Ампева за регресот: Газдите возат џипови, но пријавуваат загуби за да исплатат минимален К15

На само 20 дена пред истекот на законската обврска на работодавачите да исплатат К15, работничките здруженија со се погласни реакции за манипулациите што ги прават некои газди за да се „спасат“ од обврската за регресот.

„Ова сега е експлоатација, неевидентирана и неплатена во најголем број од фирмите. Зголемен обем на работа е нешто најглупаво и манипулативно што може да се измисли и стави во закон. Кој одредува колку е зголемен обемот на работа, газдата? Нив се им е малку. И да се направи статистика , ако толку им е зголемен обемот на работа, да си вработат луѓе, а не еден да им работи за четворица“, напиша Кристина Ампева од „Гласен текстилец“ на својот фејсбук профил. 

Таа за Фактор вели дека и во сегашниот Закон за работни односи и колективниот договор за приватниот сектор од областа на стопанството, стои и е определено во кои случаи работодавачот може да наложи прекувремена работа. 

„Обично во овој сектор каде работиме ние, работодавачите пријавуваат прекувремена работа поради зголемен обем на работа. Меѓутоа, често пати ниту пријавуваат, ниту ги евидентираат тие прекувремени часови, што значи не ги ни плаќаат. Инаку, не смеат да изнесуваат повеќе од 190 часа годишно. Значи тие имаат зголемен обем на работа, а на крајот на годината пријавуваат загуба за да не исплатат К15“, ја објаснува Ампева манипулацијата.

Според неа, ова се прашања кои лебдат во воздух и никој не се чувствува повикан да одговори. 

„Работниците и работничките се сведоци дека газдите живеат на висока нога, купуваат џипови пред крајот на годината, а исплаќаат К15 во износ од 2.000 или 3.000 денари“, нагласува Ампева.

Проблемот, според неа, произлегува што во колективниот договор стои дека фирмите кои имале економско финансиски потешкотии, можат да исплатат помала сума за регрес за годишен одмор. Но, која е помалата сума, не е прецизирано.

„Кај работодавачите кај кои настанале потешкотии во работењето, ценејќи ја економско – финансиската состојба на работодавачот, по задолжителна предходна консултација со синдикатот на ниво на гранка односно оддел, со спогодба потпишана од работодавачот и репрезентативната синдикална организација може да се утврди регрес за годишен одмор во помал износ од износот утврден со овој колективен договор. Кај работодавачите во кои нема формирано синдикат спогодбата се потпишува со избран претставник од работниците“, вели Ампева. 

Таа нагласува дека работничките здруженија и синдикати овој проблем го гледале со години, но на него не можеле да делуваат. 

„Е сега, Упрацата за јавни приходи треба да даде одговор како тоа фирмите пријавуваат загуба, а купуваат џипови“, вели Ампева од „Гласен текстилец“.

По околу 8.000 денари месечно за уште 1.000 невработени

На предлог на Министерството за труд и социјална политика, Собранието ги изгласа најновите измени и дополнување на Законот за материјално обезбедување на невработените лица поради приватизација на претпријатијата во доминантна државна сопственост.

Законот стапува на сила со негово објавување во Службен везник, а стечајните работници веќе од петок ќе можат да поднесат барање во Центрите за вработување за да може да го остварат правото на користење на месечен надоместок од околу 8.000 денари.

Со последните измени опфатот на стечајни работници коишто ќе бидат материјално обезбедени до нивно пензионирање се проширу на уште 1.000 лица со што вкупната бројка на материјално обезбедени стечајќи ќе изнесува 12.000.

Според новото законско решение, невработено лице може да се стекне со правото на паричен надоместок доколку ги исполнува следните услови: да е невработено; работниот однос да му престанал по основ на стечај, ликвидација или технолошки вишок; било најмалку 15 години во работен однос во претпријатија со доминантна сопственост на државата, утврден со М1/М2 обрасци; на денот на влегување во сила на овој закон е на возраст од најмалку 52 години (жена), односно 55 години (маж) и работниот однос му престанал во периодот од 1 јануари 1993 година до 30 јуни 2019 година.

Уште 1.000 стечајци ќе примаат месечен надомест до пензионирање

Собранието денеска на предлог на Министерството за труд и социјална политика ги изгласа најновите измени и дополнувања на Законот за материјално обезбедување на невработените лица поради приватизација на претпријатијата во доминантна државна сопственост. Законот стапува на сила со објавувањето во Службен весник на Република Северна Македонија и ги повикуваме стечајните работници од петок да поднесуваат барања во Центрите за вработување за да може да го остварат правото на користење на месечен надометок од околу 8.000 денари.

Со последните измени опфатот на стечајни работници коишто ќе бидат материјално обезбедени до нивно пензионирање се проширува на уште 1.000 лица, со што вкупната бројка на материјално обезбедени стечајци коишто ги решиоваа Владата за две и пол години е 12.000. Како за споредба, претходната власт за вкупно 11 години владеење успеа да реши само 4.000 стечајни работници.

Со неколкуте измени коишто претходно беа направени на предлог на Министерството за труд и социјална политика како Влада покажавме дека имаме слух за работниците коишто со години беа оставени без никакви приходи и без работа како последица на транзицијата. 

Приоритет на Владата и на Министерството за труд и социјална политика е борбата против сиромаштијата и подобрување на условите за живот на секој поединец во државата. Како Влада којашто работи одговорно продолжуваме да се грижиме и да работиме на подобрување на финансиската состојба на најранливите граѓани.

Ангеловска: Јануарската пензија повисока за 700 денари

Пензискиот столб е одржлив, а со јануарската пензија околу 322 илјади пензионери ќе добијат покачување за седумстотини денари.  Министерката за финансии Нина Ангеловска во интервју за „Утрински брифинг“, вели дека вклучително со индексакцијата за зголемување на трошоците за живот пензиите во 2020 ќе пораснат за 900 денари, со што се очекува просечната пензија изнесува 15.500 денари.

-Ова е категорија на население на која треба да се обрне внимание, која тука живеела, придонесувала за оваа земја. Ако 44 проценти од пензионерите или околу 140 илјади земаат пензија до 12 илјади или 12 илјади денари, сметам дека кога имаме економски раст, кога имаме проекција за раст годинава од 3,8%, кога имаме раст на минималната плата, треба да ги адресираме и овие граѓани, вели министерката.

Во однос на одржливоста на  пензискиот фонд, министерката вели дека приходите од придонеси во претходната година бележат раст за 10 проценти. Ова зголемување е и резултат на растот на вработеноста во државава, бидејќи во моментот имаме историски најниска стапка на невработеност, посочи министерката.

-Очекувам да има позитивни ефекти и поради зголемување на минималната плата и секако со сите мерки кои се реализираат ќе се зголемат приходите во пензискиот столб. Во однос на тоа дали е одржлив веќе ги кажав аргументите по однос на кои растат приходите. Во однос на оној непокриен дефицит кој се надополнува од страна на Буџетот – ако во 2018 изнесувал 16,5 милијарди денари, сега тој е 16,3 милијарди денари, што значи дека се работи на стабилизација. Стабилноста на пензискиот фонд е клучно за нашата економија, за нашата земја, бидејќи имаме популација која старее, вели министерката.

Популарно