(Видео) Холивудскиот пар доби второ дете, но наместо честитки наиде на потсмев

Џастин Тимберлејк и Џесика Бил го добија второто дете, син, на кој му го дале името Финас. „Тој е прекрасен и толку сладок. Никој веќе не спие. Но ние сме воодушевени. Возбудени сме и не би можеле да бидеме посреќни. Многу сме благодарни“, рекол Џастин (39) гостувајќи во шоу програмата кај Елен.

Парот се венчал во 2012-та година, а синот на кој му го дале името Силас, го добиле во април 2015-та година. На прашањето како се разликуваат родителството со едно дете и родителството со две деца, Џастин се пошегувал: „Не се гледаме повеќе“.

Џастин и Џесика втората бременост внимателно ја криеле од очите на јавноста, а дури сега го објавија раѓањето на синот, за кое се претпоставува дека се случило пред неколку месеци.

Инаку, во Холивуд се зборува дека второто дете е обид на славниот пар да го надмине проблемот со неверството на Џастин, кој наводно се случил минатата година, кога е фатен како се држи за рака со актерка од сетот.

Освент тоа, парот е исмеан и поради имињата кои му ги дал на децата, со оглед на тоа дека првиот се вика Силас, а вториот Финас.

Џорџ Клуни открива што прави кога е дома со своите деца

Планетарно популарната актерска sвезда, Џорџ Клуни, за новото издание на W Magazine открил што прави кога е дома со децата поради пандемијата на коронавирус, пишува Си-Ен-Ен.

Тој на шега вели дека за време на заклучувањето станал мајстор за разни занаети.

-Ќе ви кажам нешто за моето ново хоби. Јас пуштам две, три машини за перење на ден и ги мијам садовите цел ден, бидејќи нашите деца се вистински мали прасиња, рече тој со насмевка.

-И, треба да ги капете децата од време на време… Дури и му ја ишишав косата на мојот син, но се покажа многу лошо. Сепак, неговата коса брзо ќе порасне. Мислам, и самиот се ишишав. Но, не не се осмелувам да и ја ишишам косата на ќерка ми затоа што добив предупредување: „жена ми ми рече дека ќе ме убие ако ја допрам убавата долга коса на ќерка ми“, рече омилениот холивудски актер, кој има тригодишни близнаци, Ела и Александар со неговата сопруга Амал.

Застрелан работник на Лејди Гага

Лејди Гага нуди награда од половина милион долари за враќање на нејзините француски булдози кои беа украдени откако нејзиниот шетач бил застрелан.

Напаѓачите го начекале Рајан Фишер во засега пред неговиот дом во западниот дел од Холивуд и и во него пукале четири пати за да ги украдат трите кучиња на Гага.

Фишер итно е пренесен во локална болница, а едното од кучињата успеал да го задржи. Полицијата соопшти дека тој е сериозно повреден, но оти добро се опоравува.

 
 
 
 
 
 
 
 
 
 
 
 
 
 
 

A post shared by Lady Gaga (@ladygaga)

(Фото) Сите и се смејат на Клои Кардашијан поради фотографијата

Клои Кардашијан на Инстаграмот на својот бренд „Good American“ објави фотографија на која се смеат илјадници луѓе на социјалната мрежа, а на шегите се придружи и самата таа. На фотографијата таа носи траперки од својот бренд, но сите гледаат во големината на нејзините стопала.

-На неколку фотографии кои ги снимивме користевме објектив со ефект за издолжување, тоа значи дека колку објектот е поблиску до камерата – толку повеќе се раздолжува. Поради тоа моите стопала и прсти изгледаат неверојатно долги. Без грижа, сѐ уште имам нормална величина на раце и нозе, напиша таа на Твитер.

Популарно