Бејли: Апсурдни се обвинувањата дека САД ја дестабилизираат Македонија

на 7.2016

Американскиот амбасадор Џес Бејли денеска остро ги отфрли обвинувањата дека САД се обидуваат да ја поткопаат стабилноста на Македонија и додаде дека тој и САД го поддржуваат владеењето на правото во земјата.

„Ние во американската амбасадата во Скопје често гледаме приказни во медиумите за теории на заговор и обвинувања дека САД се мешаат во домашните работи во Македонија и преземаат акции за дестабилизирање на земјата. Веруваме дека повеќето граѓани во Македонија, исто како и ние, ја препознаваат апсурдноста на ваквите приказни. Сепак, по неколкуте неодамнешни обвинувања за наши вработени и програми, дозволете ми да појаснам, особено за нашата поддршка за владеењето на правото“, стои во соопштението.

Бејли, исто така, потсети колкава е финансиската помош што САД ја дале во изминатиот период, но и колку лица и од кои сектори се усовршувале со помош на средствата на САД.

„Ние сме многу отворени за нашите програми и ангажман. Во последните 15 години, американската влада помогна со повеќе од 55 милиони долари за развој на капацитетите на македонските судови, судии, обвинители, адвокати на одбраната и на полицијата за тие да го извршуваат својот мандат професионално, транспарентно, ефикасно и со кредибилитет. Повеќе од 600 судии, 300 јавни обвинители, 150 адвокати на одбраната и повеќе од 2.000 припадници на силите за безбедност имаа корист од овие напори“, вели амбасадорот.

Бејли истакна дека актуелната политичка криза во Македонија поттикнала обвинувања за злоупотреба на власта и за можно криминално однесување, во комбинација со обвинувања за мешање на извршната во судската власт и во работата на обвинителствата. Тој потсети дека лидерите на четирите најголеми политички партии во Македонија се согласиле, а Собранието едногласно го изгласало создавањето на новата независна институција – Канцеларијата на специјалното јавно обвинителство (СЈО).

„Без разлика дали СЈО ќе биде успешно во спроведувањето на непречени, непартиски, како и професионални истраги со целосна поддршка од сите институции, тоа ќе биде вистински тест за владеењето на правото во оваа земја. Со оглед на клучната улога во воспоставување на правна одговорност, САД го поддржуваат СЈО со обука и со помош, исто како што им помагавме на македонскиот судски систем, Јавниот обвинител и на полицијата од независноста на Македонија. Овој ангажман е одраз на нашата длабока посветеност на владеењето на правото за да им помогнеме на луѓето во Македонија да се реши актуелната криза, да се развијат силни демократски институции и да се тргне напред кон членство во Европската Унија и во НАТО. Таа посветеност останува цврста“, вели Бејли.

Скопјанец претепан поради недоразбирање за паркинг место

пред 12 минути

На 26.04.2024 во 17.40 часот во СВР Скопје, Д.Ш.(44) од Скопје пријавил дека на подрачјето на Бит Пазар во Скопје, по претходно недоразбирање околу паркинг простор, бил физички нападнат од С.С.(48) од Скопје.

По целосно документирање на случајот ќе следува соодветен поднесок, велат од МВР.

Утре започнува пролетниот распуст за учениците

Вести

пред 42 минути

Од утре до 6 мај, учениците од основните и средните училишта ќе бидат на пролетен распуст.

Пролетниот распуст е воведен првпат во оваа учебна година, па затоа има промена и во календарот за настава.

Па така, учебната 2023/2024 година за основците ќе заврши на 17 јуни, а за средношколците, како и во минатите години – на 10 јуни.

Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024.

Ден претходно, односно на 7 мај, вторник, во училиштата каде што ќе се организира гласањето, ќе имаат скратени часови и работно време до 11 часот.

Неработните денови поради изборите ќе бидат одработени во работни денови со подолг престој на учениците во училиштата за да се реализираат дополнителни часови.

Учениците во Скопје треба да надоместат и за пропуштената наставата на 30 ноември лани кога во главниот град беше организиран Советот на министри на ОБСЕ.

За планирањето и организирањето на дополнителните часови, Министерството за образование и наука ги задолжи директорите на училиштата.

