Париз се противи на отворањето преговори со Северна Македонија

Според последните информации од Брисел, Француски дипломатски извори информираат дека една од причините зошто Париз се противи на отворањето преговори со Северна Македонија е недостатокот на напредок во реформата на статусот на Специјалното јавно обвинителство.

– Конкретно сметаме дека Северна Македонија мора да приложи дополнителни напори посебно во делот на Специјалното јавно обвинителство, сметаме дека останува уште многу работа и за Северна Македонија и за Албанија и дека состојбата не е толку розова како што ни се претставува, вели француски дипломатски извор за МИА.

Ова е сега официјална позиција на француските власти и ќе им биде соопштена на министрите за надворешни работи во вторник во Луксембург.

За Албанија се бараат уште многу дополнителни напори во делот на комплетирањето на реформата на судскиот систем, а Франција ќе го нагласи фактот дека системот на ветинг во албанското судство имало “перверзни ефекти“ поради тоа што земјата останала без судии.

Што се однесува до Преспанскиот договор, Франција смета дека тој е од огромна историска важност, но дека тоа “нема никаква поврзаност со процесот на проширување“.

-За нас Преспа нема никаква врска, тоа е историски договор, но не е директно поврзан со процесот на проширување, важен договор е и потребен, но не треба да се очекува дека тој ќе го одблокира процесот на проширување, вели францускиот дипломат за МИА.

Дури и да се реши прашањето за СЈО до идниот вторник кога ќе се одржи состанокот на министрите во Луксембург, Франција ќе одбие преговори со Македонија и Албанија, но ќе одбие и одвојување на двете земји, објаснува дипломатот.

Причината за ова е што Франција сака претходна темелна реформа на методологијата на преговарање за земјите кандидати, за што ќе треба најмалку неколку месеци. Поради тоа Франција предлага да се наврати на прашањето во март 2020 година, но без никаква гаранција дека ќе даде зелено светло и тогаш.

– Мораме да констатираме дека процесот на пристапување во ЕУ е премногу технички и недоволно политички и дека тој не овозможи да видиме трансформација на општествата каква што очекувавме, затоа бараме од Европската Комисија да стави на маса реформа на методологијата на проширувањето за таа методологија да биде повеќе политичка, попостепена но и пореверзибилна, објаснуваат француските дипломати.

Она што Париз сака да го види е процес во кој ќе може во текот на преговорите да се врати назад доколку констатира дека една земја назадува или стои во место во однос на реформите, а истовремено тој нов процес би овозможил да се дојде до бенефити пред полноправното членство, хипотетички преку пристап до структурни фондови на ЕУ многу порано во процесот.

– Овие 35 поглавја, бенчмаркови, отворања, затворања, сметаме дека не овозможуваат амбициозни и суштински реформи, смета Париз.

Запрашан каков е ставот на Франција во однос на Србија и Црна Гора кои веќе преговараат, францускиот дипломат не беше во можност да даде одговор. Според него неизвесно е дали воопшто францускиот претседател би бил подготвен да попушти под притисок на другите земји на ЕУ доколку се побара одвојување од Албанија.

Поддршка за реформа на процесот на преговарање Франција добила од Данска, Холандија и Шпанија, иако и сите овие три земји порачале дека поддржуваат почеток на преговорите со Северна Македонија, но не со Албанија.

Ѓоко Поповски осуден на девет години казна затвор

Добрила Кацарска го осуди правосилно на деветгодишна казна затвор Ѓоко Поповски, поранешниот помошник министер за внатрешни работи во случајот „Триста“ на поранешното СЈО за злоупотреба на службената положба. Поповски треба да ги надомести и судските трошоци, вештачења и проценки.Штетата што треба да ја надомести кон МВР е безмалку 29 милиони денари.

Поповски бил овластен од Гордана Јанкулоска, тогашната министерка за внатрешни работи, да ги спроведува постапките за јавни набавки  Одлуката за јавна набавка ја донел за 300 патнички моторни возила во 2012. Во оглас за јавна набавка како критериум е наведена економски најповолна понуда, е било предвидено тендерот да го добие операторот со најповолна понуда, но тендерот бил манипулиран така што за набавка на патнички моторни возила добивале и петорангираните, четврторангираните и треторангирани понудувачи.

Набавката била поделена во три лота, а 11 оператори доставиле понуда. Комисијата наместо да изврши избор на економски најповолни понуда, во самиот тек на постапката ги изменила критериумите за јавни набавки. Еднаш утврден, критериумот не смее да се менува за цело време на јавната набавка, наведе Кацарска. Таа наведе дека Поповски не смеел да ја прифати одлуката на комисијата за јавни набавки и не можел да не знае за штетните последици.

Кривичниот суд во Скопје во мај минатата година првостепено го осуди Поповски на  9 години ефективна казна за поранешниот помошник министер во МВР.

Таравари за Заев: На Мурто Амнестија не му пречи бегството на Груевски, се запнал со Гостивар

Градоначалникот на Гостивар, Арбен Таравари преку Фејсбук му возврати на премиерот Зоран Заев за вечерашната изјава во нтервјуто за Алсат дека само Таравари можел да го гушка Мицкоски во Гостивар.

-На Мурто Амнестија не му пречи бегството на Груевски, ниту слободата на Велјановски, ниту затворот на Фета Халими, запнал со Гостивар, напиша Таравари на Фејсбук.

Села: Заев ми понуди да го заменам Ахмети, но одбив- „Алијанса“ сама ќе ја подеди ДУИ овојпат

Алијанса за Албанците ќе победи на следните избори и ќе биде дел од новата Влада, рече вечерва во емисијата „Што не е јасно?“ лидерот на Алијанса за Албанците Зијадин Села.

Според него неправедно е што вчера на маса кај претседателот Стево Пендаровски немало претставници од другите малцинства во земјава, ама вети дека нивната изборна програма ќе била посветена на проблемите на сите граѓани на ова општество.

-Нема да се случи тоа што се случи во 2016 година. Албанците гласаа за СДСМ во тоа време, но тие гласови беа за да падне ДУИ. Правда нема, ама се надевам дека ќе има мир. Алијанса за Албанците сама ќе ја победи ДУИ овој пат. Ќе коалицираме со таа партија која ќе ја прифати програмата и нашата политичка платформа. Нашата програма ќе биде економска, развојна и ќе ги тангира сите проблеми на граѓаните на ова општество. Ние сме свесни дека нема да добиеме 50 пратенници, и јас нема да бидам мандатар, но ќе застанам рамо до рамо со онаа партија која ќе ја прифати нашата програма, порачува Села.

На прашање дали Заев пред извесно време му понудил да го замени Ахмети и Алијансата да стане дел од власта, Села потврди.

-Точно е до негде. Не сакам да се враќам на таа слика. Тоа наликуваше на владеењето на Груевски. Тој имаше албански коалиционен партнер во власта, ама секогаш го уценуваше дека надвор чека другата албанска партија пред врата и чека да влезе. Понудата на Заев наликуваше на стариот премиер, вели лидерот на Алијанса. Додаде дека остоењето на СЈО било со цел политички прогон на една политичка партија.

- Се сведе на гонење на ВМРО ДПМНЕ, иако во прислушуваните материјали имаше разговори и на челници од ДУИ. Заев кога беше во опозиција велеше дека исто така се инкриминирани овие албански политичари. Ама видовме дека процесите против нив никогаш не почнаа, нагласува Села.

Популарно