19-годишен возач прегази малолетен пешак во тетовско.

На 29.12.2024 во 15.00 часот во СВР Тетово било пријавено дека на локален пат село Сиричино кон село Туденце, тетовско, патничко возило „опел“ со тетовски регистарски ознаки, управувано од Е.Д.(19) од село Туденце, удрило во малолетен пешак. Во несреќата, пешакот се здобил со тешки телесни повреди, констатирани во Клиничка болница Тетово, соопштија од полицијата. 

Увид на местото извршила екипа од СВР Тетово. 

Поранешниот американски претседател Џими Картер почина на 101-годишна возраст во својот дом во јужна Џорџија, соопшти синоќа неговата фондација.

Картер, демократ кој се повлече од јавниот живот, беше 39-ти американски претседател, служејќи еден мандат (1977-1981).

Тој беше добитник на Нобеловата награда за мир, а од февруари 2023 година добиваше домашна палијативна нега.

Неговото последно појавување во јавноста беше на погребот на неговата сопруга Розалин во ноември 2023 година.

Картер беше најстариот американски претседател.

Полицијата изминатиот викенд го приведе М.П.(72) од Демир Капија.

Според пријавеното од татко на малолетничка во овој град,  девојчето било запрено од пензионерот кој и’ упатувал прашања и понуда за во ресторан, а откако бил одбиен, и рекол дека повторно ќе ја бара, од што таа се вознемирила и исплашила.

„Извршен бил разговор со малолетничката во присуство на родителот и преставник од Центарот за социјални работи Неготино“, велат од полицијата.

М.П. бил приведен во полициска станица, известен бил јавен обвинител и по документирање на настанот ќе биде поднесена соодветна пријава.