Легендарниот Шкот, кој 26 години стоеше на чело на еден од најголемите клубови во светот, Манчестер Јунајтед, ќе остане запаметен во историјата на светскиот фудбал како голем и успешен тренер, кој што притоа оставал во минатото многу легендарни изјави, кои и понатаму ќе се вртат по најголемите светски медиуми.

Една изјава на Фергусон од пред 4-5 години, исклучително ги фасцинира навивачите на Манчестер Јунајтед, поради нејзината специфичност кога при едно интевју за BBC во 2011 година, Алекс Фергусон зборувајки за тв правата на клубовите и телевизиите, даде една доста интересна изјава.

„Кога ќе се ракувате со „ѓаволот“, вие мора да ја платите цената за тоа“, алудирајки на Манчестер Јунајтед кој што постојано е еден од клубовите кои најмногу заработува од тв правата кои ги продаваат на повеќе телевизии ширум светот.

Но и покрај тоа што најголемите клубови дебело си ја наплаќаат продажбата на тв правата, Фергусон во минатото сметаше дека клубовите сепак не ја добиваат вистинската сума на пари од најголемите и најпознати светски медиуми.

„Кога ќе размислиме за тоа, сметам дека клубовите не добиваат доволна сума на пари од тв правата кои ги продаваат во текот на една сезона“, беа зборовите на Фергусон во минатото.

Манчестер Јунајтед како клуб, во сезоната кога не играше ЛШ, по заминувањето на Алекс Фергусон од кормилото, имаа мал пад на сезонските приходи, но тоа не се одрази премногу на нивните финансии, па веднаш потоа следното лето потрошија скоро 190 милиони евра, што докажаа дека Јунајтед е гладијатор кога се во прашање финансиите кои ги стекнуваат од армијата навивачи кои ги имаат ширум светот.