Меџити ќе биде прв вицепремиер и министер за екологија, Таравари министер за здравство

Вести

пред 7 месеци

Претседателот на Демократското движење, кое е дел од Коалицијата „Вреди“, Изет Меџети денеска потврди дека новата влада ќе се формира по празникот Бајрам, односно на 19 или 20 јуни.

Меџити во изјава за Телевизија Алсат соопшти и дека тој ќе биде прв вицепремиер и министер за екологија, додека градоначалникот на Општина Гостивар Арбен Таравари министер за здравство.

-Јас и Таравари по секоја веројатност ќе бидеме дел од извршната власт - јас на функцијата вицепремиер и министер за екологија, додека Таравари повторно ќе го води ресорот за здравство. Касами повторно ќе и се врати на Тетово, за да го заокружи мандатот кој успешно го започна. Можам да потенцирам дека „Вреди“ ќе имаме двајца албански вицепремиери во новата извршна власт. Сериозен кандидат за вицепремиер за добро владеење ќе биде Арбен Фетаи од Алијансата за Албанците на Таравари. За вицепремиерското место за евроинтеграции деновиве треба да одлучи Алтернатива. БЕСА треба да одлучува за министерските места за економија и социјална политика, изјави Меџити.

Тече рокот од 20 дена за формирање на влада откако во четвртокот мандатарот Христијан Мицкоски го доби мандатот за формирање на влада. Новата влада ќе има 20 министерства, четири повеќе од досега. ВМРО- ДПМНЕ за формирање на владата водеше разговори со коалицијата Вреди и ЗНАМ. Поделбата на ресорите е позната, а имиња се уште не се соопштуваат официјално.

Измените на Законот за државна управа што доцна вечерта во петокот поминаа на собраниска седница предвидуваат кон Министерството за економија да се приклучи сегментот труд, а делот енергетика, рударство и минерални суровини да бидат под надлежност на новото Министерство за енергетика. Сегашното Министерство за труд и социјална политика прераснува во Министерство за социјална политика, демографија и млади, а ингеренциите за туризмот ќе бидат под новото Министерство за култура кое ќе гласи Министерство за култура и туризам. Ќе се формира министерство за дигитална трансформација кое ќе го наследи досегашното министерство за информатичка технологија и администрација, како и Министерство за спорт.

(Фото) Карневалски дух во Вевчани - „Се појави Груби, играше фудбал“

Вести

пред еден час

Бегалецот од правдата Артан Груби вчера веше во Вевчани. И не се криеше, туку играше фудбал, арно ама како маскота за потсмев на Вевчанскиот карневал.

Очекувано, учесниците на Вевчанскиот карневал не пропуштија да се пошегуваат со првиот вицепремиер на Димитар Ковачевски и десна рака на Али Ахмети.

Групната маска во која Артан Груби игра фудбалче со актовка на Лотарија на Македонија в рака беше една од најсмешните на карневалот.

Гордана Јанкуловска доби ослободителна пресуда за „Тврдина“

Вести

пред 19 часа

Гордана Јанкуловска, поранешната министерка за внатрешни работи, беше ослободена од обвинение во случајот „Тврдина“ поврзан со масовното прислушување. Во истиот предмет, обвинет беше и Сашо Мијалков, поранешен шеф на УБК, кој се ослободи од обвиненијата за „Таргет-Тврдина“ поради застареност на делото. Ова беше објавено по изрекувањето на пресудата во Основниот суд 1 во Скопје.

Тони Јакимовски, поранешен шеф на кабинетот на Мијалков, доби казна од 3 години затвор, со вклучено време поминато во куќен притвор. За екс-разузнавачите Горан Грујевски и Никола Бошковски, кои избегаа во Грција, во отсуство беа изречени казни од 14 години и 6 месеци за Грујевски и 9 години и 10 месеци за Бошковски.

Обвиненијата се однесуваа на злоупотреба на службената положба и фалсификување исправа во врска со уништувањето на системите за прислушување во УБК. Првоначалната пресуда беше укината од Апелациониот суд во декември 2022 година, по што започна нов судски процес. Вкупно 11 лица беа обвинети, а во првостепената пресуда беа осудени на 55 години затвор и 10 години условен затвор.

Првиот судски процес започна во декември 2017 година, а пресудата беше донесена по повеќе од три години, во февруари 2021 година.

Утревечер ќе се слави Василица во Дебар Маало, прославата ќе биде со хуманитарен карактер

Вести

пред 20 часа

Василичарите од Боемска упатуваат покана сите заеднички да го одбележиме празникот Василица, на 14 јануари, со почеток во 16:00 часот на Боемска улица, Дебар Маало.

- Дојдете да се дружиме и заедно да бидеме хумани! Сите средства собрани од продажбата на македонските традиционални јадења, како и греана ракија, греано вино и друго, ќе бидат донирани на дечињата со Даунов синдром од НВО дневниот центар Доза среќа Дојдете заедно да помогнеме на оние на кои им е најпотребно. Во духот на празниците, да си помагаме, да бидеме солидарни и хумани, се вели во поканата на Здружението на граѓани за негување на традицијата и хуманитарните акции.