Писмото од Ѓаволот кое беше напишано од опседната сицилијанска калуѓерка во 1676-та година беше декодирано. Сестрата Марија Кроцифиса Дела Концезионе напишала тешко разбирливо писмо, а во моментите кога писмото било напишано, било потврдено дека била опседната од Ѓаволот (Луцифер).
Родена под името Изабела Томази во 1645-та година, другото име го добива кога го прима христијанството на свои 15 години. Калуѓерките имале многу доверба во неа, а ниту една од нив до сега не успеала да го дешифрира мистериозното писмо.
После 340 години, група на италијански научници од институтот Ludum Science Center од градот Катанија кој е лоциран на Сицилија, конечно ја открија пораката на писмото.
Користеле софтвер кој се користи од страна на тајните служби за разбивање на шифри. Го “напупниле” софтверот со древен грчки јазик, арапски, рунски и латински, со цел да се открие пораката.
Сестра Марија била многу вешта со лингвистика, но со тек на време станала премногу демонски опседната, што почнала да измислува свој сопствен јазик преку кој комуницирала со натприродните суштества. После долго истражување, научниците почнале да ја разбираат смислата на нејзините зборови. Тимот превел 15 реда од писмото и утврдиле дека се работи за односите помеѓу луѓето, Бог и Сатаната.
Таа во писмото го опишува Бог, Исус и Светиот Дух како “мртва тежина” и споменува дека Бог мисли дека може да ги ослободи смртниците. Друга реченица која научниците успеале да ја преведат била: “Можеби сега Стикс е сигурен”, мислејќи на реката Стикс која ги раздвојува Земјата и Подземјето во Грчката и Римската митологија.
