Што е микроневерство и колку е опасно?

Неверство има насекаде: истражувањата покажале дека околу 23% од мажите и 12% од жените имале секс со друга личност додека биле/се во брак. Меѓутоа, за разлика од вонбрачната сексуална афера што е лесно да се дефинира, општиот концепт на неверството има малку позамаглени линии и нијанси.

Што е микроневерство?

Микроневерство е „сет од однесувања што се движи околу тенката граница на верноста и изневерувањето“, вели Линдзи Хоскинс, брачен терапевт од Мериленд. Таа сепак додава дека е многу тешко да се дефинира микроневерството бидејќи границата се поставува на различни места за различни луѓе и во различни врски.

Баш сѐ, од разгледување на Tinder за забава до флерт со симпатичен странец, може да се смета за микроневерство, во зависност од вредностите на поединецот и неговите приоритети во врската.

Хоскинс вели дека најчестите „излети“ се често допишување или комуникација на социјалните мрежи со личност за која чувствувате привлечност, редовна комуникација со поранешен партнер или претерана блискост со колега/колешка од работа.

Дали микроневерството е проблем?

Во суштина, однесувањата што се припишуваат на микроневерство не би требало да бидат причина за голема загриженост, но кога ќе почнат да ја преминуваат границата, емотивна или физичка, тогаш се јавува проблемот. На крајот на краиштата, луѓето се програмирани да бараат потенцијални партнери за парење, вели Џејсон Дибл, професот по комуникологија на колеџот Хоуп.

„Тешко ми е да осудам некого ако забележува привлечни единки“, вели тој. „Тоа е човечката природа.“

Во многу ситуации, вели Дибл, флертувањето со друга личност додека сте во врска е безопасно и повеќе се однесува на брзо кревање на егото или добивање на доза допамин, отколку вистинска заинтересираност за таа личност.

„Истражувањата покажале дека дури и кога луѓето имаат секс со партнерите, замислуваат или фантазираат за друга личност“, додава Дибл.

„Тоа може да биде здраво, бидејќи ве придвижува, ве прави сексуално потентни, го одржува пламенот и може таа енергија да ја насочите кон партнерот.“

Неговото истражување покажува дека луѓето во врска кои одржуваат комуникација со „златни резерви“, односно потенцијални сексуални или емотивни партнери, можеби и не ја загрозуваат врската со таквото однесување.

Во неговото истражување тој не забележал значително намалување на вложеноста или посветеноста во врската кај луѓе кои се во романтична врска со една личност, а комуницираат со „златна резерва“.

Меѓутоа, лесно може да се падене во замката на микроневерството и сѐ да тргне стрмоглаво надолу како лавина. Она што можеби почнало како наивна порака или пријателство на работно место, може да се трансформира во непшто повеќе, намерно или не.

Ако таа интеракција почне да одзема повеќе време, емотивна или ментална енергија, отколку вашата примарна врска со партнерот, тоа е знак дека можеби е нешто посериозно отколку што си мислите.

Што потоа?

Секако, треба да помислите и на другата страна. Одржувањето на ваков тип на контакти можеби не ја разнишува вашата посветеност на врската, но секако може да направи вашиот партнер да се чувствува непријатно.

Хоскинс вели дека е важно да се разграничат нештата.

„Можеби вие се чувствувате поинаку во врска со таа личност, но тоа претставува проблем за вашата врска и е проблем за вашиот партнер. Кога сте се согласиле да бидете во моногамна врска, сте се согласиле да имате осет и свесност за работите што му пречат на вашиот партнер и да обрнувате внимание на тоа.“

Проактивната комуникација е многу важна во вакви случаи, вели Хоскинс. Идеално би било партнерите да дискутираат за границите во врската уште на самиот почеток, или пред да станат проблем, што би спречило појава на расправии и презир отпосле. Сепак, редовните разговори за тоа што е во ред, а што не, односно што е прифатливо и не е прифатливо, се добредојдени во секое време.

4 работи кои мажот ќе ги направи само за жената која ја сака

Постојат одредени работи кои мажот ќе ги направи само ако искрено ве сака. Еве кои се тие...

