Физиотерапевтот, 64-годишната Лори Ален од Лахаина, хавајски град кој речиси го избришаа пожарите, е во критична состојба откако се обидела да и помогне на сосетката да избега од нејзиниот дом.

Ален се здобила со изгореници на шеесет отсто од телото.

Државните власти потврдија дека во пожарот загинале 55 лица, но се очекува бројката да биде поголема, бидејќи стотици луѓе се уште се водат како исчезнати. Исто така, според гувернерот Џош Грин, околу 1.000 објекти биле уништени или оштетени.

Лори Ален итно била пренесена во болницата Штрауб во Оаху, а од четвртокот е на интензивна нега. Заедно со сопругот Пери, брачната двојка во пожарот загуби имот вреден 1,3 милиони долари.

Пени Ален-Худ, сестрата на Пери, потврди дека Лори е во критична состојба и дека започнала кампања за собирање пари, за да обезбеди живеалиште за нејзиниот брат и снаа.

„Состојбата на Лора и понатаму е критична. „Ми кажаа дека причината поради која не побегнала веднаш е затоа што и помагала на нивната постара газдарица од која ја изнајмиле куќата, да побегне“, изјавила Пени.

Досега се собрани повеќе од 13.000 долари, а целта е 30.000 долари.

Стотици жители и туристи се уште се водат како исчезнати, а сателитски снимки покажуваат дека брегот на островот е целосно уништен.

Рускиот претседател Владимир Путин имаше телефонски разговор со турскиот претседател Реџеп Тајип Ердоган, соопшти прес-службата на Кремљ. Политичарите, меѓу другото, разговараа за руско-американскиот самит што се одржа во Алјаска на 15 август, соопшти Кремљ.

Во разговорот со Ердоган, Путин го коментираше состанокот со американскиот претседател Доналд Трамп, а во овој контекст, претседателите на Русија и Турција разговараа за прашањето за решавање на украинскиот конфликт. Шефот на руската држава му се заблагодари на својот соговорник за посредништвото во преговорите меѓу Москва и Киев во Истанбул, соопшти Кремљ.

Покрај тоа, политичарите разговараа за актуелни прашања на билатералната агенда, на пример, продолжувањето на соработката во областа на трговијата и инвестициите.

-Беше договорено да се продолжат личните контакти, се наведува на официјалната веб-страница на Кремљ.

Турција ги поддржува напорите за воспоставување траен мир во Украина со учество на сите страни, му рече Ердоган на Путин за време на денешниот телефонски разговор, соопшти турското претседателство.

Ердоган му рекол на Путин дека внимателно го следи развојот на настаните поврзани со тој процес и дека Турција се залага за праведен мир уште од почетокот на војната, се вели во соопштението. (МИА)

Научниците предупредија дека најголемиот глечер Ането, на Пиринеите во Шпанија, би можел целосно да се стопи во следните десет години поради високите температури.

Весникот „Ел Паис“ пишува дека група истражувачи од Пиринејскиот институт за екологија пронашле формации кои содржат саѓи, бактерии и честички од карпите на дното на најголемиот глечер во земјата, Ането.

Утврдено е дека предметните црни мукозни формации го забрзуваат топењето на глечерите.

Истражувачот Начо Лопез-Морено и неговиот тим ја измериле дебелината на глечерот користејќи копнен радар (GPR).

Научниците утврдиле дека стапката на топење на Ането е тројно зголемена од 1981 година. Само минатата година се стопи триметарски слој од глечерот, а од 1981 година дури 30 метри. Глечерот досега изгуби 64 отсто од својата маса.

Истражувачите соопштија дека има 21 глечер на Пиринеите, од 52 што постоеле во 1850 година. Постојните глечери изгубија до 91 отсто од својата површина.

„Глечерот во последните години секоја година губи по 1,5 метар. Под претпоставка дека неговата просечна дебелина е 11 метри, глечерот не може да трае долго“, рече Лопез-Морено и додаде дека глечерот Ането може да исчезне за десет години.

Третиот екстремен топлотен бран во Шпанија летово го собори рекордот за највисока измерена температура на воздухот, покажуваат податоците регистрирани од 1928 година.

Шпанскиот метеоролошки институт (AEMET) објави дека на 18 јули е измерена рекордна температура од 45,4 степени Целзиусови во областа Фигерес во Жирона.