(Фото) Објавена фотографија од Шеваљ Муареми со новинарката Снежана Лупевска од Дубаи

Вести

пред 10 месеци

Во јули годинава беше поднесено обвинение за 5 членови на криминалната група Дуќанџик/Грчец за трговија со кокаин и за двојно убиство. Претходно полицијата за лидер на оваа група го прогласи Шеваљ Муареми.

Се бара со меѓународна потерница, а КОД веќе пишуваше дека се наоѓа во Дубаи. Со месеци се обидувавме да стапиме во контакт со него. Сега за КОД ја раскажа и својата страна на приказната и тврди дека докази за него нема.

Прифати да разговора со новинарите на КОД, но не сакаше тоа да биде пред камера. Муареми се согласи со Снежана Лупевска од КОД да напраи заедничка фотографија, но не сакаше да говори пред камери.

Тој во разговорот за КОД навел дека работи во компанија за компјутери.

(Фото) Патниците во оваа скопска населба наоѓале мир и си ја враќале силата

Скопје

пред 9 часа

Приказната за општината Kисела Вода е дека кон крајот на 18 век, на источната страна на денешната општина Kисела Вода, се откриени извори на минерална, кисела вода, кои бликале под карпата на поранешен каменолом.

Патниците таму наоѓале мир и си ја враќале силата за патот што ги очекувал, па полека почнало да се раскажува дека водата е лековита и има исцелителска моќ. Подоцна населението изворот го регулирал со три чешми. До него се изградени црквите „Свети Ѓорѓија“ и „Свети Никита“, а општината почнала да се вика Kисела Вода.

Кисела Вода е  општина во градот Скопје. Зафаќа површина од 46,86 км2 и се простира во југоисточниот дел на Скопската котлина. Таа се граничи со општина Центар како и со ноформираните општини Аеродром, Студеничани и Сопиште. Според податоците од последниот попис на територијата на Општина Кисела Вода има вкупно население од 58.216 жители од кои 91,2% се Македонци. На територијата на општината функционираат 13 месни заедници.

Во рамките на општината егзистираат повеќе спортски клубови кои успешно се натпреваруваат во сите македонски лиги. Во границите на Општина Кисела Вода постојат повеќе цркви и манастири кои се главна туристичка дестинација во овој регион.

Белгија е првата земја во ЕУ која ќе користи специјален дрон за транспорт на крв за болниците

Свет

пред една недела

За прв пат во Белгија патнички дрон транспортираше крв за потребите на болница, објави порталот Фокус на Белгија.

Белгискиот сајт оцени дека од технички аспект е отворен патот за економски, еколошки и ефикасно извршување на сложени медицински транспорти во секојдневниот живот, за кои традиционално се користат хеликоптери или лесни авиони. Сепак, од правен аспект, тоа сè уште не е можно.

Пробниот лет се одржа во близина на Лимбург во фламанскиот дел на Белгија. Беспилотното летало, со две патнички седишта и 16 електромотори и пропелери, летал до 130 километри на час за 30 минути.

Дронот поминал 2,6 километри без пилот со пакети крв. Авионот е дело на белгиската компанија Хеликс.

Овој авион е прилагоден за брз транспорт на крв до болници или во случај на обезбедување итна помош на недостапни места.

Сепак, законодавството во областа на сообраќајот во Европската унија сè уште не држи чекор со технологијата и иновациите во тој сектор, но пробниот лет е чекор во вистинската насока, објави порталот.

Популарно