Дневен хороскоп

Хороскоп

пред 2 часа

Овен

Разговорот со пријател ќе ве расположи. Ќе имате вешти раце и ќе бидете добри во практични задачи, па би можеле да направите одредени поправки низ куќата. Вашето здравје може да биде чувствително. Насобраниот стрес може да предизвика варење, затоа јадете посна храна и пијте многу течности.

Бик

Љубопитни сте и желни сте за нови информации, кои може да варираат од интелектуално знаење до секојдневни озборувања. Биковите кои бараат љубов се блиску до задоволство на тој план. Пасивноста може да ве спречи на патот кон емотивниот успех, па не очекувајте само другата страна да преземе чекори, бидејќи вие ќе чекате.

Близнаци

Во извршувањето на работата, парите и секојдневните обврски, можеби навистина ќе ја занемарите важноста на партнерството и несебичното емоционално споделување. Затоа искористете го денот за да го поминете со саканата личност на најдобар можен начин. Ако дозволите врската премногу да залади, подоцна ќе ви биде потешко да воспоставите нормален контакт.

Рак

Ова е добро време да се фокусирате на едноставни, суштински работи, како што е чистење на домот. Ваквите работи се поважни отколку што мислите, но премногу е лесно да ги заборавите поради работата што се натрупува околу вас.

Лав

Не ги отфрлајте лесно познанствата со луѓе кои ги среќавате, а кои изгледа не ви требаат. Некои од нив можеби ќе ви бидат од голема помош подоцна. Во љубовта малку ви недостасува целосна среќа. Ве мачи недовербата кон партнерот, како и љубомората. Не сте сигурни во себе и своите чувства.

Девица

Различни непријатни ситници би можеле да ве одвлечат од вашите цели. Стресот нема да биде голем, но ќе ви ја попречи концентрацијата и ќе ви ја одземе волјата за убави работи. Препуштете се на утринската или попладневната мрзеливост со мир на умот, дури и ако имате многу работа околу куќата.

Вага

Чувствителни сте и ранливи, затоа заштитете се од стрес. Откажете ги состаноците, но информирајте ги навреме оние кои сметаат на вас. Очекувајте телефонски повик од личност со чија помош ќе решите проблем кој ве мачи подолго време. Не дозволувајте се да се случува преку телефон, поканете ја кај вас и уживајте во разговорот.

Скорпија

Ќе бидете сочувствителни и прифатливи, што околината ќе го препознае и ќе ви ги побара услугите. Ќе уживате во примањето комплименти и со тоа ќе ја поттикнете љубомората кај партнерот. Ако забележите дека се лути, обидете се да го расположите. Времето е поволно доколку сакате да направите нешто корисно поврзано со вашето здравје или естетски впечаток.

Стрелец

Децата или помладите членови на семејството ќе бидат одговорни за вашиот немир и нервоза. Немате причина за таков страв и дилема. Имајте повеќе доверба во нив и оставете некои одлуки на нив. Пазете се од сопствената мрзливост. Може да се налутите, да најдете вина на сѐ и да го навредувате партнерот без причина за да ги одбраните сопствените слабости.

Јарец

Ќе се разликувате по способноста за прилагодување, а ќе имате и завидни организациски способности. Ќе разберете како да го решите проблемот од емотивна природа. Спроведување на одлуката што е можно поскоро. Ќе најдете заеднички јазик со личноста со која се расправате, што ќе ви донесе големо олеснување.

Водолија

Ќе бидете пријателски расположени со сите. Ќе избегнувате кавги и ќе покажете добра волја сите несогласувања да ги решавате со отстапки. Луѓето ќе одговорат на вашата добрина и ќе ви одговорат великодушно. Брачните двојки, кои минуваат низ кризен период, ќе најдат решение за многу проблеми, особено финансиските.

Риби

Почестете се со ден за забава и релаксација. Заборавете на обврските и препуштете се на мрзеливост или активно дружење, во зависност од тоа што повеќе ви одговара. Љубовните чувства би можеле да бидат возвратени, а ќе биде забележлива и интелектуалната хармонија со саканата личност.