Христијан Мицкоски: Во последниве седум години тајфун поминал низ државава и не само што ја ограбил, туку и жестоко ја уништил

Вести

на 7.2024

Прашање е како ќе се исплаќа она што е редовно предвидено во Буџетот. Се обидуваме да бидеме креативни и граѓаните да не го почувствуваат тоа.

За зголемените пензии ќе има средства, а со синдикатите ќе седнеме заедно за да видат дали има можност за зголемување на минималната плата на 450 евра во првите 100 дена од Владата, порача денеска премиерот Христијан Мицкоски.

„Во последниве седум години тајфун поминал низ државава и не само што ја ограбил, туку и жестоко ја уништил. Се надевам дека во првите 100 дена ќе имам можност да седнам со синдикатите, заедно со министрите за финансии, за економија и труд и за социјална политика демографија и млади, и да поразговараме и да им ги покажеме бројките за да видат со што се соочуваме“, рече Мицкоски.

Тој нагласи дека бројките во Буџетот се катастрофални и порача дека за исплата на пензиите заедно со линеарното зголемување ќе се најдат средства за исплата затоа, што како што рече, има правилна редистрибуција во Буџетот.

„Недостасуваат 2,5 милијарди денари за редовна исплата на пензиите, настрана од дополнителното линеарно зголемување кое го најавивме и ветивме. Сепак, ние ќе се бориме до последно за се она што е интерес на граѓаните да е и наш интерес и да го реализираме“, рече Мицкоски.

Затоа, како што кажа, ќе седнат со синдикатите за заедно да видат дали има можност и за зголемување на минималната плата на 450 евра во првите 100 дена од владата како што бараат синдикатите.

„Ако има можност добро, но ако нема можност очекувам сите заедно да донесеме заклучок како заедно да работиме за да создадеме можност. Токму тоа е начинот на кој треба да функционира оваа Влада – да биде партнер со сите врз основа на можностите или што би рекле повозрасните да си ги пуштиме нозете колку што ни е долга чергата. Ако може да се најдат средства заедно ќе седнеме и ќе разговараме. Секој кој мисли дека има решение нека дојде, јас сакам да го слушнам и да разговарам. Сите решенија се добредојдени. Сите ние сме тука и работиме за доброто на граѓаните и за иднината на нашата заедничка држава“, потенцира Мицкоски.

KARIERA.mk слави 9 години!

Вести Промоција

пред 13 часа

Оваа година KARIERA.mk слави 9 години постоење! 🎂

За нас, овие години значат многу повеќе од бројка, тие претставуваат заедница која расте, се развива и создава илјадници нови кариерни приказни.

🌟 9 години поврзуваме луѓе, компании и создаваме можности

Во изминатиот период, дојдовме до бројки кои ни го исполнуваат срцето и ни ја потврдуваат мисијата:

✔️ Над 240.000 зачленети корисници на платформата

✔️ Повеќе од 6.700 зачленети компании 

✔️ Илјадници нови вработувања секоја година

✔️ Растечки број алатки, услуги и поддршка за кандидати и HR професионалци

✔️ Успешни настани, работилници и Career Days кои ги поврзуваат барателите на работа со компаниите

Секој оглас, секое испратено CV, секое ново вработување е дел од приказната што ја пишуваме заедно.

KARIERA.mk денес е многу повеќе од веб-сајт за огласи за работа.

Во последните 12 месеци ја проширивме нашата понуда и ја продлабочивме поддршката за компаниите и кандидатите:

  • Нова генерација на алатки за HR и селекција
  • Подобрена MojaKARIERA зона за кандидатите
  • Подобрена иновативната алатка HR Scanner, која го трансформира начинот на регрутација
  • Преку Career Days, работилници и HR настани, поврзуваме заедници и градиме поуспешен пазар на труд
  • Содржини, трендови, поддршка и професионален развој на едно место

❤️ 9 години доверба, поддршка и инспирација

Нашата најголема сила се луѓето, кандидатите кои ја почнуваат својата приказна, компаниите што градат тимови и партнерите што веруваат во нас.

