Aнкета на „Павел Шатев“: Победа за Иванов и 62 пратеника за ВМРО-ДПМНЕ

Се и сешто

на 4.2014

Убедлива двојна победа на владејачката коалиција „За подобра Македонија" и Ѓорге Иванов предвидува институтот „Павел Шатев". Анкетата покажува дека ВМРО-ДПМНЕ на претстојните избори ќе освои апсолутно мнозинство, односно 62 пратеника, додека СДСМ 32.

Ова го покажува телефонската анкета на 1450 испитаници спроведена од институтот „Павел Шатев“ во периодот помеѓу 15 и 17 Април. На прашањето „За која партија ќе го дадете вашиот глас на предвремените парламентарни избори закажани за 27 Април?", 27,9 отсто од испитаниците одговориле дека тоа ќе биде ВМРО-ДПМНЕ, 14,9 за СДСМ, 7,2 за ДУИ, 4,2 за ДПА, 1,8 отсто за ГРОМ.

„Павел Шатев“ предвидува 62 пратенички мандати за ВМРО-ДПМНЕ според моделот на D'Hondt, 32 за СДСМ, 16 за ДУИ, 9 за ДПА и 1 за ГРОМ. На прашањето во кој политичар имате најголема доверба, 28,7 отсто одговориле дека тоа е Никола Груевски, 6,9 отсто за Зоран Заев, 7,5 отсто за Али Ахмети, 4,5 отсто за Мендух Тачи, 1 отсто за Шекеринска.

Дури 40,9 отсто од испитаниците сметаат дека ВМРО-ДПМНЕ ќе победи на следните парламентарни избори, наспроти 13,8 отсто кои сметаат дека тоа ќе биде СДСМ.

На прашањето "Кого би го избрале за иден Премиер ако треба да се одлучите меѓу Никола Груевски и Зоран Заев?", дури 47,2 отсто од испитаниците се одлучиле за актуелниот премиер Никола Груевски, додека само 18,3 отсто за Зоран Заев.

Актуелниот претседател Ѓорге Иванов кој во првиот круг победи со над 120.000 гласови разлика има повеќе од двојна предност пред Стево Пендаровски. 32,6 отсто од испитаниците се изјасниле дека својот глас во вториот круг ќе го дадат за Иванов, додека 15,2 отсто за Пендаровски.

„Павел Шатев" напоменува дека сите резултати од анкетата подлежат на статистичка грешка од +/- 2,5 %. Анкетите на овј институт важат за едни од најверодостојните, заедно со оние на институтот „Димитрија Чуповски“ и ИПИС.

(Видео) Необичната вештина на еден професор го освои Интернетот

Забава

пред еден ден

Што е потешко, да се биде омилен професор или еднакво да се користат двете раце?

На тоа која рака ја користиме влијае контра страната на хемисферата на мозокот, па одредени експерти сметаат дека кај луѓето кои подеднакво се служат со двете раце ниту една хемисфера не им е доминантна.

Но, со сигурност можеме да кажеме дека еден професор по ликовно образование доминира во вниманието кое успева да им го привлече на своите ученици. Во продолжение погледнете го видеото.

Во Италија, ресторан наплатил две евра за празна чинија

Забава

пред 2 дена

Во италијански ресторан на гости им наплатиле дополнителни две евра за празна чинија. Имено, извесна Селваџија Лукарели побарала сад повеќе за нејзината ќерка да ги проба тестенините, а на сметката се појавила и таа чинија. Откако посетителката ја објави сметката на својот интернет-простор, и регионалниот гувернер Џовани Тоти јавно го осуди овој потег на ресторанот.

По лавината интернет-коментари, се огласи и Ида Германо, сопственичка на угостителскиот објект „Остерија дел Каволо“ што се наоѓа на брегот на Џеновскиот Залив.

– Трошоците се оправдани бидејќи тоа е повеќе работа за нас… Оти повеќе чинии за нас значат повеќе садови за миење, рече таа.

Инаку, само неколку дена претходно друг турист во Италија објави дека и сечењето сендвич во ресторан на езерото Комо му било наплатено. И тука сопственичката на ресторанот се правдала дека „дополнителните барања имаат своја цена“, пренесува „Ла република“.

Само две пози за спиење се добри ако сакате здрав грб

Живот

пред 3 дена

Повеќе од 10 години, Џејмс Лејнхард работел со пациенти кои сакале да го подобрат својот сон и квалитетот на животот. Тој сфатил дека повеќето спијат во пози кои не придонесуваат за здравјето на грбот и 'рбетот.

Експертот за држење на телото на TikTok предупреди дека има само две пози за спиење што тој ги одобрува, а ниту една од нив не вклучува спиење на стомак.

Првата позиција за која се залага е позата „војник“, односно лежење рамно на грб.

„Ако лежите на грб, вашиот 'рбет веднаш се потпира на душекот и имате најрамномерна распределба на телесната тежина. Ако ставите перница под колената, ќе видите дека малку ја навалувате карлицата и повеќе грбот ќе го допре креветот. Тоа е уште подобро“, рече тој.

Друга положба што ја фали е позицијата „сонувач“, или полуфетална странична положба со перница помеѓу колената и глуждовите за дополнителна поддршка.

„Клиничките докази покауваат дека во странична положба најмалку го оптоварувате 'рбетот“, истакна тој.

Видеото собра повеќе од 2 милиони прегледи откако беше објавено на 24 јули, а многу други експерти се согласуваат дека спиењето на грб и на страна се најздравите пози.