Полицијата и во изминатото деноноќие апсеше за дрога низ цело Скопје. 

- Денеска (16.10.2024) во 03.00 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го лишиле од слобода С.А.(24) од Скопје затоа што кај него била пронајдена и одземена дробилка со остатоци од марихуана.

- Денеска (16.10.2024) во 01.40 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода К.К.(33) од Скопје затоа што кај него била пронајдена и одземена бела грутчеста материја. 

- Денеска (16.10.2024) во 01.20 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го лишиле од слобода С.Д.(26) од Скопје затоа што кај него била пронајдена и одземена марихуана. 

- На 15.10.2024 во 17.10 часот во Градскиот парк во Скопје, полициски службеници од Единицата за интервентна полиција при СВР Скопје го лишиле од слобода А.Р.(28) од Скопје затоа што кај него била пронајдена и одземена марихуана. 

- На 15.10.2024 во 14.45 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода З.А.(34) од Скопје затоа што кај него биле пронајдени и одземени марихуана и таблети. 

- На 15.10.2024 во 21.30 часот во Скопје, на кеј на река Вардар, полициски службеници од Единицата за интервентна полиција при СВР Скопје го лишиле од слобода С.С.(26) од Скопје затоа што кај него била пронајдена и одземена марихуана. 

По целосно документирање на сите одделни случаи ќе следуваат поднесоци против сторителите. 

Денеска продолжи судењето за убиствата на Вања Ѓорчевска и на Панче Жежовски.

Сведочеше полицаецот Музафер Каришиќ кој учествувал во потрагата на денот кога Вања била пријавена за исчезната.

Тој рече дека иако сакал да учествува во пребарувањето, сепак, таткото цело време седел во автомобилот и велел дека неговата ќерка е убиена.

- Со роднина од кај мајката тргнавме да пребаруваме. Мајката рече дека има стан во Капиштец, но таа немала клучеви од тој стан. Тогаш Александар рече дека веќе бил таму. Иако претходно сакаше да се бара и врши потрага по девојчето. Станот беше во Капиштец, влеговме во подрумските простории, гаражата, се качивме со лифт во зградата, станот го отворивме со клучеви, баравме дали има некакви детали, но Александар цело време велеше дека ќерка му е киднапирана и бараше да се преземат други мерки. Тоа траше 5-10 минути во станот, баравме да не се сокрило девојчето некаде, потоа се вративме во возилото. Јас се јавив и барав информации кој дел не е пребаран, ми кажаа дека Капиштец, и ние тргнавме да пребаруваме. По пат таткото цело време по пат велеше дека џабе бараме, џабе губиме време. Пребарувавме и скривници, цел регион го баравме, не констатиравме ништо…“, рече Каришиќ, и додаде:

- Тогаш се запрашавме зошто таткото не излезе од возилото. Бидејќи ние пребарувавме само јас и роднината од кај мајката на девојчето. Откако се вратив во возилото повторно го прашавме, зошто не дојде, тој повторно ми рече: Џабе бараме, таа е убиена, џабе трошиме време. Јас предложив да одиме до Средно Водно, отидовме, цело време велеше таткото „ајде да бараме“, а потоа велеше „џабе бараме“. Пребарувавме низ напуштен хотел, црквата, но и таа акција беше неуспешна, па се вративме во возилото и се вративме назад во полицискста станица каде беа мајката и другата ќерка“, кажа тој.

Обвинителот потоа праша дали таткото навел некоја причина зошто таткото мисли така.

- Го прашувавме зошто, дали има долгови, дали е некој функционер, зошто не помислува на нешто друго, на пример дека девојчето е во пубертет затоа што е 14-годишна и дека може нешто друго да се случи. Мајката беше умерена. Ние ја прашавме дали Александар секогаш вака се однесува, и таа немаше одговор. Ја прашавме и мајката дали има долгови… Не, не, не… Ни беше чудно зошто таткото имаше помисла дека е убиено детето, а немаше нешто друго…, рече Каришиќ.

Обвинетиот Влатко Кешишев ги однел полицајците до местото каде што била закопана убиената Вања Ѓорчевска.

Ова денеска на рочиштето го сведочеше Музафер Каришиќ, кој во времето на убиството бил помошник началник на СВР Скопје за криминалистички работи.

– Влатко Кешишев го пронајдовме преку „рено кангу“ и разговаравме со него. Во чуден сплет на околности самиот почна да зборува дека е лош човек, дека е нечовек, и наговестуваше нешто. Во еден момент рече дека ќе ме однесе мене на едно место, да ми покаже нешто, бараше да одиме сами не сакаше да одиме со другите началници, сакаше јас и тој сами, ми рече „ако дознае Палчо ќе ме убие“. Тоа беше во полициската станица Кисела Вода. Тргнавме, нѐ однесе до запалениот „цитроен“. Се предомислуваше дали да каже, дали не. Па во еден момент рече „ајде ќе ве однесам, има еден црн пат“. Возевме по негови насоки, се качивме едно 200-300 метри, рече „излезете“. Тоа беше еден широк простор. Сакаше да каже, па рече, „не можам, не можам“, па пак тргна накај возилото, па сакаше само со мене да разговара, па рече „ајде, нека биде“, и со главата ми посочи кон расфрлени перници и душеци. Дури и со рака не сакаше да покаже, покажуваше со главата кон перниците. Велеше „јас стоев на страна“. Ги тргнавме перниците, тој рече „тука е девојчето кое го барате“. Откопувавме додека не ѝ се видоа носот, веѓата и едната нога и престанавме. Прашавме кој, рече „Палчо, ја земаа и тука ја фрлија, а јас бев на страна“. За Боре дознавме исто од Кешишев, тој рече „Боре каратисот“ беше во „цитроенот“ – сведочеше помошникот началник Каришиќ. 

Каришиќ денеска сведочеше и за таткото на Вања, Александар Ѓорчевски.