Ви благодариме што 9 години нѐ правите дел од најважните професионални моменти.

🎯 Ова е само почеток

Влегуваме во свечениот 10-ти јубилеј со огромна мотивација, да креираме уште повеќе можности, уште подобри алатки и уште посилна заедница.

Среќен 9-ти роденден, KARIERA.mk!

Да продолжиме да создадеме успешни приказни, заедно. 🎉💼✨

Јована Кртолица во третата епизода на „На каде одиме?“ тим лидер во Allianz Technology и Stakeholders Director во Women in Tech

Напиши Вести Промоција

пред една недела

Во третата епизода на подкастот „На каде одиме?“ имаме задоволство да разговараме со Јована Кртолица, тим лидер во Allianz Technology и Stakeholders Director во Women in Tech.

Јована ни открива како изгледа нејзиниот пат до ИТ секторот, како се гради кариера во технологијата и што значи да се биде лидер во динамична индустрија. Со години искуство во водење тимови, таа споделува кои се најголемите предизвици на една тим лидерка, како се мотивираат луѓето и како се справува со тешки ситуации за да тимот функционира на најдобар можен начин.

Еден од интересните делови од разговорот беше и споредбата на работната култура во Виена и во Македонија  – како различните пазари и организации ги обликуваат очекувањата, стилот на работа и начинот на кој се гради тимска динамика.

Ниту една дискусија за технологија денес не е комплетна без да се зборува за вештачката интелигенција. Јована зборува за влијанието на AI во работењето, како таа го менува секојдневието на компаниите и луѓето, и кои се можностите и предизвиците што ги носи за иднината на индустријата.

Ова е разговор што инспирира и предизвикува размислување. Јована ни покажува колку е важно жените да бидат гласни, видливи и активни во технолошкиот свет, но и како секој од нас може да го најде својот пат кон раст и напредок во ИТ и иновациите.

🎧 Епизодата е достапна на YouTube и Spotify:

Во втората епизода: „На Каде Одиме?“ Слушнете го Анис Сефиданис и откријте како иновациите ја менуваат иднината

Напиши Вести Промоција

пред една недела

Во втората епизода од нашиот подкаст ни гостува Анис Сефиданис – човек со инспиративна животна приказна. Тој е професор, претприемач, иноватор и визионер кој со својата работа и енергија ги мотивира младите да сонуваат поголеми соништа и да размислуваат подлабоко за иднината што ја создаваат.

Со Анис зборуваме за неговиот пат кон светот на роботиката, технологијата и иновациите, за тоа што го поттикнало да се посвети на овие области и како денес ги спојува науката, претприемништвото и образованието во едно.

Тој ни открива како изгледа неговиот пристап кон наставата и како успева да ги инспирира студентите да развиваат критичко и креативно размислување, наместо само да репродуцираат знаење. Анис зборува со страст за улогата на образованието во современото општество, за предизвиците со кои се соочуваат младите, но и за можностите што ги нуди дигиталното време во кое живееме.

Во разговорот се допираме и до темата која сè повеќе ја обликува нашата реалност – вештачката интелигенција. Анис нè поттикнува да размислиме како овој технолошки напредок ќе влијае врз општеството, работните места и начинот на кој учиме, комуницираме и создаваме.

Оваа епизода е повеќе од разговор – тоа е патување низ идеи, визии и инспирации. Ќе ве натера да се запрашате како изгледа иднината што ја посакуваме и која е нашата улога во нејзиното градење.

🎙️ Ако барате содржина што инспирира, предизвикува и отвора нови хоризонти – оваа епизода со Анис Сефиданис е вистинската дестинација за вас.
🎧 Епизодата е достапна на Youtube и Spotify:

Популарно