ВИДЕО: Ова е продавачката од Србија која нокаутираше полицајка на пазар - некои ја бранат, а некои остро ја осудуваат

Продавачката која нападнала комунална полицајка на пазар во Видиковац е Садија Д.

Таа, изнервирана поради заплената на нејзините работи ја нокаутирала полицајката која сакала да ја задржи до доаѓање на полицијата.

Бруталниот напад се случил во неделата во околу 12:30 часот. Снимката од нападот се појавила набрзо после тоа.

Таа е и понатаму во дводневен притвор и утре ќе биде сослушана во Другото основно обвинителство, дознава Курир.рс

А.М. заедно со колегите правела обиколка на пазарот во Видиковац. Продавачката имала куфер полн со работи кои планирала да ги продаде. На инцидентот претходела кавга меѓу нив две, затоа што А.М. инсистирала да ја одземе нелегалната роба. Продавачката се обидела да избега, А.М. ѝ го земала куферот и работите почнале да паѓаат од него, рекле очевидците. Тие двете почнале да се туркаат. Во еден момент жената ја удрила А.М. со бокс по глава. Полицајката паднала на земја, а продавачката почнала да трча низ пазарот, но полицијата брзо ја уапсила. А.М. останала да лежи на земја, а шокираните луѓе кои биле на пазарот се обидувале да ѝ помогнат.

Сопругот на полицајката заедно со синот дошол на пазарот.

-Ова е страшно што се случило со мојата сопруга. Таа во моментов се наоѓа на максилофацијалното оддление. Многу е вознемирена, постојано плаче и под стрес е, затоа што не може да верува што ѝ се случило. Ова е срамота - рекол нејзиниот сопруг за Курир.рс

Две жени во Србија го фатија крстот за Водици

Низ целата Србија, како и кај нас, денеска голем број на верници се фрлаа по светиот крст.

Во Трстеник, заедно со нивниот татко, пливале тригодишниот Филип и неговата сестра Дуња (7).

До крстот во градот Ужице прва стигна Марина Лазиќ, која денеска го прославила својот 35 роденден.

Во Крагујевац, пак, крстот го фати петнаесетгодишната пливачка Марта Дуњиќ, која била најмлада учесничка.

ВИКЕНД НА ДИЈАЛОГ: Македонско-бугарските односи да бидат процес за градење доверба и пријателство, а не за подгревање негативни емоции...

Иницијативата „Викенд на дијалог - новинари против предрасудите“, смета дека македонско-бугарските односи треба да бидат процес на градење доверба и пријателство, а не тема задневна политика, преку која ќе се подгреваат негативни емоции во двете држави.

Ова е само една од 13-те точки на Декларацијата, против предрасудите, говорот на омраза и лажните вести во меѓусебното известувањата, што ја објавија новинарите учесници на првиот „Викенд на дијалог“, кој во септември 2019 година се одржа во Охрид.

Новинарите од Бугарија и од Р.С Македонија, ги повикуваат државните власти и политичките структури во двете држави енергијата и фокусот да го насочат кон јакнење на добрососедските односи, економската соработка, инфраструктурното поврзување, а темата за македонско- бугарските односи да ја изостават од своите дневно-политички агенди, истовремено ги повикуваат владите на како и политичките елити во двете држави, да придонесат кон поголема слобода и независност на новинарите и медиумите.

Дел од точките на декларацијата се посветени и на самите медиуми, за кои новинарите учесници на „Викенд на дијалог“ сметаат дека во процесот на намалување на предрасудите е потребна поголема размена на информации и поттикнување на медиумите за ангажирање на дописници во редакциите од двете држави.

-Предрасудите меѓу двете држави, кои се резултат на поранешните социјалистички системи, се уште постојат. Нивното потиснување е можно со взаемни напори за промоција на позитивни информации за двете држави и размена на што поголем број на вести во медиумите. Во тој контекст и потребата од реемитување на телевизиски програми од една во друга држава, согласно законодавствата на двете држави. Потребна е поголема размена и проток на информации на ниво на професионални новинари за прашања кои ги засегаат македонско- бугарските односи.Ги поттикнуваме медиумите во Република Бугарија и Република Северна Македонија да почнат процес за воспоставување професионална соработка на дописничко ниво во двете држави, стои во точките од декларацијата.

Новинарите учесници на првиот „Викенд на Дијалог“ сметаат дека оваа иницијатива треба да продолжи и во 2020 година со уште еден викенд во Бугарија.

Иницијативата „Викенд на дијалог – новинари против предрасудите“ беше финансиски поддржан од Министерството за надворешни работи на Р.Бугарија, преку Амбасадата на Р.Бугарија во Скопје.

https://www.facebook.com/%D0%92%D0%B8%D0%BA%D0%B5%D0%BD%D0%B4-%D0%BD%D0%B0-%D0%B4%D0%B8%D1%98%D0%B0%D0%BB%D0%BE%D0%B3-Weekend-of-dialogue-109604160428408/videos/?ref=page_internal

Влече корени од Крушево: Бутарис се пофали со новата тетоважа

Роден во Солун со влашко потекло и корени од Крушево, екс градоначалникот на Солун се „закити“ со уште една тетоважа.

Тој се пофали со фотографија на социјалните мрежи под која напиша „Уште еден белег од мојот живот“.

Всушност, фотографијата е симболот на Солун и времето додека Бутарис управуваше со со него додека беше градоначалник или од 2010 до 2019.

Минатата година Бутарис замина во пензија. Тој на една неформална средба во Скопје на две службенички во Кабинетот на скопскиот градоначалник Шилегов им ги покажуваше тетоважите на левата рака.

Бутарис важи за нетипичен балкански политичар , а покрај тетоважите, препознатлив е и по обетката на увото и кожните белезници кои ги носи на рацете.

Прв пат беше избран за градоначалник на Солун во ноември 2010, а реизбран е во 2014 година.

Во 2013 година тој прв пат дојде во официјална посета на Македонија при што откри дека има влашки корени, од Крушево.

Тој сега има 77 години а е син на винарот Стелиос Бутарис и Фани Влахос, Влаинка од семејството Ничота од Крушево. Покрај мајка му и дедото по татко бил Влав со потекло од Крушево, а неговото семејство живее во Битола.  При посетите во нашата земја има изјавено дека никогаш не крие дека неговите родители се Власи, но жали што не го зборува јазикот на неговите предци.

Популарно