На зградата на градската управа во Сплит ќе биде поставена спомен плоча на Сашко Гешовски, македонски војник на ЈНА кој беше убиен на големиот протест на 6 мај 1991 година пред зградата на Бановина, пишува порталот Далматински.

Ова го одлучи Комисијата за именување улици и плоштади на седница. Одлуката мора да биде потврдена од Градскиот совет. Ако зависи само од мнозинството, ќе помине непречено бидејќи помина и на Комисијата со осум раце поддршка, членови на Центарот Ивица Пуљка.

На седницата минатата година беше одлучено несреќниот млад човек да добие спомен плоча, но тогаш беше спорно името на неа на која пишуваше „Сашко Гешовски, невина жртва на протестите одржани на 6.5.1991 година“.

Предлогот дојде од активистот Марко Гај, кој со години се борел за обележјето. Тогаш не беше постигнат консензус околу натписот, беше констатирано дека може погрешно да се протолкува, па се бараше компромис. Се чинеше дека е пронајден во натписот „Сашко Гешовски, Кавадарци, 31 октомври 1971 година – Сплит, 6 мај 1991 година. Случајно починал на 6 мај 1991 година“. Но, не беа сите задоволни, двојазичниот знак е спорен (од десничарските опции) како и локацијата, т.е не сакаат да биде на зградата на Бановина, туку во парк.

Вчера е ограбена филијала на финансиско друштво за брзи кредити, лоцирана на булевар „Крсте Петков Мисирков“ во Скопје, во близина на трговскиот центар „Мавровка“ и Бит-пазар.

Разбојниците упаднале со огнено оружје, а според информациите кои ги објави ТВ21, однеле околу 300.000 денари.