КЕКЕНОВСКИ: ЌЕ БАРАМ УКИНУВАЊЕ НА ИМУНИТЕТОТ НА ПРАТЕНИЦИТЕ И СИТЕ НОСИТЕЛИ НА ФУНКЦИИ

Професор Јове Кекеновски од коалицијата „Никогаш северна, само Македонија“ за отвореното студио на ТВ 24 изјави дека тој е скоро сигурен дека ќе влезе во Парламентот како пратеник.

„Целокупното мое искуство ќе им даде доверба на граѓаните да го дадат гласот за мојата коалиција, од причина што изминативе години сметам дека останав чесен и доследен на своите ставови“, изјави Кекеновски.

Според него, приоритет на неговата коалиција е промена на сите аномалии во изборниот законик и укинување на техничката влада.

„Исто така, не сакаме да имаме пратеници-платеници. Ќе бараме укинување на имунитетот на сите пратеници, како и имунитетот на сите носители на функции, судии, обвинители. Единствен што заслужува да има имунитет е Претседателот на државата. Ќе бараме и укинување на функцијата заменик-министер, затоа што тие се една безгласна буква“, вели Кекеновски.

Тој дополнува дека ќе бараат одговорност од главните политички партии и нема да коалицираат со нив.

„Македонија е трула и треба да ја освежиме со нови личности“, изјави Кекеновски.

(Фото) Тешка сообраќајка кај Дрекслмаер во Кавадарци

Тешка сообраќајна несреќа се случила вечерва во близина на германската фабрика Дрекслмаер во Кавадарци, потврди за МИА Верољуб Додевски, портпарол на СВР Велес.

Тој рече дека засега не може да даде повеќе детали,  бидејќи во тек е увидот на местото на настанот.

Од Брза помош Кавадарци за МИА потврдија дека едно лице на возраст од 28 години е починато, а сообраќајката била меѓу трактор и автомобил.

Извор: Вечер

СЕ ЗАТВОРААТ ПЛАЖИТЕ ВО ШПАНИЈА

Заради  спречување на  ширењето  на коронавирусот  властите во Шпанија  наредија затворање на десетици плажи поради големиот број посетители за време на викендот.

Речиси 30 плажи во Коста дел Сол беа затвроени во неделата, а плажите во Малага беа принудени да го редуцираат бројот на посетители, за да се одржи социјалната дистанца.

Околу 55 плажи во Андалузија се затворени, додека во Кадиз е затворена една плажа поради големиот број на посетители.

Поради пораст на бројот на новозаразени лица со Ковид-19 повторно е воведен карантин за време на викендот во Галиција и Каталонија.

Се очекува влошување на ситуацијата со епидемијата поради пораст на бројот на странски туристи. Шпанија, која ја посетуваат околу 80 милиони туристи годишно е втора земја по посетеност, зад Франција.

Во Шпанија 299.210 лица се инфицирале со Ковид-19, од кои 28.392 починале.

Видео: Полиција со жестока реакција ги растера демонстрантите од пред Собранието

Група луѓе предводени од Сојузот за Србија се собра попладнево пред српското собраните. Полицијата направи кордони пред влезот во зградата.

Според репортерот на Б92, дошло до немири, при што демонстрантите фрлиле со факли кон зградата на Собранието, а полицијата испукала солзавец.

Дел од демонстрантите ја разбиле оградата пред зградата на паралентот и фрлале со камења.

По нападот врз полицијата, органите на редот ги растерале демонстрантите и го зазеле целото плато пред српскиот парламент.

Во стампедото, луѓето паѓале едни над други, а додека биле во поголеми групи, припадниците на полицијата ги тепале со палки.

Има повредени, а меѓу нив е и лидерот на Двери, Бошко Обрадовиќ.

Исто така на местото се присутни оклопни транспортери на полицијата.

извор: Makfax

Популарно