Трагедија во семејството на Адријана Кеш: Мислев дека ќе ја победи болеста, беше полн со живот

Бескрајна тага и солзи непресушни, така ми минуваат деновите, вели фолк пејачката Адријана Ацевска, позната како Адријана Кеш, која пред две недели го изгуби постариот брат Петар (43), кој со семејството живееше во Шведска. Нејзиното семејство стравот од загуба на Петар го живее веќе година и пол, од моментот кога му е дијагностицирана акутна леукемија. И последниот телефонски повик да замине во Шведска за да се видат, знаеше дека е за последен пат.

-Се уште не сакам да се помирам со фактот дека го нема. Се лекуваше во Шведска и знаеше да побара период  да биде сам. Такво чувство имам. Таква е и болеста. Но,  во моментот утеха нема. Се радувам на моето внуче кое има шест години и кое многу личи на него.  И години да поминат утеха нема. Ова го знаат сите кои изгубиле блиски. Јас пред десет години ја изгубив мајка ми, исто така почина од рак. Тешко ја прифатив и нејзината смрт и се уште ми недостасува. А сега и ова се случи. На тагата и нема крај.

Најчести причини за нередовен месечен циклус

Под нормални околности месечниот менструален циклус се случува на секои 28 дена, а кај некои жени може и на повеќе, односно на помалку денови. Циклусот продолжува се додека жената не влезе во менопауза. Пред овој период може да постојат голем број на причини жената да не добие месечен циклус. Не секогаш, но отстуството на циклус, освен ако не станува збор за бременост, претставува причина за загриженост.

Понекогаш после еден месец циклусот се враќа во нормала, но доколку тоа не се случи и следуваат два и повеќе неправилни циклуса жената задолжително треба да посети гинеколог може да се работи за некоја посериозна медицинска состојба.

Синдромот на полицистични јајници  може да влијае на нередовност на циклусот кај пет до 10 проценти од жените. Го предизвикуваат цисти на јајчниците, кои иако не се штетни, може да предизвикаат хормонална нерамнотежа во телото што може да доведе до нередовен или неправилен циклус, кој може да се јавува на секои две недели, на секои три до шест месеци или, пак, само еднаш во годината. Лекарите советуваат жената да побара медицинска помош доколку циклусот им доаѓа почесто од 21 ден или поретко од 45 дена.

Во некои случаи, некои лекови, како препарати за контрацепција, аспиринот или ибупрофенот, може да ги променат хормоните во телото што го регулираат менструалниот циклус.

Покрај тоа и мастите во телото имаат важна улога во регулацијата на циклусот. Премалото количество на масти во телото, како на пример, во случаите на анорексија, може да доведе до целосно престанување на циклусот. Жените со индекс на телесна маса под 20 најчесто имаат нерегуларен месечен циклус. Атлетската аменореа, која е предизвикана од преголемо вежбање, е честа кај жените спортисти. Преголемото вежбање и драстичната промена на тежината ги намалува мастите во телото, што предизвикува намалено производство на хормонот лептин кој го регулира складирањето на мастите, што резултира со нередовни циклуси.

Исто така, и стресот може да предизвика и физичка и ментална штета на многу телесни функции, вклучувајќи го и менструалниот циклус. Кога телото е под стрес испраќа сигнали до мозокот да престане да ослободува естроген и прогестерон, кои се потребни за редовност на циклусот.

Неправилното функционирање на тироидната жлезда е една од најчестите причини за неправилни и нередовни циклуси. Други хормонални причини може да вклучуваат слаба контрола на дијабетес, предвремена оваријална инсуфициенција и Кушингов синдром- болест која ја предизвикува високото ниво на хормонот кортизол.

Зошто крвната група Нулта е посебна?

Доколку имате 0 крвна група вашето генетско наследство ви нуди можност да бидете силни, продуктивни, да имате долг живот и да бидете оптимисти.

Крвната група 0 е првобитен тип на крв од нашите предци, кои биле лукави и агресивни предатори. Личностите кои ја поседуваат оваа крвна група играат важна улога во секое друштво, се до денешен ден.

Луѓето со 0 крвна група се способни за раководење, полни се со енергичност и способност на концентрација. Но кога се под стрес, можат да станат лути, хиперактивни и импулсивни. Лошата исхрана, недостатокот на вежби, нездравите навики или повишеното ниво на стрес, ги прави осетливи на неповолни метаболички ефекти, вклучувајќи и отпорност на инсулин, смалена активност на штитните жлезди и склоност кон дебелеење.

Што е тоа што нултата крвна група ја прави единствена?

Луѓето со 0 крвна група имаат предиспозиции за одредени болести, како што е чиреви и дисфункција на штитните жлезди. Често имаат низок ниво на хормони на штитните жлезди и недостаток на јод.

Во Јапонија оваа крвна група веќе долго време се поврзува со одреден тип на личности. Таму дури на интервју за работа може да ви биде поставено прашањето за типот на вашата крвна група. Луѓето со 0 крвна група најчесто се опишуваат како одговорни, организирани, фокусирани, совесни и практични.

Се верува дека овие луѓе подобро се ориентираат и дека се подобри логичари, а исто така се смета дека нивните предци биле ловци, кои морале да посматраат и прецизно го проценуваат окружувањето, за да можеле да преживеат.

Подлежи на стрес

Поради прекумерен бес и хиперактивност, може да дојде до стрес. Луѓето со оваа крвна група се подложни на деструктивно однесување кога се премногу уморни, депресивни или кога им е досадно. Тогаш се подложни на коцкање или можат да се занимаваат со активности кои се подложни на адреналин, прекумерен ризик и импулсивност.

Избегнување на кофеин и алкохол

Кофеинот може да биде посебно штетен поради подигањето на адреналинот и нивото на норадреналин, кои се веќе и така високи во организмот кај луѓето со оваа крвна група

Вежбањето е одлично решение, затоа што има дејство на опуштање на целото тело. Повеќе од сите други крвни групи, нултата крвна група има потреба да биде физички активна, поради одржувањето на здравјето и емоционална стабилност. Редовната физичка активност е неопходна три до четири пати неделно.

Инстаграм служи како инспирација за летни комбинации

Доколку се соочувате со недостаток на инспирација кога е во прашање деловниот аутфит во текот на топлите летни денови, „послужете" се со Инстаграм.

На оваа платформа ќе наидете на неограничен избор на деловни изгледи во различни стилски фазони, па веројатно ќе го најдете најсоодветниот што лесно ќе се прилагоди во вашиот деловен имиџ адаптиран на вашата работна функција.

Ви препорачуваме да ги разгледате профилите на модните блогерки кои често во својот стил комбинираат елегантни и урбани парчиња, создавајќи идеален баланс помеѓу деловен и индивидуален изглед.

Актуелните тенденции ни се во прилог, па секогаш може да ги имате в предвид оние парчиња кои што важат за хит летово, како што се миди фустаните со едноредно закопчување, панталоните со висок струк комбинирани со кошула во пруги или пак здолништата на преклоп комбинирани со едноставна маичка во светла нијанса.

Популарно