Скопските инспектори ќе се возат на електрични скутери

на 8.2015

Градот Скопје стана прва локална самоуправа во Република Македонија која што набави електроскутери за потребите на градската администрација. Новите 5 електроскутери, денеска ги промовираше градоначалникот на Град Скопје Коце Трајановски.

-Градот Скопје со набавката на овие 5 електроскутери го направи првиот директен чекор кон електромобилност во Скопје со примена на нови технологии, движење со нула емисии на штетни издувни гасови, почиста и поздрава животна средина и намалување на трошоците за одржување. Скутерите ќе ги користат службите на Град Скопје - инспекторите, комуналните редари и други. Набавените скутери ги имаат следните карактеристики: максимална брзина од 45 километри на час; време на полнење 4 до 5 часа; со едно полнење скутерот поминува 50 километри, а што е најважно, возењето 100 километри со ваков скутер ќе чини 10 денари, што претставува 70 до 80 проценти заштеда во споредба со потрошувачката на еден скутер што користи нафтени деривати. Скутерите може да се полнат на било кој извор на електрична енергија, како и во станицата за полнење електромобили во катната гаража „Македонска фаланга", на улицата Свети Кирил и Методиј. Во наредниот период Градот Скопје ќе набави и еден електроавтомобил и 5 електровелосипеди за потребите на градската администрација. Сакам да упатам апел до другите локални самоуправи, како и до државните институции да го следат примерот од Град Скопје, да набават електромобили и да ја поддржат електромобилноста, истакна Трајановски.

Набавените електроскутери се од марката EFUN, X-TREME тип: EFUN-C и се јасно означени со ознаки на Град Скопје и со ознака за електрично возило.

По спроведената јавна набавка, Градот Скопје новите електроскутери ги набави од фирмата „АВЦ-СМ“ ДОО експорт импорт Скопје. Вкупната цена на петте електроскутери изнесува 782.458 денари со ДДВ, а цената на еден електроскутер изнесува 156.491 денар со ДДВ. Со ставањето во употреба на новите електроскутери Градот Скопје ќе заштеди за гориво и за одржување, а што е најважно, директно ќе придонесе за квалитетот на амбиентниот воздух и почиста и поздрава животна средина.

ФОТО: Карлеуша прошета со чанта од 15.000 евра

Естрада

пред 12 часа

Сите знаеме дека Јелена Карлеуша има гардеробер и аксесоар кој вреди цело богатство, а како што и самата вели - ни сама не знае колку станови можела да купи со парите кои ги потрошила за гардероба.

Меѓутоа, таа нема намера да запре со купување на скапоцени работи, па овој пат инвестирала неверојатни 15.000 евра во Биркин чанта.

Со оглед на тоа дека нејзиниот сопруг потпишал мултимилионерски договор со фудбалски клуб во Кина, Јелена и тоа како може да си дозволи скапа облека.

Еве како изгледа нејзината нова љубов:

Тепачка во автобус на ЈСП

Вести

пред 13 часа

Вчера во 17:30 часот во СВР Скопје е пријавено дека во автобус на ЈСП, на подрачјето на Чаир во Скопје, по претходна расправија е нарушен јавниот ред и мир со физичка пресметка помеѓу Ш.Ф.(36) од скопско и З.А.(55) од Скопје.

По целосно документирање на случајот ќе следува соодветен поднесок.

И во парк може да пронајдете богатство

Забава

пред 15 часа

Во Колорадо жена пронашла 3-каратен дијамант само 10 минути после трагањето во државниот парк во Арканзас. Портпаролката на паркот, Мег Метјуз изјавила дека 71-годишната пензионерка од Аурора, Колорадо, побарала да остане анонимна.

Најпрво помислила дека е парче стакло и му го дала на синот додека таа со останатите членови од семејството продолжила да трага по драгоцени камења.

После еден час го однела својот „улов“ на вработените во паркот од кои всушност дознала дека нашла дијамант од 2,63 карати, што е најголем дијамант од сите 256 драгоцени камења пронајдени во овој парк.

Инаку, станува збор за парк, кој е еродиран вулкански кратер, кој на посетителите им дозволува да го задржат она што ќе го најдат. Вработените во паркот не пружаат услуги на проценка на вредноста на пронајденото богатство.