KARIERA.mk со големо задоволство успешно ја реализираше интерактивната работилница The Talent Blueprint: Employer Branding, Retention and Leadership in Focus, која се одржа на 5-ти ноември во хотелот Панорамика во Скопје.

Работилницата беше предводена од двајца меѓународно признати експерти Gonçalo Sequeira LinkedIn Top Voice и CEO на Hiire, поранешен Head of Recruitment во Mercedes-Benz.io и Yardena Krongold HR стратег и тренер со програми креирани заедно со Harvard Business School и долгогодишно искуство во компании како Amazon, Coca-Cola, Avon, Bayer и Novartis. 

Учесниците имаа можност да:

• Научат како да изградат и промовираат автентичен бренд на работодавец кој привлекува и задржува таленти
• Откријат иновативни стратегии за ангажман и задржување на вработените
• Развијат лидерски вештини што поттикнуваат доверба, мотивација и организациски раст
• Истражат реални примери и алатки за ефективен HR менаџмент во динамична работна средина
• Се вмрежат и разменат искуства со професионалци од различни индустрии

Атмосферата беше инспиративна и интерактивна – преку дискусии, практични задачи и студии на случај, учесниците добија вредни увиди и конкретни чекори кои веднаш може да се применат во нивните компании.

Голема благодарност до нашите говорници Gonçalo и Yardena за инспиративните предавања и практичните совети, како и до сите компании кои учествуваа и ја направија оваа работилница навистина посебна: Lingvistika dooel, LSG Building Solutions, Borek Solutions Kosovo LLC, Unija Smart Accounting, ZEGIN, Makpetrol, Mikrosam, BTA, Pakom Kompani, Rhino Entertainment Group, Moznosti, Prokredit Banka, Transcom, Women in Tech, TAV Makedonija, Banzae, Kemet, Adient Seating Shtip, Lear Corporation, Adra, Samerimpex-impulsi, Panteleon GS, Kromberg & Schubert Macedonia, Zito Luks AD, Limitless Solutions, Kaz Group.

KARIERA.mk продолжува со својата мисија да создава настани кои ја поврзуваат HR заедницата и ги поттикнуваат организациите да растат преку знаење и инспирација.

Ви благодариме за присуството и позитивната енергија!

Погледнете дел од атмосферата во продолжение – се гледаме на следната работилница!

Сашко Коцев своето прво обраќање на овогодинешната „Бубамара“ го започна со реченицата „имаме толку многу материјал, што веќе не е смешно“ и во право беше. На толку многу глупости, човек повеќе и не може да се смее, посебно кога станува збор за неговата држава. Од надвор, сигурно ни се смеат и со право.

Фото мотажа

Кога пред неколку години почнав да пишувам колумни, се случуваше од недостаток на настани или потреси да прашувам луѓе за совет која да биде темата на мојот следен текст, а имаше и моменти кога пишував за спорт, љубов, среќа.... и тогаш дојде „шарената, ја викаа револуција“. Теми колку сакаш. СДСМ, ДПМНЕ, Шарени, Тврдокорни, СЈО... па Талат, Влада на Заев, промена на име .... и здосади. Веќе не е интересно, но дечкиве тек почнале. Не планираат да запрат се додека не паднат од власт и останат запомнени како убедливо најлошите до сега, во многу силна конкуренција.

Па видете што се можат да направат за само неколку дена и тоа на разни полиња. Прво го имаш она залижаното дете шо им глуми потпарол, кој во дебатна емисија ти изјавува „Чуму ти идентиет, ако немаш пари?“. Истиов „син на мајка“ на секоја пресконференција, намерно (веројатно по наредна) по 4 пати у една реченица кажува Северна Македонија. Не, тоа никаде не е потпишано во преспанскиот договор и никој не може да делува врз него. Тој нема државна функција и може слободно да вели Македонија, но....  Ама, ок, нему идентиетот не му треба, ако нема пари, а ако има пари, шо му е гајле. На таа пара, шо ќе му е идентиет. Па и ако му затреба, ќе си купи Западно Европски. Ок доста за него и онака има многу за набројување. Стево (поранешен Стевчо) го следат! Барем он така вика. Заев вика (не кажа од кај му се информациите) дека Стево се фура, за подоцна и Оливер да го потврди фурањето на „прецедников у најава“. Ех, ама Стево не се откажува. Не го следеле само него, туку и свештеници, така рекол Оливер пред некој месец! Е сеа и Стево викаше дека нема да го смениме името и дека за тоа треба задолжителен референдум и консензус и.... Или можда тоа Стевчо беше... Кој ли беше коа беше со „шарените“ и кога нарече голем дел од народот овци? И уште побитно, кај му е Југото и дали уште пали?

И додека ние се занимаваме со нив, Димитров иде у Бугарија и гласно пред министерката на Грција одлепува: Македонскиот јазик нема допирни точки со јазикот кој го зборуваат Македонците во Грција! Пази, ликов не е Стево, не е кандидат за нешто, туку министер за надворешни работи на Македонија. Сега северниот Димитров, потекнува од фамилија од Егејска Македонија! Па добро бе, како се гледа у огледало! Не, не ради бемката, ради совеста ми е муабетот. И таман си викам за тоа ќе пишувам ,батали Стево и Оливер со Југото, опааа интерпелација за внатрешниов. Шо ми требаше па пуштив да ја гледам седницата. Драма! Никој никого ништо не слуша, сите дојдени со напишани говори, си ги читааат, па си реплицираат со други напишани говори и така во круг. За на крај само 20 пратеници да гласаат ЗА интерпелација! 20?! Озбилно ДПМНЕ? Па зошто ја поднесовте интерпелацијата? Мислевте СДСМ ќе му врачи отказ на министерот со (случајот со) пајакот? Читајте си говори и он сам ќе се откаже? Ок, бидна и тоа, па вечерта дојде ред на Заев да чита и се случи ... Човекот кој ни смени име и идентитет, сега со еден говор ја смени и историјата на Евреите. Они да ти славеле Холокауст. Традиционално!!! Колку треба да си ѓон, да не се ни слушаш што читаш? Колку не треба да ти е гајле? Али уште полошо, колку треба Евреите у публика да се ѓонови, па никој да не изреагира? Ало бре, остана ли човек у државава? Емоции, чувства, здрав разум... нешто?!!! 

Се будам утрово и мислам сите за Заев ќе зборат, коа оп СЈО си играле базен! Опааа отиде империјата. Ко у некој нискобуџетен амерички мафијашки филм. Ејјјј поплава. Дотрајана е инсталацијата, а ние имаме буџет „само“ 8 милиони евра годишно, па доказите така ни стојат на земја покрај парното! Не, не сите, тие од Империја само! Т.е. има и други два, ама тие веќе се процесуирани и ги стаивме таму само да ви замачкаме очи! И најјакото, за овие „специјалниве“ се сретнаа Заев и Мицкоски да преговараат и да решаваат. Тоа е најголемата одлука шо треба да ја донесат! Озбилно ми иде да се смеам, ама од мука не можам!

Автор: Пацифист