Taжната животна приказна на кралот на поп музиката Мајкл Џексон

Мајкл Џексон почина на 25.06 пред 11 години во неговиот дом, поради предозирање од лекот пропофол на 50-годишна возраст.

Таа вечер, кога почина „кралот на поп музиката“, неговиот личен лекар, Конрад Мареј, му даде моќен анестетик, кој не смее да се користи надвор од болниците, бидејќи го забавува дишењето, отчукувањата на срцето и го намалува крвниот притисок. По смртта на контроверзната sвезда, откриено е дека тој редовно го земал тој лек за да може да спие.

Мајкл беше најголемата sвезда во светот, со над 750 милиони продадени албуми и 13 освоени Греми награди, а истовремено беше чудак, опкружен со луѓе на коишто не смееше да им верува, изобличен од пластичните операции.

Конрад Мареј, 58-годишен кардиолог кој му пресуди со смртоносен коктел, претходно беше ангажиран од Џексон да остане со него шест ноќи неделно за да му помогне да се наспие додека трае напорните подготовки за веќе распродадените 50 концерти за турнејата „This is it“.

Мареј беше добро платен, но и многу алчен лекар. Заборавил на Хипократовата заклетва и наместо да му помогне на својот славен пациент, ставил огромни количини на секакви лекови во инјекцијата, сè додека несреќниот Џексон конечно не заспал засекогаш. Мареј заврши на суд, каде се докажа дека направил 17 сериозни грешки, од кои секоја може да доведе до катастрофални последици.

Мареј доби четири години затвор, одлежа две, а неодамна се појави повторно во јавноста со скандалозни обвинувања против таткото на Мајкл, кој почина од рак на панкреасот на 89-годишна возраст, минатиот месец. На видеото кое некогаш кружеше на Интернет, Мареј тврди дека стариот Џексон хемиски го кастрирал својот син во младоста за момчето да не влегува во пубертет и да мутира, бидејќи со тоа ќе го изгуби неговиот карактеристичен висок глас.

„Џо Џексон е еден од најлошите татковци во историјата и се надевам дека ќе најде искупување во пеколот“, вели Мареј во видеото.

Дека помина низ еден вид пекол со својот татко, самиот Мајкл не криеше. Во документарниот филм „Living with Michael Jackson“, кој беше снимен во 2003 година од страна на Мартин Башир, пејачот опиша како неговиот татко го тепал не само со каиш, туку и со кабел и со сè што ќе му се најде при рака.

“Тој знаеше ме фрли со сeта сила во ѕидот. Лесно ги губеше нервите … Беше многу гадно”, раскажува Мајкл во филмот. Мајката на Мајкл, Кетрин, единствениот сведок, ги сакаше своите 11 деца, но го трпеше насилното однесување на нејзиниот сопруг.

Таткото ја одржуваше дисциплината со тепање, а по концертите исчезнуваше секој пат со нова пријателка. Мајкл се преправаше дека спие додека постарите браќа внесуваа обожавателки во собата и тие го задеваа за ужасните акни. Џо Џексон го стави момчето на хормонска терапија за да го излечи од непријатните мозолчиња, но можеби и за да постигне нешто поважно: одложување на хормоналните промени во телото, што ќе го смени неговиот глас. А, гласот тогаш веќе стана препознатлив.

На Шварценегер му вградиле пејсмејкер, имал три операции на отворено срце

Актерот Арнолд Шварценегер вели дека му бил вграден пејсмејкер минатата недела откако претходно бил подложен на три операции на отворено срце.

Говорејќи во епизодата од неговиот подкаст, „Arnold’s Pump Club“, 76-годишникот ја објави веста и се пошегува дека сега има „машински дел“ исто како неговиот лик Терминатор.

„Минатиот понеделник, имав операција за да станам малку повеќе машина. Добив пејсмејкер“, им рече тој на слушателите., каде што никој никогаш не зборувал за медицински прашања.

„Сè што е поврзано со здравствената заштита беше чувано за себе. Но, добив толку многу пораки и е-пошта од луѓе кои се родени со бикуспидна аортна валвула, како мене, кои ми кажуваат дека зборувањето за моите операции им дало храброст и надеж да се справуваат со своите“.

