Снег падна во пустината Сахара

Снег падна во пустината Сахара, а во Саудиска Арабија температурите се спуштија и до минус 2 степени.

На снимките се гледа снег кој ги покрива песочните дини во Сахара.

Алжирските овчари ги водеа своите овци низ снегот.

Секое трето дете во Германија има проблем со менталното здравје поради пандемијата

Експертите за ментално здравје на децата во Германија изразија зголемена загриженост во врска со затворањето на училиштата и ограничувањата што го влошуваат стресот на пандемијата кај 13,7 милиони деца и тинејџери во земјата. Тие ја потенцираат можноста за идна криза поради менталното здравје, објави Гардијан.

Едно од секои три деца страда од пандемска анксиозност или депресија или има психосоматски симптоми како што се главоболки или стомачни болки, покажа неодамнешното истражување на медицинскиот центар на универзитетот Хамбург-Епендорф.

Децата од семејства со ниски примања и семејствата на имигранти се непропорционално погодени, покажува студијата.

– Сè уште немаме долгорочно истражување, но има многу докази за зголемување на хоспитализациите и пренатрупаноста на сеанси со психолози поради кризата, рече Џулија Асбранд, професорка по детска и младинска психологија на Универзитетот Хумболт во Берлин.

Бил Гејтс открива до кога ќе носиме маски

Бил Гејтс (65) ја примил втората доза од вакцината против ковид-19 пред една недела, потврди во интервју за социјалната мрежа Клабхаус.

Но иако основачот на Мајкрософт е целосно вакциниран, кажа дека ќе продолжи да ги почитува мерките и препораките како на пример носењето заштитна маска.

„Сакам да им бидам пример на другите“, му кажа Гејтс на Ендрју Рос Соркин на Клабхаус, и додаде: „Ако се вакцинирате, и понатаму можете да ја пренесувате заразата“.

Американската Агенција за контрола на зарази (ЦДЦ) вели дека дури и оние кои се вакцинираат против ковид-19 мора да продолжат да ги почитуваат епидемиолошките мерки за сузбивање на пандемијата. Вакцините на Бајонтек/Фајзер и Модерна се покажаа како многу ефикасни во спречување тешки облици на болеста и смрт од ковид-19, но сè уште е нејасно дали целосно спречуваат заразување.

„Нема да престанам да носам маска или да престанам да бидам внимателен, особено не во близина на постари луѓе кои не се вакцинирале“, кажа Гејтс.

Многумина се прашуваат кога ќе се вратиме во нормала или барем ќе се укинат мерките како носење маска и одржување физичка дистанца.

„Дури доцна на пролет или на лето можеме да размислуваме за позначајна промена на однесувањето ако бројките бидат добри“, кажа Гејтс, па додаде дека планира да носи маска и на есен додека стапката на заразни не падне позначително истакнувајќи дека „тоа не е нешто страшно“.

Главниот американски епидемиолог д-р Ентони Фаучи кажа дека постои можност Американците да мора да продолжат да носат маски до 2022 година, и дека тоа ќе зависи од тоа колку брзо циркулира вирусот во заедниците.

Едно лица загина во експлозија во болница во Украина

Едно лице загина, а друго е повредено во денешната експлозија на кислород во болница во градот Чернивци, во западна Украина.

Експлозијата се случила на вториот кат од болницата за време на ручекот.

Евакуирани се 20 лица, соопшти службата за итни случаи, без да прецизира како се случила експлозијата.

Популарно