Од направени 552 тестирања, а регистрирани се 45 нови случаи на ковид-19

Во последните 24 часа се направени 552 тестирања, а регистрирани се 45 нови случаи на ковид-19 во:

-Скопје 10

-Куманово 4

-Штип 1

-Прилеп 1

-Тетово 5

-Гостивар 4

-Крива Паланка 1

-Радовиш 1

-Кочани 9

-Пробиштип 1

-Берово 5

-Делчево 1

-Кичево 2

Починати се 7 лица, двајца пациенти од Струмица (52 и 62г), еден од Дебар (54г), пациентка од Штип (53г), пациентка од Прилеп (66г), пациент од Кочани (66г) и еден пациент од Свети Николе (23г).

Денеска Институтот за јавно здравје регистрира 86 оздравени пациенти од:

-Скопје 24

-Куманово 8

-Дебар 4

-Штип 1

-Прилеп 6

-Тетово 2

-Струга 1

-Битола 1

-Кавадарци 3

-Гостивар 7

-Гевгелија 5

-Крива Паланка 7

-Радовиш 2

-Кочани 2

-Пробиштип 1

-Пехчево 7

-Виница 4

-Свети Николе 1

Досега во земјата се направени вкупно 176.017 тестирања на ковид -19. Нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 16780, бројката на оздравени пациенти е 13949, на починати е 700, а во моментов бројот на активни случаи во земјата изнесува 2131.

Цели групи заминуваат во изолација, градинките се празнат

Според најновите информации што Слободен печат ги доби од Министерството за труд и социјална политика, позитивна на Ковид 19 е и негователка во детската градинка Детска радост во Автокоманда, додека пак во позитивен тест за Ковид 19 имал и логопедот во градинката Мајски цвет во Карпош.

Родителите секој ден во страв ги пуштаат децата во градинка, поради фактот што секојдневно се зголемува бројот на новозаболени негователки и воспитувачки.

Од вчера 10 деца се во самоизолација, поради присуство на коронавирус кај една од негователките од објектот „Кокиче“, во рамки на градинката „Росица“ во Ѓорче Петров.

-Една негователка и групата во која што е ангажирана се во самоизолација од вчера. Станува збор за група од десет деца. И претходно имавме случаи на позитивни воспитувачки и негователки поради што децата беа во изолација, но за среќа се добро се заврши, сега тие се вратени на работа, а децата се вратени во градинка, се надевам дека и овој пат се ќе заврши без последици, рече во телефонски разговор за Слободен печат, директорката Маја Ристовска.

А, вакви појави има и во неколку други градинки. Во уште една градинка со истото име, но во општина Кисела Вода, има појава на заразена воспитувачка со коронавирус.

Од денеска десет дечиња од објектот „Кокиче“ во Кисела Вода се во самоизолација,поради позитивен тест на коронавирус кај една од воспитувачките од градинката Кокиче. Тестот бил потврден вчера, исконтактиран е Центарот за јавно здравје, постапено е по алгоритмот, известена е Општината и Министерството за труд и социјална политика. Направена е дезинфенкција на целиот простор. Нема простор за паника бидејќи при појавата на првите симптоми колешката е останата дома, и таа веќе неколку дена немаше контакт со останатите вработени, ниту со децата. Морам да кажам дека свеста кај родителите е на високо ниво, имаат разбирање за состојбата и нема обвинувања упатени до наша адреса, рече директорката на градинката, Станка Баџакова.

Според најновите информации што Слободен печат ги доби од Министерството за труд и социјална политика, позитивна на Ковид 19 е и негователка во детската градинка Детска радост во Автокоманда, додека пак позитивен тест за Ковид 19 имал и логопедот во градинката Мајски цвет во Карпош.

-По консултација со Центарот за јавно здравје Скопје одлучено е никој да не оди во изолација бидејќи вработената немала директен контакт со децата ниту со вработените. Таа работи сама во канцеларија, а во текот на работното време секогаш носела маска, ни одговорија од Карпош.

Позитивна на корона е и една хигиеничарка од градинката 13 Ноември во Центар.

