Конзумирајте почесто риба

Според едно истражување од страна на лекарите кои го воделе ова истражување  било потврдено дека консумирањето риба е многу здраво за организмот и дека придонесува за намалување на канцерогените клетки.

Конзумирањето на само една порција риба три пати неделно или почесто го намалува ризикот од развој на рак на цревата, покажуваат резултатите од најновото истражување на Британските научници кои сметаат дека таквиот тренд треба да се поттикнува во склоп на здравата исхрана.

Научниците од универзитетот Оксфорд и од Меѓународната агенција за истражување на карцином (IARC) ги истражиле прехранбените навики на 476.160 лица кои пополниле прашалници за тоа колку често јадат одреден вид на храна, пишува “Independent”.Анкетата опфаќала и прашања за консумирањето риба, а резултатите покажале дека внесот на 360 гр. било каква риба, три пати неделно, ја намалува опасноста од развој на рак на цревата за 12 отсто во однос на консумирањето на 60 гр. дневно. Исто е и кај лицата кои неделно јадат околу 125 гр. масна риба како лосос – евидентиран е 10 отсто помал ризик од развој на рак на цревата.

Истражувачите напоменуваат дека резултатите од студијата, која е објавена во магазинот “Clinical Gastroenterology and Hepatology” не се однесуваат на школки.

Лекарите кои го воделе ова истражување потврдиле дека консумирањето риба е многу здраво за организмот и дека придонесува за намалување на канцерогените клетки. Тие истакнуваат дека биолошките причини за ваквото делување на рибата не се целосно познати, но и дека според една теорија, специфичните масни киселини познати како омега-3 се заслужни за спречување на развој на рак на цревата.

Едноставните промени во начинот на живот можат да бидат многу корисни. Многу е важно во исхраната да се вклучат интегрални житарици, храна богта со влакна и риба, да се води грижа за здравата телесна тежина, умерено да се вежба, да се избегнуваат преработените масни производи и да се ограничи внесот на црвеното месо во организмот.

Предлог за денешен ручек

Ќофтиња со кашкавал

Состојки

600 гр мелено месо

(пола јунешко,пола свинско месо)

1 јајце

1 главица кромид 2 чешниња лук

150 гр кашкавал ајдамер

2 парчиња двопек(или сув леб)

Од зачини сол.црн пипер,црвен пипер,оригано,магданос 

Подготовка

Ќофтиња со кашкавал Во меленото месо ги додаваме зачините, јајцето, запржениот кромид и лук, двопекот, претходно полиен со малку млеко. Од сите состојки замесуваме тесто за ќофтиња. Ги делиме на помали топчиња. Во секое топче ставаме по 1 коцка кашкавал(1*1*1 цм). Ги валкаме во брашно и ги оставаме малку во фрижидер. Потоа ги пржиме од сите страни во зејтин

Предлог за денешен ручек

Роловано и сочно

СОСТОЈКИ:

бело месо од 1 пиле

150 гр тенка сланина

100 гр мортадела

100 гр чаден колбас

100 гр листови кашкавал

малку кисели краставички

1 лажица сенф

1 лажица намаз од сирење

3 чешниња лук

сол

бибер

кари

зачин по желба

листови магдонос

НАЧИН НА ПОДГОТОВКА:

Месото исчукајте го, посолете, побиберете, додајте сув зачин по желба. На алуминиумска фолија прво наредете листови сланина. Пркеу наредете исчукано и посолено месо, премачкајте со сенф, а преку наредете мортадела,а неа премачкајте ја со намаз од сирење, преку ставете чаден колбас, лук, па кашкавал, потоа листови кисели краставички. Додајте малку магдонос и кари.

Свиткјате заедно со фолијата и ставете во плех. Печете на 220 степени околу час и 20 минути.

Предлог за денешен ручек

Њоки од компири со кисела зелка и сланина 

-Германска кујна Шуфндуелн се тестенини од компири, кои станале едно од најпопуларните јадења на Јужна Германија и Австрија. Тестенините од компири стануваат сè попопуларни и честопати се сервираат со кисела зелка и месо. Како и со многу работи, овие германски тестенини од компири се најдобри кога се свежо подготвени и се служат веднаш. Но, можете дури и да уживате во овие деликатеси до три дена по нивната подготовка, само чувајте ги во херметички сад во фрижидер. Ако сакате да ги чувате подолго, можете да ги замрзнете до 2 месеци.

Подготвка:  На маслото ја пропржуваме сланинката која е иситнета на мали коцки, да зарумени и да ја пушти својата маснотија. Кога е готова ја тргаме во сад настрана. Во маснотијата ја додаваме ситно сецкан кромид, запржуваме и додаваме сецкана зелка. Пржиме да испари течноста. Тука ги додаваме и коцките сланина, сол, бибер, ловор. Во меѓувреме во зовриена вода со сол ги ставаме њоките да се варат, од 2-4 минути, да испливаат на површината. Ги процедуваме од течноста, Во тава го растопуваме парчето путер и ги пропржуваме њоките. Се заедно соединуваме и сервираме во длабока чинија. Наросуваме бибер и послужуваме 

Популарно