Кај повеќето паметни телефони камерата е само еден од додатоците кои го прават посакуван, но кај овие 5 камерата е во преден план.

Altek Leo

Произведен во 2010-та година, ова е првиот Android телефон кој имаше камера со оптички зум (3x). Освен тоа, камерата беше со резолуција од високи 14 мегапиксели, 1/2,3" CCD сензор и Xenon блиц.

Nokia 808 PureView

Nokia ја изненади јавноста во 2012-та година со моделот 808 PureView, првиот телефон кој поседуваше задна камера со резолуција од неверојатни 41 мегапиксели. Уредот беше екстремно дебел (18 милиметри), но затоа имаше 1/1,2 инчен сензор со Carl Zeiss леќа, Xenon блиц и LED осветлување за видеа.

Oppo N1

Освен што е огромен уред (со 5,9 инчен FullHD екран), Oppo N1 е првиот телефон со ротирачка камера - која истовремено може да биде и предна и задна камера, ротирајќи се за 206 степени. Камерата е со резолуција од 13 мегапиксели и двоен LED блиц.

HTC One (M8)

Најдобриот телефон на HTC за 2014-та година ја воведе Duo камерата - две камери на задната страна со чија помош можете да правите 3D слики и да го менувате фокусот на вашите фотографии. Камерата исто така имаше резолуција од „ниски“ 4 UltraPixel-и, користејќи нова технологија на тајванскиот гигант.

Samsung Galaxy K zoom

Додека сите останати пробуваат да ги балансираат камерата и телефонот, Samsung го произведе Galaxy K Zoom, што повеќе наликува на фото-апарат со функција на телефон. Задната камера е со резолуција од 20,7 мегапиксели, 1/2.3" леќа, 10x оптички зум и Xenon блиц.