Симона Герасимовска-Имаме симптоми, а никој не не тестира

  Симона Герасимовска  (33) ја раскажува голготата низ која поминува нејзиното семејство бидејќи иако нејзините сопруг и ќерка исто така пројавиле симптоми, се уште не се тестирани, се вели во прилогот на ТВ Сител. Симптоми почувствувала минатиот петок, а во статистиката на позитивни се води од вторникот.

Вели дека освен матичната лекарка, никој ниту проверува дали е во самоизолација, ниту каква е нејзината состојба. Им кажале дека сопругот и ќерката ќе бидат тестирани, но тестирањето се уште не е спроведено. Вчера се јавила во Центарот за јавно здравје, но наместо термин за тестирање добила дрзок одговор.

-Ми кажа дека имаат многу пациенти и дека немаат време за ништо. Меѓутоа, тоа не е мој проблем. Кога ја прашав кога ќе дојдат да ги тестираат сопругот и ќеркичката одговорот беше: „Најверојатно нема да ги тестираме, што ќе ви смени на вас тестот? Сигурно и тие се позитивни, штом се со симптоми. Седете дома во самоизолација, вели Герасимовска.

Симона вели дека сите нејзини пријатели се известени оти таа е позитивна. Дел од нив се тестирале и се негативни. Но вели дека без резултат луѓето се оставаат на својата совест.

-Ако немаме документ, немаат решение за самоизолација. Како нашите надлежни очекуваат нашите граѓани да бидат совесни. Ете, сопругот нема документ. Да е некој несовесен ќе излезе надвор и ќе каже: „Па, јас немам документ, ниту дошле да ме тестираат, ниту имам документ за самозолација. Зошто би седел дома?“, вели Герасимовска.

Матичниот лекар може да закаже термин, но тогаш нејзиниот сопруг ќе биде принуден да ги прекрши протоколите бидејќи лично ќе треба да се појави на пункт за тестирање. За Симона е несфатливо зошто не се тестира потесното семејство кога се плаќаат приденоси во Фондот за здравство, а сега се принудени тоа да го сторат приватно.

-Мене не ми е проблем да појдам и да платам уште 8.000 денари за ќерката и за сопругот. Меѓутоа, не е законски да излегуваат. А, од друга страна, кога ќе размислам 8.000 денари не се малку. Има семејства кои цел месец го поминуваат со тие 8.000 денари, вели Герасимовска.

Симона се тестирала во приватна клиника. За термин чекала два дена, а за резултати еден. Вели дека е револтирана зошто политичарите и јавните личности се тестираат веднаш, а резултатите ги добиваат за само неколку часа.

-Крајно сум револтирана. Без разлика не е битно дали е министер, адвокат, доктор, што сака нека биде, претседател на Република Македонија. Сите ние имаме исти права во оваа држава. Тој претседател, тој министер е обична личност во приватниот живот. Што ете, е ставен на функција за да постави ред за сите останати во оваа држава. Ама како што гледам, ред многу-многу и нема во државава, вели Герасимовска.

Додека со своето семејство е во самоизолација роднините се понудиле за да ги снабдат со потребни намирни. А, иако немале потреба, понуда за помош добиле и од Црвениот крст чии волонтери се нафатиле да однесат храна и лекови на нивната адреса.

Познат идентитетот на удавениот во Охрид

Полициски екипи од СВР Охрид и екипа на Итната медицинска помош попладнево во околу 13 часот се упатиле на лице место по дојава дека е забележан давеник во Охридското езеро, во близина на хотелот Палас.

Полицијата го потврди случајот. Како што дознаваме станува збор за 49-годишен маж.

Портпаролот на СВР Охрид, Стефан Димоски, најави подетални информаации за подоцна.

Извор: press24.mk/

165 нови случаи на КОВИД-19

Денеска се регистрирани 165 нови случаи на ковид 19 – вкупната бројка на дијагностицирани 6787

Оздравени се 128 пациенти – починати се 7 лица

Министерството за здравство информира дека во последните 24 часа се направени 1454 тестирања, а регистрирани се 165 нови случаи на ковид-19 во: Скопје-71, Куманово-15, Дебар-1, Штип-10, Прилеп-5, Тетово-20, Струга-3, Велес-1, Битола-3, Охрид-10, Гостивар-14, Пробиштип -4, Македонски Брод-1, Кичево-2, Ресен-5.

Денеска Институтот за јавно здравје регистрира 128 оздравени пациенти од: Скопје-97, Штип-11, Тетово-3, Велес-2, Битола-2, Струмица-1, Ресен-11, Неготино-1.

Починати се 7 лица, двајца пациенти од Скопје, двајца од Куманово, еден пациент од Струга, еден од Кочани и еден пациент од Неготино.

