КАМ соопшти дека на вработените ќе им исплати рекорден К-15

Вести

пред еден месец

Компанијата КАМ од мај годинава ја зголеми платата на вработените во маркетите во просек за 22 отсто.

Задоволството на вработените директно влијае врз перформансите на една компанија, а тоа секако се рефлектира и со зголемена продуктивност, лојалност и креирање на еден стабилен и компактен тим во кој луѓето се задоволни и сакаат професионално да растат и да се надградуваат.

КАМ е ориентиран кон потребите и интересите на вработените, а за тоа сведочи посветеноста да се креира позитивна и поддржувачка работна култура. Со овој пристап, целта е да се зголеми задоволството од работата, мотивацијата и ангажманот на вработените.

На членовите на тимот на КАМ им се обезбедени конкурентни плати, како и голем број бенефиции и поволности. Компанијата овозможува обука и развој кои се задолжителни за сите вработени во првиот месец од вработувањето, а и понатаму постојано се вложува во нивниот професионален развој. Обезбедени се одлични услови за работа, бонуси, како и плати кои високо го вреднуваат и стимулираат трудот и севкупната работа на вработените.

– Сите овие придобивки ги уживаат вработените на КAM, кој во нашата држава е посакувано место за работа во областа на малопродажбата што резултираше со освоена награда за најпосакуван работодавач за 2022 година во категоријата маркети. КАМ како лидер на пазарот во областа на малопродажбата, воедно е и пример и поттик за останатите ланци на маркети во државата кои се стремат и настојуваат за воведување на конкурентни плати и бенефиции за вработените – велат од менаџерскиот тим на КАМ.

Успехот на компанијата, пред сè, се должи и на сите 1.400 вработени. КАМ исто така е насочен кон експанзија и моментално во државата има 84 маркети, а во план е понатамошно ширење и дополнително отворање на нови локации во наредниот период

Регрес за годишен одмор и континуирани награди

Вработените добиваат регрес за годишен одмор, кој е речиси три пати поголем од законски предвидениот и секоја следна година е повисок од претходната. На вработените за 2022 им е исплатен К-15 во износ од 33.000 денари, за 2023 во износ од 37.600, а, за 2024 е планирано зголемување за 10 отсто, односно 41.000 денари. Покрај тоа, КАМ финансиски ја наградува и успешноста на одредени вработени и сектори кои оствариле извонредни разултати во текот на годината, како мотивација и поттик и за останатите членови на тимот.

Бројни бенефиции за секој член на тимот

Покрај регресот за годишен одмор, во делот за бенефициите предвидени се и останати придобивки за вработените (и за членовите на нивните семејства) како што се: пакет за добредојде за новите вработени, бонус за препорачан пријател, слободни денови за роденден и за лојалност кон компанијата. Меѓу другото, вклучени се и ваучер за склучен брак, ваучер за спортска опрема како еднократни бенефиции за вработените, можност за користење картичка за спортски активности со минимална партиципација од вработените, пакет производи за верските празници, празничен ваучер, пакет производи за новороденче, пакети со школски прибор за вработените чии деца се во училиште и се доделуваат при почетокот на првото и второто полугодие, а дополнително тука се и подароци за денот на жената и попуст за одмор во хотелот „Вилиџ“ во Охрид.

Вработените од одредени сектори имаат и платен организиран превоз и оброк, како и бонуси за редовност кои влијаат стимулирачки и се поттик за подобрување на постоечките перформанси на вработените.

Дополнително, КАМ вложува во едукација на ученици од дуалното образование од средните училишта кои посетуваат пракса во компанијата, како и на студентите кои согласно платената практикантска работа се здобиваат со можност да стекнат практични знаења и вештини, а дел од нив добиваат и шанса за редовно вработување.

Компанија која континуирано инвестира

Платите и секако бенефициите кои ги уживаат вработените во КАМ директно влијааат врз зголемувањето на задоволството на вработените и имаат удел и во постигнатите резултати на компанијата.

КАМ петта година по ред е прогласен за маркет чии производи се со најдобар квалитет во Македонија – сертификатот QUDAL доделен од независната швајцарска интернационална агенција ICERTIAS. Дополнително, наградата Best Buy Award, веќе петта година по ред потврдува дека КАМ има најдобар сооднос на цена со квалитет.

Уште едно истражување, на „Инсајдер ИД“, потврдува дека КАМ е најпопуларниот маркет во Македонија седум години по ред. КАМ и во 2023 година е прогласен за број 1 префериран ланец на маркети на домашниот пазар во повеќе поткатегории: највисока лојалност, најдобар сооднос на цена и на квалитет, како и најдобра локациска покриеност.

Вработените се највредниот ресурс на компанијата. Нивната благосостојба, задоволство и раст се најважни. Како дел од нашата постојана заложба за градење на поттикнувачка и поддржувачка работна средина, КАМ останува посветен на постојано подобрување на условите за работа.