Од градинките во внатрешноста, позитивна на Ковид е негователка од градинката „Димче Мирчев“ од Велес, воспитувачка од градинката „8 Март“ од Струга, воспитувачки од „Детска радост“ од Гевгелија и Гостивар, како и еден вработен од главната кујна на градинката „Вера Ц. Трена“ од Штип.

Од почетокот на отворање на детските градинки до сега се заразени 26 деца и 83 вработени во градинките, а во моментот дури 482 дечиња и 77 возрасни се наоѓаат во изолација.

До нашата редакција стигна информација дека и во градинката 8 Март исто во Кисела Вода има појава на коронавирус по што цела група е во изолација, но официјално не добивме потврда на оваа информација.

Љубе Бошкоски објави каде лови странски инвестиции

Љубе Бошкоски советникот на премиерот Зоран Заев за странски инвестиции во фејсбук пост вели дека деновиве е во лов на странски инвеститори. Во објавата Бошкоски всушност му одговара на прозивка на лидерот на ВМРО-ДПМНЕ Христијан Мицкоски за кој тврди дека го прозвал на прес конференција. Канејќи го Мицкоски на ТВ дебата, Бошкоски вели дека патува на свој трошок, а не со платата како советник во Владата за која вели дека не е доволна за едно патување во странство.

„Ти одговарам подоцна, бидејќи синоќа во Загреб имав состанок со потенцијални инвеститори за обновливи извори на енергија, а денес сум вo Грaц нa сoстaнoк со можни инвеститори во градежништвото и инфраструктурата. Сето го правам на сопствен трошок, бидејќи платата е недоволна за едно патување во странство, но тоа секако не ме спречува да работам за доброто на Татковината, без да побарам ниту денар дополнителни трошоци. И тука ние се разликуваме – во моето дејствување и твоето, се сеќаваш, упорно, бесрамно и невистинито тврдење дека си бил само про-боно советник на Груевски, во време кога тој со над 90 советници трошеше 1,73 милиони евра народни пари, пишува Бошкоски.

Инаку Бошкоски за ангажманот како советник зема месечна плата од 55.268 денари.

Hristijan Mickoski, деновиве слушам декa криејќи се зад други луѓе си ме прозвал на прес. Ти одговарам подоцна, бидејќи...

Posted by Љубе Бошкоски / Ljube Boshkoski on Wednesday, October 28, 2020

Јакимовски осуден на шест години затвор за кражба на 800.000 евра од УБК

На шест години затвор е осуден Тони Јакимовски, ексначалник во УБК, кој беше и шеф на кабинет на ексдиректорот на УБК Сашо Мијалков, за случајот „Спец каса на УБК“, објави Кривичниот суд.

Затворска казна од четири години за Стево Маџовски, кој бил вработен во УБК, а ослободителна пресуда за уште една вработена во оваа Управа, Кристина Јосифовска.

Ова е пресудата од Судечкиот совет во предметот кој се однесува на проневера на пари од спец касата во УБК.

-Согласно објавата на пресудата, во текот на кривичната постапка која започна во октомври 2019 година, одржани се вкупно 11 продолженија на главната расправа , а дел од расправите се одржаа во време на вонреда состојба заради пандемијата со Ковид – 19, при што судот ги обезбеди сите соодветни услови согласно протоколите за заштита. Изведени се предложените материјални и вербални докази и, по предлог на одбраната, сослушан е сведок преку видео конференциска врска со надлежен суд во Букурешт, Р. Романија каде се наоѓал сведокот.

Врз основа на сето горе изведено судот утврдил дека обвинетите подигале парични средства за потребите на касата за исплата на средства за посебни намени за УБК, но воедно утврдено е дека евиденцијата за потрошените парични средства се уништени заедно со документацијата за исплата, односно главната книга за евиденција без за тоа да постои посебно одобрение од директорот на Управта и без за тоа да биде формирана комисија за ништење на материјална документација.

Против оваа пресуда странките, по приемот на пресудата, имаат право на жалба преку овој суд до Апелациониот суд, велат од Кривичниот суд.

Популарно