Од денеска стапува на сила Законот на Тијана – доживотен затвор за убиство на деца

Балкан

пред една недела

Тешко убиство, силување со смртна последица, обљуба на деца, трудници и немоќни лица со смртни последици и обљуба на дете со слоупотреба на положба со смртни последици ќе се казнува со доживотен затвор откако денес стапи на сила т.н. Закон на Тијана.

На иницијатива на Фондацијата „Тијана Јуриќ“ досегашните казни предвидени за овие дела ќе бидат променети, т.е. ќе се воведат нови кои во некои случаи предвидуваат доживотен затвор.

Вториот дел од истиот закон, кој го нарековме „три удари“ овозможува со построги казни да се санкционираат повратниците кои веќе наоравиле неколку кривични дела, но се нашле на слобода поради благите казни или добиле условни. Со овој закон нема да може да се ублажуваат казните.

Казните за продажба на наркотици наместо досегашните 3-12 години, отсега ќе бидат 5-15 години.

Kако дојде до Законот на Тијана?

Телото на петнаесетгодишната Тијана Јуриќ, која исчезна на 26 јули, е пронајдено на 6 август, по тринаесетдневна потрага. Полицијата на 6 август го привела осомничениот, кој го признал убиството.

Триесетиедногодишниот Марко М. од Белград, Србија е уапсен под сомнение дека преку „Фејсбук“ ѝ упатил смртни закани на 16-годишната Сашка Јуриќ, сестра на брутално убиената Тијана. Случајот Јуриќ го потресе регионот пред пет години, кога девојчето беше силувано и убиено од месарот Драган Ѓуриќ, по што нејзиниот татко ја основа фондацијата „Тијана Јуриќ“ и почна активно да се залага за построги казни за убијците на деца.

Видео: Страшна несреќа во Истра – со автомобил влета во кафуле полно со гости, едно лице загина

Балкан

пред 18 часа

Едно лице настрада, а четири се повредени во несекојдневна сообраќајна несреќа која се случила во Лабин, Хрватска кога автомобил, поради неприлагодена брзина, излетал од патот и влетал во кафуле.

Во несреќата повредени се пет лица кои биле во локалот, а едно лице починало во возилото на Итната помош на пат до болница.

Неофицијално, зад воланот на абвтомобилот „поло фоксваген“ со полски регистерски таблички била девојка.

Повеќето гости заедно со сопственикот и вработените, биле присебни, па до доаѓањето на Итната помош, веднаш им излегле во пресрет на повредените, го извлекле автомобилот и го исчистиле расфрланиот инвентар за да олеснат пристап на лекарите на Брзата помош.

ВИДЕО: Еве како сега изгледа бегалскиот камп во Босна и Херцеговина

Балкан

пред 4 дена

Шесте мигранти кои останаа во кампот беа во неверување кога ги видоа багерите кои ги отстрануваа шаторите каде тие до вчера живееја со своите пријатели.

Екипата на Црвен крст учествува во расчистување на кампот за диви мигранти, кој официјално вчера требаше да биде затворен.

Скоро 600 мигранти се качија во 14 автобуси, па заминаа на патување од 350 километри до касарната во Ушивак и Блажује кај Сараево.

Вчера во утринските часови, багер и камиони пристигнаа во Вучјак за да го отстранат сето она што останало од дивиот камп каде стотици мигранти престојуваа со месеци.

Иако притисокот од мигрантската криза врз Босна сега е значително намалена, мигрантите велат дека голем дел од нив не планираат да останат долго во кантонот Сараево.

Тие рекоа дека нивната цел е позната уште од првиот ден кога стапнале во Босна и Херцеговина, а тоа е да го продолжат своето патување кон земјите од ЕУ.

Вучјак содржи големи количини ѓубре, но и расипана храна, што предизвикува непријатен мирис. Властите наредија целата локација да биде ископана откако ќе се отстранат шаторите и отпадот.

Регистриран е земјотрес ноќеска во близина на островите Крит и Касос

Балкан

пред 5 дена

Тлото на Балканот никако да се смири. Земјотрес со јачина од 5,3 степени според Рихтеровата скала е регистриран ноќеска во морето кај островите Крит и Касос.