Денеска во СВР Велес, од Итна медицинска помош Велес било пријавено дека во дом на улица „Благој Ѓорев“ бил пронајден починат 43-годишниот А.А., информира попладнево од СВР Велес портпаролот Биљана Ѓаковска.

Таа појаснува дека лекар констатирал смрт, известен бил јавен обвинител, а увид на местото извршила увидна екипа од СВР Велес.

Од СВР Велес најавија дека по наредба на јавен обвинител телото било дадено на обдукција во Институт за Судска медицина Скопје и се преземаат мерки за расчистување на случајот. 

Лицето што вчера го запали знамето на Македонија за време на прославата на Денот на албанското знаме е уапсено дознава НетПрес од извори во истражните органи.

Според информациите лицето било експресно лишено од слобода од скопската полиција, и заедно со докази како го пали државното знаме на Македонија против него било поднесена кривична пријава, а му била изречена и мерка притвор во траење од 30 дена, по што веднаш осомничениот веднаш бил однесен во Истражниот затвор „Скопје“ во Шуто Оризари.

Инаку, според Кривичниот законик на Република Македонија, за вакво кривично дело предвидена е затворска казна во траење од пет години.

Докторот кардиохирург Александар Колев со интересна констатација на својот фејсбук профил.

Загадувањето на водухот на кое сведочиме во изминатиот период, го поврза со екстремниот говор на омраза кој, се чини, постојано се шири на социјалните мрежи. 

- Тоа што дишеме отров не ни пречи, ама на многумина им пречи жената што станала мајка на 61 година. Народ што дише отров, нормално е да плука отров! - напиша тој во својата кратка, но моќна констатација.

За родилката имаше низа реакции на социјалните мрежи.