“Александар Македонски бил Македонец, а со Грците се разбирал преку преведувач “, вели во емисија на Хрватската државна телевизија изјави Домагој Николиќ, независен истражувач на античкиот период.
-Го прикажуваат секако, знаете. Го прикажуваат како Грк. Јас лично мислам дека тој не е никаков Грк, тој е Македонец. Тој е Македонец со словенска крв. Никако грчка. Ние знаеме дека тој со Грците често разговарал со помош на преведувач и дека кога Грците од неговата војска се обраќале или обратно – кога некој им се обраќал на грчките трупи, тоа го правеле со помош на преведувач. Неговата војска имала околу 37 000 војници од кои само околу 7000 биле Грци, останатите биле Македонци, Тракијци, Илири итн., изјави Николиќ во популарната емисија “На рубу знаности”.
Освен потврдата на овие добро познати факти, Николиќ во оваа емисија изнесе и уште една можеби помалку позната информација, а тоа е дека Словените и Александар Македонски коегзистирале во ист период. Тврдењето на Николиќ дека Александар е Македонец со словенска крв ги демантира информациите дека Словените на овие простори дошле многу подоцна.
Дел од македонска јавност е веќе запознаена со Повелбата на Александар Македонски упатена до Словените односно Привилегијата со која што тој им се заблагодарува за учеството во неговите борби и војувања. Повелбата односно Привилегијата е објавена во книгата “Кралството на Словените” од средновековниот патописец и историчар Мауро Орбини. Токму на оваа книга се повикува и Николиќ и вели дека Александар имал словенска крв по татко му Филип.
Во однос на гробот на Александар Македонски, Николиќ вели дека тој барал неговото тело по смртта да биде однесено во Македонија. Неговите претпоставки се дека Александар е закопан некаде во близина на античкиот град Билазора во близина на Свети Николе. Николиќ е посебно благодарен на македонскиот истражувач Никола Ристевски кој што му открил голем дел од информациите.
Запрашан од водителот уште еднаш да објасни за грчко – македонските релации на Александар и што тоа значи од денешна перспектива со оглед на тоа дека македонската територија подоцна беше поделена, Николиќ вели:
-Грците едноставно би сакале да се Македонци-Грци. Ама, тоа не е така, вели тој нагласувајќи дека до скоро до Солун па и во Солун се говореше во најголем дел македонски јазик, но кога дел од Македонија под сила на одредени околности стана дел од грчката држава, тогаш почнала голема хеленизација.
-Е сега сите ние со сила мора да се согласиме. Зошто ? Затоа што тоа е некаква службена догма и не смее да се доведе во прашање за да не се налутат Грците. Јас не знам зошто е важно кој ќе се налути? Важна е вистината.”, изјави Николич нагласувајќи дека таканаречената хеленистичка историја била пишувана од Германците во 19 ти век и дека Грците во древната историја поради сопствените проблеми често и ги викале странците да дојдат за да им управуваат и да владеат.
Во рамките на емисијата, Николиќ изнесе огромен број интересни но и многу значајни факти за Македонија, особено од областа на метафизиката , езотеријата и астрономијата, а посебен акцент стави на езотериското значење на дел од зборовите во Македонскиот јазик . Инаку, во Македонија е веќе издаден речник на македонски езотерични зборови во рамките на македонскиот езотеричен роман “Розата од вода”.