Мажот ќе ја слуша само жената која ја сака

И тоа значи навистина да слуша. Кога зборувате со вашиот маж и постојано забележувате дека е отсутен за време на разговорот, тоа може да биде предупредувачки знак дека нешто не е како што треба.

Ако вашиот партнер навистина ве сака, тогаш ќе целосно ќе го имате неговото внимание и за него секој разговор со вас е важен. Мажот кој ве сака секогаш ќе ве слуша, ќе ги слуша вашите совети и често ќе ги прифаќа или ќе ви се спротиставува на некои ваши мислења. Тој ќе ве слуша затоа што ве сака.

Мажот ќе го промени своето мислење само за жената која ја сака

И самите знаете дека мажите понекогаш можат да бидат тврдоглави. Во многу врски се случува мажот да ја зема жената здраво за готово и воопшто да не ја сфаќа сериозно. Причина за ова е недостатокот на почит и љубов. Љубовта и почитувањето одат рака под рака.

Ако мажот гледа на вашата врска како на физичка работа, тој нема да биде наклонет кон вашите ставови туку кон вашето тело. Мажот кој ве сака и почитува ќе се обиде да најде компромис со вас, затоа што ве гледа како еднаков партнер во врската. Можеби нема баш за сѐ да постигнете компромис, но трудот да се најде решение секогаш ќе биде присутен во врската и како и во секоја здрава врска, двајцата секогаш ќе наоѓате начин како да ги решите проблемите меѓу вас.

Мажот ќе се бори само за жената која ја сака

Ниту еден маж (а богами ни жена) не се бори за нешто што е минливо и за нешто што е само за една ноќ. Ако мажот ве сака, тој ќе се бори за вас.

Ќе се бори за вас пред своите родители, вашите родители, неговите пријатели, вашето друштво. Нема да дозволи никој да ве навреди и повреди. Тоа му е како рефлекс и секогаш ќе биде на ваша страна. Човек кој искрено ве сака нема да се бори само за вас како личност, туку и за вашата љубов.

Мажот ќе направи сѐ за жената која ја сака

Човекот кој искусил вистинска љубов знае колку е таа вредна и колку време е потребно за да се најде вистинска љубов. Не постои работа која мажот не може да ја направи кога зад себе ја има љубовта на жената.

Ако имате некој важен настан во животот, тој ќе ве поддржува. Ако имате важен состанок на работа, тој ќе ви помогне подобро да се подготвите. Тие работи ќе бидат сосема нормални за него.

Ако вашиот маж ве сака, ќе ве гледа како најважната работа во неговиот живот. А имајќи предвид дека вие сте најважната работа во неговиот живот, тој ќе направи сѐ за вас.

Сѐ што е разумно и сѐ што е во негова моќ.

Прочитајте го ова ако се плашите од љубовта...

Не беше секогаш вака. Љубовта порано беше лесна и природна како и дишењето. Се се вртеше околу пеперутки и сонце. Нежни бакнежи и ноќни разговори. Поврзување без труд.

Затоа и не успеа да го предвидиш тоа што се случи. Неизбежниот крај. Твојата голема љубов се изгоре до темел. Скршеното срце беше исто како што е опишано во поеми и тажни песни.

И веруваше на погрешната личност. Ја изгуби борбата против судбината. Ти беше скршена.

Денови, недели и месеци поминаа како во магла. Не знаеш што се случи. Толку беше обземена со својата тага што правеше се само за да бидеш подобро. Не знаеш како ја надмина болката, но некако успеа и еве си денес. Тука.

Ти го преживеа искуството и тоа те промени. Оваа загуба засекогаш го промени правецот на твојот живот. Од сето тоа излезе многу посилна, но и многу попретпазлива.

Тоа што го чувствуваш е многу нормално.

Ти се плашиш од љубовта, затоа што секој почеток изгледа како до води кон неизбежен крај.

Случајниот контакт со очи. Првиот бакнеж. Наелектиризираниот допир. Слатките пораки. Романтичните гестови. Пораките за добро утро и добра ноќ. Тие работи повеќе не те возбудуваат, затоа што делуваат дека со нив имаат и рок на траење.

