улога, којашто ѝ припадна на Ема Стоун.

„Барби“ остана без ниту една награда, и покрај тоа што имаше номинации во пет категории.

Признанието „Ѕвезда во подем“, единствената награда „БАФТА“ за којашто одлучува јавноста со свој глас, ѝ припадна на англиската глумица Мија Меккен-Брус. Наградата за најдобар документарен филм ја доби филмот „20 дена во Мариупол“ на Мстислав Чернов.

Германската драма „Зона на интерес“ на Џонатан Глејзер освои три „БАФТА“ награди, меѓу кои и за најдобар британски филм и странски филм.

Стипендијата „БАФТА“ наменета за заслуги и извонредни филмски остварувања, што во минатото, меѓу другите, ја добиваа Стивен Спилберг, Хелен Мирен и Чарли Чаплин, годинава ѝ беше доделена на британската глумица Саманта Мортон.

Домаќин на свеченото доделување на престижните награди беше шкотскиот глумец Дејвид Тенант.

Најголем број номинации на овогодинешните награди Бафта доби филмот „Опенхајмер“ на Кристофер Нолан – дури 13, а потоа „Poor Things“ – со 11 номинации. „Убијци на цветната месечина“ (Killers of the Flower Moon) на Мартин Скорсезе, како и „Зона на интерес“ имаа по девет номинации.

Британската академија за филмска и телевизиска уметност – „БАФТА“ е независна организација основана 1947 година од група британски филмски продуценти. Целта на наградите, се вели, е поттик, развој и оддавање признанија за најдобрите филмови, ТВ-серии улоги и други уметнички остварувања во тоа поле.

Истрагата за смртта на Метју Пери при крај

Џет Сет

пред 3 недели

Истрагата за смртта на американскиот глумец Метју Пери е при крај и полицијата верува дека треба да бидат обвинети повеќе луѓе, изјави полициски извор за списанието „Пипл“ (People).

Ѕвездата на „Пријатели“ почина во октомври 2023 година.

Првично се мислеше дека неговата смрт е случајна, но извештајот од обдукцијата покажа дека тој починал од акутни ефекти на „Кетамин“ и давење. Според цитираниот извор, американското Државно обвинителство периодов ќе ја донесе конечната одлука дали ќе поднесе, или не, обвинение. Правобранителството соопшти дека засега „нема коментар“ за написите за случајот.

Во декември, судскиот вештак во Округот Лос Анџелес ја затвори истрагата за смртта на Пери, но во мај оваа година, полицијата повторно ја отвори истрагата за да утврди кој му дал „Кетамин“ на глумецот. Минатата недела истрагата доби нов тек, кога е пребарана куќата на позната јавна личност – жена, а одземени ѝ се мобилен телефон и лаптоп.

Со засега неименуваната жена извршени се повеќе полициски разговори откако Полицискиот оддел на Лос Анџелес постигнал „значаен напредок во нивната истрага што почна во мај“, изјави неименуван извор за „Ин тач“ (In Touch).

Неименуваната жена „целосно соработувала“ со органите на законот. Изворот навел дека жената и ѕвездата на „Пријатели“ претходно се запознале на рехабилитација, каде што започнало „неочекувано пријателство“.

Актер од Пиратите од Карибите почина по напад на ајкула

Џет Сет

пред еден месец

Актерот од „Пиратите од Карибите“ Тамајо Пери почина откако беше нападнат од ајкула додека сурфаше на Хаваи.

Актерот (49) починал во неделата попладне, потврдиле службите за итна помош во Хонолулу на прес-конференција, пренесува Би-би-си.

Службите за итни случаи биле повикани на плажата Малакахана околу 13 часот по локално време.

Пери, кој исто така бил спасител, бил прогласен за мртов од болничарите откако бил донесен на брегот на џет ски.

Тој глумеше во Пиратите од Карибите, поточно во четвртиот филм од франшизата.

Пери глумеше и во Lost, Hawaii Five-0, Blue Crush и Charlie’s Angels 2, а се појави и во реклама за Кока-Кола.

Сури ќерката на Том Круз заблескала на матурската вечер

Џет Сет

пред еден месец

Сури Круз изгледала како принцеза на нејзината матурска вечер во Њујорк. Ќерката на Том Круз и Кејти Холмс очигледно одлично се забавувала додека разговарала со пријателите, а Дејли Мејл открива дека нејзин партнер бил Тоби Коен, исто така матурант и млад музичар во подем.

Тие цело време се држеле за раце, а кога се фотографирале, Коен ја фатил Сури околу половината. Имено, двајцата се познаваат од училишните клупи бидејќи заедно го посетувале средното училиште „ LaGuardia High School of Music & Art and Performing Arts“, кое е специјализирано за визуелни и драмски уметности.

Сури би требало да студира на факултетот за дизајн „Carnegie Mellon“ во Питсбург, а Тоби на престижниот „Berklee College of Music“ во Бостон.

Ќерката на познатите холивудски актери за оваа специјална пригода носела фустан со корсет, со цветен принт и златни детали. Нејзината мајка, Кејти Холмс, не била видена наоколу, како ниту нејзиниот татко Том Круз, кој всушност немаше никаков удел во воспитувањето на Сури со години.

Инаку, познато е дека Том не го добил старателството над ќерката, како и дека бракоразводната парница со која Холмс го добила старателството завршила за само 11 дена. Иако Круз имал право да ја гледа својата ќерка 10 дена секој месец, добро информиран извор тврди дека тој ја одбил оваа можност бидејќи Сури не е скиентолог, а наводно не ја видел ќерката цели 16 години.

Неговата приврзаност кон скиентологијата се наведува како една од причините за таквиот однос. За работите да бидат уште покомплицирани, неодамна се дозна дека познатата наследничка повеќе не го користи презимето на татко ѝ кога се претставува во јавност.

Популарно