Принцезата од Велс, Кејт Мидлтон се чувствува многу „посилна и поздрава“ поради лекувањето на ракот, откриваат упатени лица од кралската палата, пренесуваат локални медиуми. Извор за „Life&Style“ тврди дека Кејт Мидлтон е многу „возбудена“ што и самата ќе се врати на работа.

„Таа се чувствува многу посилна и поздрава“, изјавил изворот за „Life&Style“, додавајќи дека сега ќе може уште повеќе да се посвети на својата работа, со оглед на тоа што децата тргнале на училиште.

„Ова е некако горчлив и сладок период за неа, таа е секогаш емотивна кога почнува училиштето бидејќи тоа е нов чекор за нејзините деца, но и доказ за тоа колку брзо растат“, вели тој.

„Покрај тоа, Кејт со нетрпение очекува да може малку да „побегне“ од медицински третмани и посетите на лекар“, додал изворот.

Американската хипхоп двојка Ашанти и Нели го добија своето прво заедничко дете. Пејачката родила син, а нејзиниот гласноговорник ја потврди веста за „Пипл“ (People).

„Момчето дојде на овој свет на 18 јули. Родителите се многу горди и среќни“, рече тој.

На Ашанти, која се движи кон средината на петтото десетлетие од својот живот, ова и е прво дете. Нели (49) претходно ги има ќерката Шанел (30) и синот Корнел Хејнс Трети (25) со поранешната партнерка Шанета Валентајн. На детето му го дале името Карим Кенкејд Хејнс. Раперот го избрал името.

Раперско-ар-ен-би двојка се запознала во 2003 година, на свеченостите околу „Греми“ наградите. Беа во врска 10 години, па раскинаа, но во април 2023 година, почнаа гласините дека повторно се смириле додека гледале бокс-меч во Лас Вегас. Неколку месеци подоцна, Нели потврди дека се повторно заедно.  

Пејачот Роби Вилијамс се огласи на Инстаграм и откри дека неодамна му ставиле привремени протези.

Имено, 50-годишниот пејач изјавил дека неодамна имал консултација на стоматолог бидејќи сакал нови заби, но на крајот излегол со привремена протеза. Во објавата откри и како ги уништил старите заби.

Тој им објасни на обожавателите дека ќе има протези додека не му стават заби за еден месец. Тој напиша дека му се допаѓа како изгледаат и покрај тоа што е изненаден од фактот што толку брзо поминал низ оваа трансформација.

„Во суштина, овие ми беа извесно време нови заби. Можеби некои од вас ги сакаа старите, но запомнете. Добро ме послужија, но јас апсолутно ги злоупотребив. Отворав шишиња со нив, имав дамки од кафе, ги триев со кокаин и не ги миев како што треба во последните три децении. Но, сега е време да продолжите понатаму. Збогум мои мали жолти пријателчиња“ напиша Роби во објавата.

Минатата година на Нетфликс беше објавена документарна серија за неговата кариера и скандалите што го следеа. Тој отворено зборуваше за тоа како неговиот живот излегол од контрола откако ги напуштил „Take That“ и започнал соло кариера. Меѓу другото, во раните дваесетти му била дијагностицирана депресија, а постојано бил рехабилитиран од кокаин, алкохол и бројни дроги.