Мислиш дека тие моменти се само минливи и дека на крај се ќе се сруши.

Ти се плашиш од љубов затоа што си изградила високи ѕидови и си го заклучила своето срце.

Ги имаш фрлено клучевите за да се осигураш дека твоето срце е непробојна тврдина. Можеби немаш ништо таму, но барем си сигурна. Можеби понекогаш си осамена, но барем нема да бидеш повредена.

Можеби твојот живот е рамна линија, без сите бои и чувства, но барем имаш мир. Имаш одлучено дека затворањето на твоето срце е подобро отколку да ризикуваш повторно да бидеш повредена.

Се плашиш од љубов затоа што повеќе не веруваш во идејата за љубов.

Можеби си поминала голем дел од својот живот бркајќи ја љубовта. И толку многу пати ти побегнувала. Сепак, толку многу пати повторно си се обидувала. Се додека не дојде точката на вриење. Одеднаш, далечната помисла дека можеби љубовта не е за тебе, не делува толку невозможно. Почнуваш да се помируваш со тоа. Почнуваш да се помируваш дека идејата за сродни души и романтична љубов не е за тебе. И уморна си од борење за нешто што не е твое. Не ја гледаш поентата да се трудиш.

Тоа е океј.

Земи си време колку што ти е потребно. Нека ти биде удобно во твоја кожа што нема да ти биде потребно одобрување од други. Сакај се себеси со се што имаш. Посвети си го твоето внимание на работите кои прават да се чувствуваш живо. Биди пребирлива околу тоа на кого му го даваш твоето срце. 

Остави времето да ти покаже што е вистинито и да ти открие чии намери се искрени.

Остави искуствата да бидат најдобри лекции за да научиш како да стоиш силна сама и како да си заминеш кога историјата ќе почне да се повторува.

Затоа што кога ќе престанеш да ја бараш љубовта, љубовта ќе дојде.

Токму во моментот кога ќе престанеш да трчаш по луѓето, ќе дозволиш љубовта природно да се развива. Само кога ќе се сакаш себеси, ќе можеш да ја прифатиш љубовта којашто ја заслужуваш.

Ова се 5те сигурни знаци дека сте заљубени

Дали се заљубив? Ова е прашање кои многумина си го поставуваат по почнувањето на нова врска. Особено, бидејќи љубовта се манифестира на различни начини. За едни, таа претставува пеперутки во стомакот, а за други страст.

Како да бидете сигурни дека сте се заљубиле?

Искрени сте со партнерот

Според некои истражувања, заљубеноста придонесува кон искреност. Ако сакате да споделите важни работи за себе со партнерот, а тие ве прифаќаат со сите ваши маани и доблести, тоа значи дека навистина сте заљубени еден во друг.

Се чувствувате позитивно по физичкиот контакт со партнерот

Сексот не е само физички чин, туку и начин да ја истражите својата врска со партнерот и да се разберете еден со друг. Сексот носи многу убави работи за врската. Ако се чувствувате убаво и позитивно, тоа е сигурен знак дека сте заљубени еден во друг.

Секогаш го избирате својот партнер, без оглед на тоа колку луѓе запознавате

Истражувачот Милер во 1997 година докажал дека личностите кои не се многу заљубени и предадени во врската, постојано се отворени за нови познанства кои би можеле да донесат до нова љубов. Од друга страна пак, оние кои  се заљубени не размислуваат за други потенцијални партнери бидејќи се задоволни и среќни. Тие гледаат само една личност.

Не се плашите од ризици со личноста која ја сакате

Преземањето ризици е доказ за вашата заљубеност. Според многу истражувања, таквата љубов партнерите ја чувствуваат заштитена и посреќна.

Секогаш се трудите да му го олесните животот на својот партнер

Му помагаме, давате совети и поддршка. Не дозволувате тој/таа да бидат тажни, доколку вие нешто можете да направите околу тоа. Ова е знак дека сте заљубени и се движите кон сериозна врска.

Популарно