KARIERA DAYS vol.2 - Најди го твојот правец во кариерата на 9 и 10 мај

Промоција

пред 3 дена

Подготви се за дводневен настан што инспирира, поврзува и отвора врати кон нови можности! Оваа пролет, на 9 и 10 мај, KARIERA.mk и East Gate Mall повторно ги здружуваат силите за организирање на KARIERA DAYS vol.2 – уникатен настан посветен на сите што бараат нова професионална насока, поголема мотивација или само добра дружба.

По успешната прва година, ова издание доаѓа со уште побогата програма, нови активности и поиновативен пристап во поврзувањето на компаниите и потенцијалните кандидати. Деталите ќе ги споделиме наскоро, но веќе сега можеме да кажеме, можете да очекувате уште побогата програма, повеќе можности за разговор со можеби вашите идни работодавци, повеќе простор за забава и уште подобро искуство за сите учесници.

KARIERA DAYS е дводневен настан што отвора простор за вистински кариерни средби

Наменет е за сите – од студенти што се на почеток од својот професионален пат, до искусни кадри кои сакаат нова насока или подобра работна средина. Во рамките на настанот, посетителите имаат шанса директно да се запознаат со водечки компании, да дознаат за актуелни огласи и да воспостават прв контакт во пријатна, отворена атмосфера.

Ова не е класичен саем за вработување – туку нов начин на градење врски меѓу луѓето и компаниите, каде човечкиот контакт и искрената размена на информации се во центарот на вниманието.

А како ни беше минатата година?

Во текот на еден викенд, десетици компании и стотици посетители создадоа енергија која уште се памети – беа воспоставени нови контакти, се водеа инспиративни разговори и многумина го најдоа токму она што го бараа.

Погледнете како изгледаше KARIERA DAYS 2024:

Ана Салтирова Давидовски на „На Каде Одиме?“ - Ментори треба да учат вработени да решаваат проблеми

Вести Промоција

пред еден ден

Во новата епизода на поткастот „На Каде Одиме“, зборуваме со Ана Салтирова Давидовски – основачка на Личен Избор, авторка, NLP тренер и коуч, тренер за личен раст и искусна HR професионалка со повеќегодишно искуство во работење со луѓе и организации.

Разговорот го посветивме на теми што сè почесто добиваат значење и во професионалниот свет – личниот развој, NLP методологијата и работата на себе како дел од успехот на еден тим или компанија. Ана ни раскажа како изгледа процесот на воведување на вакви алатки во компании, каков е интересот, каде има отвореност, а каде уште постои скепса.

Преку искуства од своите проекти, Ана даде перспектива за тоа како се гради свесност, какви прашања најчесто си поставуваат луѓето кога започнуваат со личен развој, и како компаниите реагираат кога ќе почнат да се отвораат вакви разговори – од поефективна комуникација, до поддршка во лидерството и мотивацијата.

Во епизодата ќе слушнете и конкретни совети за оние што сакаат да направат промени – било да се индивидуалци кои сакаат да работат на себе, или компании кои сакаат да внесат нова енергија во своите тимови.

🎧 Епизодата е достапна на YouTube и Spotify каналите на KARIERA.mk.

Ана Секуловска на „На Каде Одиме?“ - Во Македонија има интерес за претприемништво

Вести Анкети Промоција

пред една недела

Во претприемачкиот свет, идејата е само почеток – вистинскиот успех доаѓа со заедницата, менторството и правилните можности. Токму за ова зборуваме во најновата епизода на поткастот „На Каде Одиме“ со нашата гостинка Ана Секуловска, програмски директор во StartUp Club Skopje.

Ана е личност која стои зад многу иницијативи што ги поврзуваат младите претприемачи со ресурсите и поддршката што им е потребна. Како долгогодишен модератор на настани, поткаст водителка и активен член на стартап заедницата, таа има увид во тоа што значи да се започне бизнис во Македонија, со какви предизвици се соочуваат основачите и како можат да ги надминат.

Во оваа епизода зборуваме за стартап културата кај нас, важноста на вмрежувањето, менторството и волонтирањето, како и за улогата на инкубаторските програми во развојот на нови идеи. Доколку сте размислувале за сопствен бизнис или ве интересира што ја движи претприемачката сцена во регионот, оваа епизода е вистинското место за инспирација и практични совети.

📅 Епизодата е достапна на YouTube и Spotify каналите на KARIERA.mk! 🎥🎧

🎧 Слушајте, инспирирајте се и размислете – на каде одиме? 🔎

Популарно