ФОТО РЕПОРТАЖА: Манастирот Трескавец по Пред дождот и пред пожарот:(

Денеска Македонија загуби дел од едно светски непроценливо богатство. Во пожарот изгореа конаците во преубавиот манастир Трескавец, за среќа беше спасена црквата која е дел од комплексот. Zase.mk низ фоторепортажата на Златко Божиновски ве потсетува како до денеска изгледаше оваа дарба од Господ.

Манастирот Трескавец, познат како Света Богородица сместен е на десетина километри од Прилеп на падините под врвот Златоврв.

Се верува дека е изграден во XII, односно XIII век.

Неговата разновидна архитектура укажува на разни обновувања и уривања. Подоцна бил надограден во XIV век.

Поради својата уникатна убавина манастирот е привлечен за голем број странски туристи, но и за странските амбасадори во Македонија, речиси и да нема такви кои не го посетиле.

Во рамките на манастирот се наоѓа и црквата Успение Богородично.

Во црквата се зачувани значајни византиски фрески.

Во „Трескавец“ се снимени сцени од два филма на Милчо Манчевски, „Пред дождот“ и „Прашина“

Најпосетуван е за празникот Богородица 28 август . Тогаш во манастирот се собираат голем број варошани и прилепчани да го означат овој свет ден.

Местото е толку недостапново карпите, што е вистинско чудо како е изграден комплексот

Зачувани се и кујната и трпезаријата од XIV век.

Манастирот има свои конаци и трпезарија. Издигнат високо над карпите во планината, дава прекрасна глетка на околните планини Баба, Бабуна и Кајмакчалан, како и над Пелагонија.

Планинарска патека низ карпи и ниски треви води од Прилеп до манастирот.

Во близина на манастирот поставен е патоказ кој покажува колкава е оддалеченоста од тоа место на неколку светски метрополи.

Во манастирот често доаѓаат туристи и планинари.

И во минатото гореле и биле уривани македонски цркви и манастири, но македонската сплотеност и верба во Бога секогаш успевале одново да ги изградат и тие повторно да блеснат со сета своја убавина. Така ќе биде и овој пат сите заедно повторно ќе го изградиме Трескавец.

Автор: Златко Божиновски

Кој на која фотелја ќе седне и зошто?

Во дискусиите за реформата на јавната администрација, кои се чини дека секогаш се актуелни, сѐ повеќе се зборува за мерит принципот (или принципот на заслуга) при именувањето на функционери, односно за професионализацијата на раководните позиции во јавната администрација (што би значело дека нив треба да ги пополнат лица со соодветни компетенции и програми). Различни субјекти и организации говорат на оваа тема од различни перспективи.

Домашните стручњаци и невладините организации бараат поголема имплементација на принципот на мерит. Странските експерти често нѐ советуваат како да ги измениме законите за да добиеме посоодветни директори, а меѓународните организации нѐ уверуваат дека тоа ќе нѐ доведе поблиску до интеграција во Европската Унија.

Опозицијата (независно кој ја сочинува) често критикува дека се именуваат некомпетентни лица на раководни функции. Власта, пак, независно кои партии ја сочинуваат во даден временски период, се чини дека не сака да ги напушти повеќедецениските практики да ги именува директорите, членовите на управните и надзорните одбори и слично исклучиво според сопствените преференции и партиската припадност, занемарувајќи ги професионалните компетенции.

Следствено, во епизодата „Кој на која фотелја и зошто?!“ зборуваме за примената на принципот на заслуги во јавната администрација во Република Северна Македонија. Кои позиции треба да се пополнуваат исклучиво според принципот на заслуги? Постојат ли позиции за кои, освен компетенции, е потребна и блискост до програмските определби и политиките на Владата? Како да се осигураме дека едно директорско место или друга функција ќе ја пополни соодветно лице? Може ли да важат истите правила за сите директори (на класичните органи на државната управа, на јавните претпријатија, на јавните установи)? Треба ли да постојат управни одбори во органите на државната управа и јавните претпријатија? Зошто претходната Влада од 2018 до крајот на мандатот го најавуваше Законот за висока раководна служба, но тој не се усвои? Потребен ли е ваков закон? Како се злоупотребува можноста за именување на в.д. директори?

На овие теми дискутираме со проф. д-р Ана Павловска-Данева од Правниот факултет „Јустинијан Први“, воедно и уставен судија, и со Јулијана Караи која е Виш истражувач во Институтот за Европска политика – ЕПИ.

Имаат ли перспектива младите во државава?

Драги пријатели, со голема радост го споделуваме првиот подкаст на Македонско-американската алумни асоцијација од серијалот ‘The Voice of MAAA’ (Гласот на МААА) при проектот ,,Алумни поддршка на волонтерски и воннаставни активности".

Подкастот е на тема „Перспективите на младите луѓе во нашата земја„ и во него гостуваат нашите членови Бојан Кордалов, комуниколог и Иван Дургутов, младински активист, а го модерира Катерина Топалова, новинар.

Се надеваме дека гласот на нашите членови ќе допре до младата популација во нашата земја, како и до сите заинтересирани за темата. Уживајте!

ВИДЕО: Гори мотор на Теодосиј Гологанов во Скопје!

Втор пожар денеска во Скопје. Не толку голем како оној во Универзалната Сала, но доволно силен за да ги вознемири жителите на населбите Тафталиџе и Козле. 

Во пожар изгоре мотор на булеварот Митрополит Теодосиј Гологанов веднаш до комплексот Гранд Престиж. Засега нема информации за повредени или пак за тоа како настанал пожарот.

Видеото можете да го погледнете на линкот подолу.

Испратено од: Сара

https://youtube.com/shorts/20hGpiR-0SU?si=DFfQ5VxsyiO-B7dw

Популарно