Ѕвездата, која беше видена на сцената на Оскарите претходно овој месец како доделува награда заедно со неговиот колега од Близнаците, Дени Де Вито, исто така ги увери обожавателите дека брзо закрепнува.

„Прво, сакам да знаете дека ми оди одлично“, рече Шварценегер. „Во понеделникот бев опериран, а во петокот веќе бев на голем еколошки настан со мојата пријателка и колешка фитнес крстоносец Џејн Фонда. Патем, кога зборуваме дека вежбањето е единствената магична пилула за забавување на стареењето, погледнете во Џејн. Таа е 10 години постара од мене, оваа година наполни 87 години“.

Во јануари, поранешниот гувернер на Калифорнија беше приведен на меѓународниот аеродром во Минхен поради обид да однесе „нерегистриран“ часовник преку царина, според извештајот на ТМЗ. Продавницата сподели фотографија на која актерот позира заедно со царински агент додека држи нешто што изгледаше како кутија за часовници.

Против него беше покрената постапка, изјави портпаролот на царината на аеродромот за NBC News во тоа време. Дополнителни детали за истрагата не беа откриени поради германските закони за приватност.

Според повеќе извештаи, Шварценегер соработувал со истрагата и подигнал готовина за однапред платените даноци на часовникот.

Кралот Чарлс и кралицата Камила го исклучиле принцот Вилијам од должностите

Владата и кралското семејство се подготвуваат за најлошото сценарио доколку болест на кралот Чарлс Трети прогресира на полошо. Кралот неодамна објави дека се бори со рак, но видот на ракот не беше наведен во соопштението од Бакингемската палата.

Додека е на лекување, кралот Чарлс III работи од дома, додека Камила лично присуствувала на кралските ангажмани. Во исто време, Палатата нагласи дека 75-годишниот крал „останува целосно позитивен во однос на неговиот третман“ и „со нетрпение очекува целосно да се врати на должностите“.

Сепак, како дел од планот за вонредни ситуации, кралот Чарлс и кралицата Камила се состанале приватно со владини претставници за да направат аранжмани. Сепак, принцот Вилијам наводно е исклучен од подготовките и покрај тоа што е престолонаследник, пишува Page Six.

Се покажа дека кралот Чарлс Трети сакал да го поштеди Вилијам од дополнителен стрес бидејќи веќе ги балансира своите кралски должности со грижата за неговите три деца додека неговата сопруга Кејт Мидлтон е на хемотерапија.

Принцезата од Велс во петокот во снимена порака објави дека и бил дијагностициран рак по операцијата на стомакот, од која закрепнувала од јануари.

Кралот, наводно, ја донел одлуката имајќи го ова на ум, бидејќи верува дека сега е најдобро неговиот син да се фокусира на „поважни работи“, како што е грижата за своето семејство.

Зошто Принцезата Кејт две недели се криела од јавноста?

Принцезата Кејт Мидлтон (42) во петокот вечер објави дека има рак и дека е подложена на хемотерапија.

Таа раскажа дека во јануари била на операција на стомакот, а лекарите со последователни прегледи утврдиле дека има рак.

Како што пишуваат британските медиуми, Кејт Мидлтон сама го напишала говорот пред две недели, кога одлучила својата дијагноза да ја сподели со светот.

Таа и Вилијам одлучиле да почекаат до велигденските празници за да ја соопштат веста за нивните деца да бидат дома за време на медиумскиот хаос.

Кејт во видеото изјави дека е во рана фаза на хемотерапија и вели дека дијагнозата била голем шок за неа и за целото семејство.

Британските медиуми пишуваат и дека децата на Кејт со денови биле под притисок на нивните врсници на училиште откако настанал хаос во Велика Британија и на интернет поради „исчезнувањето“ на нивната мајка.

Пријателите на принцезата наведуваат дека Кејт со нејзината објава за рак уште на почетокот на празниците пред се сакала да ги заштити своите деца.

Популарно