Извор: Newz24live.com

(Фото) Ина Многуфина со хит статус: Не е толку скап квадратот во Скопје кога ќе размислиш што добиваш

Вести

пред 3 дена

Познатата инфлуенсерка Ина Многуфина во свој стил за цените на становите во главниот град.

Иронично и саркастично порача дека 3.000 евра за квадрат во Скопје и не е многу!

- Сеа скап квадратот, не е толку скап ко ќе размислиш што добиваш. Значи пази зимаш стан во град што е прв у свет по загаденост, прв у свет. Е нема море ама имаш река и низ неа често плови ѓубре, не е обична река. Во цената за квадрат добиваш: немање паркинг, немање јавен превоз, немање рамни улици, немање концертна сала, немање луна парк, немање диско, кабрио контејнери и разни други поволности. Така да, 3000 евра квадрат за све ова не е многу, туку вие сте стиснати, напиша Ина Многуфина.

Шок во мак-ракометот: Ненадејно почина Александар Јовиќ

Црна хроника

пред 3 дена

Македонскиот ракомет остана без голем работник, затоа што ненадејно во текот на ноќта почина тренерот Александар Јовиќ.

Јовиќ почина на 51-годишна возраст, а последно работеше како тренер на македонскиот суперлигаш Пролет. Низ тренерската кариера беше асистент на Лино Червар во Металург, а самостојно го водеше и Металург 2 и Еурофарм Пелистер со кого стана шампион на Македонија.

Како играч, Јовиќ беше дел од Металург, Вардар, Пелистер, Преспа, Борец од Македонија, како и Болоња од Италија, Сплит од Хрватска, Апатин од Србија, и Слобода Тузла од БиХ.

Судијка од Велес обвинета за фалсификување службена исправа, обвинение и против сопружници - сопственици на ланец аптеки

Вести

пред 4 дена

Основното јавно обвинителство Кавадарци информираше дека е поднесена кривична пријава против судијка во Основниот суд Велес и двајца сопружници – сопственици на ланец аптеки и правното лице, кои се товарат за фалсификување службена исправа и за употреба на исправа со невистинита содржина.

Судијката е обвинета и за фалсификување на исправа и во моментот на постапката таа е разрешена од судската функција, додека управителката на ланецот аптеки и нејзиниот сопруг се обвинети за поттикнување при извршувањето на кривичното дело и за употреба на исправите со невистинита содржина.

„Првообвинетата, постапувајќи во предмет во кој тужители се останатите обвинети, донела пресуда со која им го усвоила тужбеното барање и им утврдила право на сопственост на деловен простор и земјиште под зграда. Иако пресудата не била правосилна и извршна, а тужените навреме изјавиле жалби, судијката поттикната со умисла од сообвинетите, ја заверила со службен печат за правосилност и извршност со што свесно внела невистинит податок во службената исправа. Ваквата службена исправа со невистинита содржина таа ја дала на рака на управителката на правното лице, наместо преку судска достава.

Дополнително, како судија во вонпарнична постапка, обвинетата надвор од АКМИС системот за електронско управување со предметите во Судот, составила решение со кое на истите подносители им го усвоила предлогот за привремени мерки за обезбедување непарично побарување, со кое им овозможила на предметниот имот да впишат прибелешка во јавните книги со забрана за отуѓување и оптоварување. Потоа решила привремената мерка веднаш да биде извршна и примерок веднаш да биде доставен до Агенцијата за катастар на недвижности – Одделение за катастар на недвижности Велес. Решението било со невистинита содржина во поглед на податоците за наводно одржаното рочиште, а документот спротивно на судскиот деловник било доставено само до предлагачот.

Со посебно решение, таа ја задолжила спротивната страна да ги надомести парничните трошоци на предлагачите во износ од 1.124.308 денари, повторно веднаш давајќи и својство на правосилност и извршност на исправата, иако знаела дека се исполнети законските услови за повлекување на привремената мерка со што парничните трошоци би паднале на товар на подносителот. И ова решение не го доставила до останатите странки во постапката, туку единствено до предлагачот, со што ги оневозможила да користат правен лек – жалба.

За да ги прикрие сите противправни дејствија во предметите, обвинетата судијка свесно ги уништила службените документи – повратници и не ги споила сите документи во списите на предметот.

Обвинетите сопственици ги употребиле ваквите исправи со невистинита содржина пред Агенцијата за катастар на недвижности за да внесат промени во имотните листови во корист на обвинетото правно лице. Со лажно прикажување факти од судските постапки тие нанеле значителна имотна штета на спротивната страна, а за себе прибавиле значителна имотна корист. Парничните трошоци за постапката ги наплатиле преку извршител, иако знаеле дека барањето за извршување им е засновано на исправа со невистинита содржина“, се вели во соопштението на обвинителството.