-Се надевам дека мајсторски и професионално ја заклав сопругата. Но тоа е само половина од работата што ја планирав. Би ги заклал и ќерката, нејзините деца и синот да не ме спречија, им рекол на полицајците месарот Небојша Павловиќ наречен Буцо од селото Варварин кај истоимениот град откако е уапсен за убиството на сопругата Милица (60).

Трагедијата се случи пред два дена во куќата на несреќната Милица, пред десетина гости на нејзината семејна слава Ѓурѓиц.

Последни зборови

Ружица Матиќ, сопруга на братот на Милица Милош, вели дека Небојша живее во другата куќа во заедничкиот двор и не приссутвувал на славата.

-Но, околу 15.30 часот дошол, видно нерасположен. Се поздравил со двајца-тројца госи, а останатите попреку ги погледнал. Потоа отишол во кујната, каде била Милица. Го видов како ја вовлекува десната рака позади грб и извлече голем месарски нож. И пријде од зад грб и ја забоде во вратот! Вреснав и потрчав да го фатам за рака, а тој ме нападна и мене, вели Ружица.

Во тој момент врз полудениот Небојша скокнал сопругот на Ружица, Милош кој е роден брат на Милица.

-Мислев дека ја забоде милица во рамото. Гледајќи како тргна на мојата сопруга, скокнав и го фатив за рацете во кои го држеше крвавиот нож. Го истуркав до верандата, а потоа го легнав во дворот. Ми рече: „Пушти ме или ќе го вадам и другиот нож да ти го пресечам гркланот! Успеав цврсто да го држам додека не дојде полицијата. Да знаев во тие моменти дека ми ја уби сестрата, јас ќе му пресудев, раскажува Миилош Матиќ.

Додека Милош се борел со убиецот, останатите гости скокнале да и помогнат на Милица.

-Откако ја прободе, Милица со последните сили рече: „Водете го од тука“, а потоа  почна да се гуши. Крв и течеше од вратот и устата и се гушеше. Почина на пат кон болница, вели роднината јелена.

Ќерката на Небојша Оливера (39) и синот Оливер (38) се шокирани од смртта на мајката.

-Татко ми многу пиеше. По струка беше кројач, но работеше во кафеана како келнер и колеше стока низ селото. Многу пиеше и ја малтретираше мајка ми, па пред 2 години го тужеше. Се закануваше пред судијата дека ќе ме заколе и мене и моите деца. Судењето почна уште пред две години, вели ќерката Оливера која поради таткото насилник со децата се преселила во градот Варварин.

Ги исфрлил од куќата

Синот Оливер вели дека пред две години таткото ги изфрлил од старата куќа.

-Дојдов од Австрија и го прашав зошто го прави тоа. Ми рече дека не може да ја гледа мајка ми, па и изградив нова куќа. Остана да живее сам во старата куќа, а мајка ми, по моја молба, повремено му спремаше храна, објаснува Оливер и додава:

-Со таткото контактирав пред 15 дена кога дојдов во Србија. Ме праша зошто не му се јавувам. Му одговорив дека сум огорчен што ми ги пцуеше децата. И тогаш ми рече: „Тоа намерно го направив, знам дека си мирен и сталожен, па сакав да те предизвикам за да те заколам!“.

Мештаните истакнуваат дека Небојша во Варварин е познат како кавгаџија, а посебно по тоа што пијан правел проблеми.

-Ги провоцираше и полицајците, ама тие го заобиколуваа, раскажуваат мештаните.

На Небојша Павловиќ по сослушувањето кај обвинител одреден му е притвор од 30 дена.

Милица водела дневник за насилникот

Милица Павловиќ пред смртта ја напишала во една тетратка својата животна исповед. Пишувала за насилството кое со години го трпела од мажот. На првата страница од оваа тетратка стои: „Совет до сите жени од светот кои трпат насилство, зошто ова го раскажувам од искуството во својот живот“. Потоа го опишувала својот макотрпен живот под тиранијата на својот сопруг Небојша, со надеж дека ќе им пружи помош на другите жени кои со години трпеле насислтво од мажите.

-Ова е книга на исповеди и каење на една напатена жена, напишала несреќната Милица Паловиќ во својот дневник.

Пред убиството уредно се спакувал

Пред полицајците му ставале лисици Небојша пред куќата каде го изврши грозоморниот чин побарал да си ја земе торбицата која уредно си ја подготвил за во затвор. Рекол дека знаел оти ќе оди во затвор на подолго време па се подготвил.