МВР со детали за авионската несреќа: Најдени метална електронска кутија, мобилни телефони, на местото на падот на авионот

МВР, односно полицајците од Полициската станица Петровец кои заедно со мештани од селото Кожле кои го најдоа патничкиот авион „PAJPER PA 34“, што вчера падна кај селото Кожле, општина Петровец пронашле делови од авиoнот, крило со еднo тркало, метална електронска кутија, два мобилни телефона, билети за патување и една италијанска патна исправа .

air3

Министерството за внатрешни работи соопшти дека стручна екипа составена од Јавен обвинител, претставници од Судска медицина, истражители од Комитет за истражување на воздухопловни несреќи и сериозни инциденти, како и полицајци денеска се на местото на несреќата каде се врши увид, и идентификација на починатите лица, со цел обезбедување на докази на причините за авионската незгода и смртта на шестмината патници.

Екипите тргнале на местото на несреќата околу 6 часот утрово, но поради лошите теренски услови пристигнале во 10 часот, а во 10:30 часот започнале со обезбедување на локациите за крим-техничко одбележување на трагите.

Губењето на авионот го пријавил дежурен полициски службеник од РЦ за ГР „Север“ во Единицата за известување и команда при СВР Скопје во 17:36 часот.

Според првичните информации од Контролата на летање известено е дека авионот бил приватен од типот „PAJPER PA 34“ со германски регистарски ознаки и дека истиот полетал од Тревизо, Република Италија, а крајната дестинација му била Приштина. Над Република Македонија требало да изврши прелет и бил пријавен на Аеродромот „Александар Велики“ во Скопје за дополнување на гориво.

По еден час, жител на село Кожле во СВР Велес пријавил дека во атарот на селото слушнал експлозија.

Авионот беше пронајден околу 20 часот од страна на полицајци од Полициската станица Петровец и мештани од селото кај местото Јеловица.

„Веднаш по известувањето во 18:45 часот е активиран Одделот за специјални полициски операции, од каде се ангажирани 50 полициски службеници со 10 моторни возила од Единицата за специјални задачи како и 120 полициски службеници со 15 моторни возила од Единицата за брзо распоредување. По пронаѓањето на авионот од страна на полициски службеници од ЕСЗ е извршено обезбедување на периметарот на местото на настанот и известен Јавен обвинител од ОЈО Скопје кој излегол на местото на настанот, по што извршено е првично фотографирање, но поради немање на услови за вршење на увид, истиот согласно насоките од јавниот обвинител е планиран да продолжи во утринските часови“, соопштуваат од МВР.

Министерството за внатрешни работи во координација со другите надлежни институции презема мерки и активности за утврдување на сите поединости околу авионската несреќа и целосно документирање на настанот.

Во несреќата загинаа сите шесмина патници, пет мажи и една жена, сите со италијанско државјанство, а двајца од нив имале косовско потекло. Според првичните информации тргнале кон Приштина, каде загинатите Косовци кои биле браќа, планирале да отворат спортски аеро-клуб.

Рускоска: Доколку Љубомир Јовески ја напушти позицијата, ќе ја напуштам и јас

Шефицата на Обвинителството за организиран криминал и корупција Вилма Рускоска ќе ја напушти функцијата прв човек на Обвинителството за организиран криминал и корупција само доколку републичкиот јавен обвинител Јовески го стори истото.

„Не, не е точно. Но, доколку позицијата ја напушти Љубомир Јовески, ја напуштам и јас“, одговори Рускоска на новинарско прашање даи се точни шпекулациите дека заминува во адвокати.

Запрашана каде завршила торбата со милионот земен од Орце Камчев, обвинителката која го води случајот „Рекет“ одговори со прашање:

„Вас ве интересира за торбата или парите? 148 илјади евра потрошени во продавници во Италија со мајка му. За тоа најдовме фискални сметки. Телевизија е скапа играчка. Јас знам дека тоа чини од 60 до 80 илјади евра месечно. Поготово, знаете кој калибар на новинари… Па сигурно, тие не седеле во таа телевизија зошто многу го сакаат и почитуваат Бојан Јовановски. Потоа еден џип, втор џип, трет џип. Добро, на лизинг ама и тој треба да се плаќа, рече Рускоска, која синоќа гостуваше во емисијата „Што не е јасно“ на ТВ Алфа.

Послатко нешто не сте виделе: Овие бебиња ќе ви го стоплат срцето

Неодамна на социјалните мрежи се појавија снимки од малечки близначки за да се докаже врската што ја споделуваат само близнаци. Тие се веќе родени, но сепак спијат „залепени“ едно за друго.

Како што можете да видите од видеото, близначките за момент ги отвораат очите и ја погледнуваат мајка им, која ги снима, но им било толку пријатно што веднаш повторно заспале.

Близначките биле опкружени со играчки, но не им било грижа затоа што се имаа една со друга.

Погледнете го видеото во продолжение:

Одлета стиропорот од фасадата на МЕПСО, дел од проектот Скопје 2014

Во вчерашното невреме одлетаа делови од покривот и фасадата од зградата на МЕПСО, во центарот на Скопје. Парчиња од стиропор и гипс се паднати и расфрлани околу зградата и врз службените возила.

„Освен што е криминален, кичерајски, болноумен и слично, проектот ‘Скопје 2014’ е и небезбеден за животите на луѓето“, кажа Шилегов, кој претходно најави дека по изборите ќе ги „реши“ спомениците од проектот.

Менувањето на фасадата на МЕПСО во неокласицистички стил чинеше 11 милиони евра.

Од Хидрометеоролошкиот завод велат дека ветерот синоќа бил со јачина од 70 километри на час.

Популарно