На Клиниката за инфективни болести и фебрилни состојби починат е пациент (55г). Во ГОБ „8 септември“ починати се двајца пациенти (68г) и (63г).

Во болницата во Кавадарци почина пациент од Неготино (56г), во болницата во Кочани пациент (56г). Во Куманово се починати двајца пациенти на возраст 71г и 79г.

Вкупната бројка на ковид дијагностицирани во нашата земја од почетокот на епидемијата изнесува 6787, бројката на оздравени пациенти е 2876, на починати е 328, а во моментов бројот на активни случаи во земјата изнесува 3583. Од вчерашните тестирања три се контролни, во моментов дистрибуцијата по градови е следна:

• Скопје 3280, активни 1983

• Куманово 784, активни 232

• Дебар 103, активни 51

• Штип 365, активни 160

• Прилеп 274, активни 48

• Тетово 743, активни 406

• Струга 245, активни 147

• Велес 189, активни 40

• Битола 57, активни 21

• Охрид 190, активни 161

• Кавадарци 21, активни 15

• Гостивар 143, активни 84

• Гевгелија 12, активни 5 (2 лица од ПЕ Гевгелија се жители на Богданци) • Струмица 16, активни 9 • Крива Паланка 15, активни 9 • Радовиш 4, активни 0 • Крушево 7, активни 4 • Кочани 73, активни 20 • Пробиштип 24, активни 15 • Демир Хисар 2, активни 1 • Македонски Брод 6, активни 4 • Пехчево 6, активни 3 • Берово 3, активни 1 • Валандово 6, активни 2 • Виница 3, активни 0 • Делчево 1, активни 0 • Кратово 4, активни 1 • Свети Николе 34, активни 30 • Кичево 40, активни 34 • Ресен 116, активни 91 • Неготино 21, активни 6 ( 10 лица од ПЕ Неготино се жители на Демир Капија)

Направените 1454 теста се преку: ИЈЗ –768, ЦЈЗ Скопје-0, Авицена –98, Биотек –90, МАНУ -180, Жан Митрев (Филип Втори) -143, Судска медицина-11, Систина со PCR метода -108, ЦЈЗ Битола-56, лаборатории од странство-0. Досега во земјата се направени вкупно 64.837 тестирања на ковид -19. Денеска нема тестирања во рамките на скринингот.

На Инфективната клиника во изминативе 24 часа примени се 3 пациенти. Вкупно се хоспитализирани 89 пациенти. На кислородна поддршка се 53 пациенти, нема пациенти на механичка вентилација.

Во болницата во Козле се хоспитализирани 30 возрасни пациенти позитивни на ковид-19 и 5 деца позитивни на вирусот.

Во ГОБ „8 Септември“ примени се 18 нови, вкупно хоспитализирани се 130 пациенти. На респираторна машина се 9 пациенти.

Во болницата во Битола се хоспитализирани 37, а во болницата во Штип се хоспитализирани 40 пациенти. На инфективните одделенија во Тетово, Охрид, Велес, Куманово, Прилеп и Гостивар се хоспитализирани 91 пациенти – позитивни и сомнителни на ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 424

• Аеродром – 154

• Бутел – 163

• Гази Баба – 193

• Центар – 143

• Карпош – 167

• Сарај – 148

• Кисела Вода – 121

• Ѓорче Петров – 113

• Студеничани – 113

• Шуто Оризари – 90

• Арачиново – 54

• Илинден – 32

• Петровец – 16

• Чучер Сандево – 19

• Сопиште – 14

• Зелениково-6

• Странец – 2

• Нераспределен- 11

Заев: Јас го презедов СДСМ и јас го финансирам сам, не ми треба ни Бранко ни луѓето на Бранко

Нови аудио снимки од свиркачи се појавија на социјалната мрежа „ЈуТјуб“ на кои може да се слушнат секвенци од разгвор кој Зоран Заев го водел со непознато лице.

Разговорот најверојатно се води некаде на отворено, а може да се слушне лидерот на СДСМ како објаснува дека тој ги исчистил сите луѓе на Бранко Црвенковски од СДСМ, а потоа објаснува колку капитал имал.

Зоран Заев: Јас го презедов СДСМ и јас го финансирам сам СДС. Не ми треба ни Бранко ни луѓето на Бранко. Го терам сам. Да заврши едно миље на Бранко целосно во СДС.

ХХ: Како ќе заврши?

Зоран Заев: Како? Он нема никакво влијание во СДСМ.

ХХ: Он нема влијание во СДСМ?

Зоран Заев: Бранко…

ХХ: Зоки многу го потценуваш човекот.

Зоран Заев: Јас имам 8.5 милиони евра капитал.

извор: lider.com.mk

Популарно