Познатите се простуваат од Зоки Фаци - Беше „Доктор на науки за естрада“

Вести

пред еден ден

Познатите личности од македонската естрада се простуваат од Зоки Фаци кој почина рано утрово. Тој ја изгуби битката по долга борба со ракот, а веста за неговата смрт ја објави водителот Стефан Лазаров на својата Фејсбук страница.

„По долга борба со ракот тој не успеа. Македонија изгуби новинар, другар, човек кој знаеше да помага на сите. Сочувство до фамилијата и блиските“, напиша Лазаров.

Зоки Фаци важеше за еден од најпровокативни естрадни новинари во Македонија кој на многумина им беше верен пријател и искрен критичар.

- Наместо збогум... Зоки-Фаци... контроверзен, озборуван, екстравагантен, скандалозен, необичен, поразличен, чуден... Можеби, за многумина... За мене врвен естраден новинар, полн со информации, шпекулации, сознанија... Директен и конкретен, без страв да го каже или праша она што другите го знаат, а си молчат, чувајќи си го, знаете веќе што... Врвен професионалец, а кон мене и човек, кој новинарскиот занает го знаеше и владееше многу повеќе од мнозинството т.н. „онлајн copy-paste колеги“... Доктор на науки за естрада! Се' друго беше негова лична и приватна работа! Патувај мирно Фаци... Нека ти е светол патот кон вечноста... напиша познатиот естраден новинар Антонио Димитриевски.

- Никогаш не знам во вакви моменти што да напишам, а најмалку, пак, сега кога за тебе и тоа како имам да пишувам фермани. Од моментот кога прв пат ја отвори вратата на Вест, кога ми ровареше по тефтерот, па до пред некој ден кога со тешко срце сватив дека нема да ја извојуваш битката. Ама се надевав, до утрово се надевав дека ќе се случи чудо, дека ова е само лош сон. Ама не било сон бе Зоки, не било ништо од тие соништа кои сакаше да ги оствариш. Веќе нема ништо од рубриката Живот, ни Вест го нема, а веќе ни тебе те нема. И не е веќе исто, зашто такво ликче како тебе веќе не се раѓа! И во ваков претажен момент успеа да ме насмееш со твоите лудости, напиша новинарката Весна Миленковска.

- Сега си слободен. Ќе те сакам секогаш и никогаш нема да те заборавам, мој најдобар пријателе, сподели Хелена Роза која му беше пријателка на Зоки.

- Почивај во мир драг Зоки. Патувај онаму каде што овоземското лицемерие, човечко зло и неправдите ги нема. Небеско царство. Бог да го прости, порача во својата проштална порака Боки 13.

- Збогум Зочко, беше прекрасен човек, полн со емпатија, полн со љубов и желба за живот. Ќе фалиш Зоки. Сега ти е сигурно подобро. Патувај низ бескрајот, напиша на социјалните мрежи пејачката Тамара Тодевска.

- Нема да ставам црнобела фотографија. Ти каде и да се појавеше внесуваше боја и енергија. Сите ги чекавме твоите изјави и твоето оригинално 'Клошари едни нискобуџетни“, напиша Снеже Велков на Инстаграм.

Ужас вчеравечер во Штип: Млад маж ја убил партнерката и сам се пријавил во полиција

Вести

пред 5 часа

Ново убиство ја потресе Македонија. Доцна синоќа млад штипјанец си ја убил партнерката.

Вчера околу 20.15 часот во Полициската станица во Штип дошол Ф.З. (25) од Штип и пријавил дека ја убил неговата партнерка Е.П. (29) од Штип и посочил дека телото се наоѓа во објект во Штип“, велат од МВР.

Од страна на полициски службеници телото е пронајдено.

Направен е увид на местото на настанот во присуство на дежурен јавен обвинител.

Марија Шерифовиќ го откажа концертот во Скопје поради трагедијата во Нови Сад

Вести

пред 7 часа

Познатата српска пејачка и миленичка на публиката Марија Шерифовиќ го откажа концертот во Скопје во знак на солидарност со семејствата на загинатите во Нови Сад.

- Толку сум уморна од снимање вакви пораки. Веќе не знам ни што да кажам, ме болат градите, се чувствувам ужасно. Нема доволно голем збор да изразам колку ми е жал за се што се случи во Нови Сад. Срцето ми е со секој член на семејствата на било кој што загинал, или се бори за живот или на кој било начин е загорзен од тоа, рече Марија во своето видео-обраќање на Инстаграм.

- Поради тоа што во мојата земја Србија е Ден на жалост, донесов одлука да не пеам во Скопје. Апелирам до моите фанови да ја разберат мојата одлука, важно е само да сме добро, да сме живи и здрави, секогаш ќе има пеење, порача Шерифовиќ видно тажна и потресена од трагедијата.

Концертот е презакажан за 10.ноември на истата локација.

Убиен маж во пукање во Арачиново, повредено е и 19-годишно момче

Црна хроника

пред 8 часа

Едно од двете повредени лица во вчерашниот оружен инцидент во селото Арачиново е починато. Лицето им подлегнало на повредите откако било пренесено во Ургентниот центар на комплексот клиники „Мајка Тереза“. Неофицијално станува збор за 50-годишен маж, додека повредено е 19-годишно момче.

На другото лице, што беше повредено во Арачиново, медицинските лица велат дека ќе му биде извршена хируршка интервенција.

„Во Клиничкиот центар ‘Мајка Тереза’ примени се двете повредени лица во оружениот инцедент што попладнето се случи во селото Арачиново. Еден од повредените починал, а кај другиот ќе биде извршена хируршка интервенција“, потврдија за МИА од Ургентниот центар.

Од Министерството за внатрешни работи синоќа потврдија дека во селото Арачиново имало оружен инцидент и дека во двајцата арачиновци било пукано од возило „ауди“ во движење во кое имало две лица. Според МВР, повредени биле С.А. и А.А. кои околу 19 часот биле пренесени во Ургентниот центар „Мајка Тереза“ за укажување на медицинска помош.

Од МВР велат дека се преземаат мерки за расчистување на случајот.