Британскиот пејач и текстописец Елтон Џон присуствуваше на премиерата на својот мјузикл „Ѓаволот носи Прада“ (The Devil Wears Prada), во неделата во Лондон. Во таа пригода, тој рече дека, иако поради ослабнатиот вид не можел да ја гледа претставата, уживал во музиката.

-Не успеав многу да го погледнам сѐ тоа, затоа што, како што знаете, го изгубив видот, рече тој пред насобраните луѓе.

Во септември, пејачот откри дека преживеал тешка инфекција на очите што ја добил во јули. Во ноември, тој за американскиот телевизиски канал „Еј-би-си“ изјави дека боледува од делумно слепило на десното око, а „не е подобра“ ни состојбата на неговото лево око. Џон тогаш додаде дека здравствените проблеми го спречуваат да работи на нови музички проекти.

Елтон Џон (77) ја напиша музиката за „Ѓаволот носи Прада“. Мјузиклот е заснован на филмот од 2006 година. На гала-вечерта, на којашто се собираа средства за Фондацијата за истржувања за СИДА на Елтон Џон, присуствуваа познати личности, меѓу кои и од модната сцена – дизајнерката Донатела Версаче, но и главната уредничка на „Вог“ – Ана Винтур, за која се вели дека го инспирирала ликот на протагонистката Миранда Присли – модна величина со доста големо его.

Три лица се обвинети во врска со смртта на пејачот на One Direction, Лијам Пејн, објавија аргентинските власти.

Пејачот почина на 16 октомври, откако падна од балкон на третиот кат во хотел во Буенос Аирес. Човекот кој го придружувал е обвинет за напуштање на лице што резултирало со смрт и снабдување со дрога, соопшти Националното кривично обвинителство. Вработените во хотелот се обвинети и за снабдување со дрога. Никој од уапсените не е именуван.

Пејн беше едно од најпрепознатливите имиња во поп музиката откако се појави на X Factor и се прослави со One Direction во 2010-тите.

Аргентинските власти ги истражуваат последните денови на Пејн во хотелот CasaSur.

По смртта на пејачот, полицијата пронашла супстанци во хотелската соба и уништени предмети и мебел. Персоналот на хотелот двапати се јавил на 911 и рекле дека имале гостин кој земал „премногу дрога и алкохол“ и ја „демолирал целата соба“.

Во четвртокот, на 7 ноември, јавното обвинителство соопшти дека токсиколошките тестови во неговиот организам откриле траги од алкохол, кокаин и антидепресиви.

Обдукцијата утврдила дека причина за смртта е повеќекратна траума и „внатрешно и надворешно крварење“ од пад од балкон на хотел. Медицинските извештаи, исто така, сугерираат дека Пејн можеби паднал во полу-или целосна несвест, според канцеларијата на DA.

Ова ја исклучува можноста за свесен или доброволен чин на Пејн, вели обвинителството и заклучува дека тој не знаел што прави.

Властите извршија претреси во девет домови во Буенос Аирес и продолжуваат да го истражуваат скршениот лаптоп и другите запленети уреди на Пејн.

Обвинителството додаде дека прегледало повеќе од 800 часа видео снимки од безбедносните камери во хотелот и на јавните патишта и добило десетици сведоштва од персоналот на хотелот, членови на семејството, пријатели и медицински работници.