Летни температури се до крајот на месецов

Под влијание на јужно воздушно струење и на топла воздушна маса според најновите анализи се до крајот на овој месец ќе се заджат летните температури на воздухот што значи осетно заладување нема на видик.

Времето ќе биде сончево и многу топло со мала локална облачност, за време на викендот пак и тоа особено во сабота и тоа во северната половина од државава ќе има услови за локална и краткотрајна нестабилност проследена со пороен дожд, грмежи и засилен ветер.

Максималните дневни температури оваа недела ќе се искачуваат во интервалот претежно од 32 до 38 степени.

НАПОМЕНА: Сушата која оваа недела ќе ја зафати државава МНОГУ ЛОШО ќе влијае особено врз земјоделието па затоа на земјоделците ги советуваме задолжително да ги наводнуваат своите земјоделски култури и тоа претежно во раните вечерни часови. Исто така поради сушното време големи се шансите и за нови шумски пожари па така на граѓаните ги СОВЕТУВАМЕ да избегнуваат палење на оган во природа.

Подготви: СЛАВЧО ПОПОСКИ

Променливо облачно со локални врнежи од дожд

Денеска не очекува променливо облачно време со локални врнежи од дожд, особено во западните делови. Можна е и ретка појава на грмежи. Ќе дува умерен, повремено засилен ветер од северен правец, поизразен вдолж Повардарието. Минималната температура ќе биде во интервал од 7 до 14, а максималната ќе достигне од 16 до 24 степени. УВ индексот ќе изнесува 6.

Во Скопје ќе биде променливо облачно со услови за локален дожд. Ќе дува умерен до засилен северен ветер. Минималната температура ќе се спушти до 10, а максималната ќе достигне 22 степена.

Според УХМР, до среда ќе се задржи променливо облачно време со повремен локален дожд и со потпросечни дневни температури за овој период од годината. Попладне на места ќе биде нестабилно со пороен дожд и грмежи. Утре и во вторник ќе дува умерен до засилен ветер од северен правец. Од четврток се очекува постабилно и значително потопло време.

Променливо облачно со сончеви периоди

Времето во земјава променливо облачно со сончеви периоди. Попладне и кон крајот на денот на места ќе биде нестабилно со пороен дожд и грмежи.

Утринската температура ќе се движи од 3 до 11, а дневната од 17 до 25 степени. УВ-индексот ќе изнесува 7.

Во Скопје променливо облачно со сончеви периоди. Попладне и кон крајот на денот ќе биде нестабилно со пороен дожд и грмежи. Утринската температура ќе се спушти до 8, а дневната ќе достигне до 22 степени.

Продолжува периодот на променливо облачно време со повремени локални врнежи од дожд и со потпросечни дневни температури за овој период од годината. Во попладневните часови на места ќе биде нестабилно со пороен дожд и грмежи. Повеќе врнежи ќе има во недела.

Променливо облачно со повремени врнежи од дожд

Денеска не очекува променливо облачно  време со сончеви периоди и со локални врнежи од дожд. Попладне ќе има услови за изолирана појава на нестабилност со пороен дожд, појава на грмежи и засилување на ветерот.

Утринската температура ќе се движи од 7 до 13, а дневната од  17 до 24 степени.

УВ-индексот ќе изнесува 7.

Во Скопје променливо облачно со сончеви периоди и со локални врнежи од дожд. Утринската температура ќе се спушти до 12, а дневната ќе достигне до 21 степен.

Популарно