Во сабота се очекува да проработи половината од Градскиот пазар во „Глобал“

Во сабота, кога во Струмица е пазарен ден, се очекува да почне со работа половината од Градскиот пазар во Трговскиот центар „Глобал“, информираше Стојан Манев од Здружението “Обнова Глобал“.

Тој додаде дека привршува поставувањето на излозите од внатрешната и надворешната страна на опожарените продавници, а во наредниот период се очекува да почне со работа и другата половина од пазарот, која претрпе најмногу штети од пожарот.

Според Манев, во „Глобал“ е опожарена површина од околу 6 илјади метри квадратни. Целосно изгореле 31 објект, а голем е бројот и на тие што се делумно опожарени.

-Покривот е целосно изгорен и затоа овие денови приоритет е токму тоа. Изведувачот за санација на овој дел не информираше дека се набавени потребните материјали и од вчера почна санацијата на покривот за потоа да може да се продолжи со работа во заедничките простории, рече Манев.

Бранко Ѓоргиев од ЈПКД „Комуналец“, кое стопанисува со Градскиот пазар, информира дека во тек се завршните работи околу подготовките за повторно пуштање во употреба на половината од Градскиот пазар.

-Денеска требаше да извршиме завршно чистење и миење на површините во пазарот, но го одложивме за утре заради завршување на други работи. Таму е обновена електричната инсталација и е пуштено осветлувањето и очекувам утре да завршиме со подготовките за повторно пуштање во употреба на половината од пазарот, рече Ѓоргиев.

Според информациите од претседатеот на Општинската комисија за проценки на штети од елементарни и други непогоди, Ацо Ѓоргиев, тече поднесувањето на барања од страна на сопствениците на тезги и продавници и досега се поднесени вкупно 59 апликации, од кои 44 се од правни субјекти и 15 од физички.

Очекуваат набргу да заврши поднесувањето барања и откако ќе бидат доставени сите, Општинската комисија ќе ги сублимира во заеднички извештај за штетата, која, како збирен извештај, го доставува до Советот на општина Струмица и по неговото усвојување ќе биде доставен до Републичката комисија за проценка на штети, а ќе биде даден на разгледување и во Бирото за судски вештачења.

Во пожарот, кој избувна ноќта на 2 јануари, беше опожарена една третина од Градскиот пазар, повеќе продавници на приземјето и првиот кат, дел од вториот и третиот, а се урна и  покривот. 

Скопјанец кој се претставил како пратеник се обидел преку ред да помине граница на „Долно Блаце“

Вчера во 18.25 часот на Граничен премин „Долно Блаце“, А.С.(60) од Скопје, кој се претставил како пратеник во Собранието на РМ и кој бил со неговото семејство со патничко возило „фолксваген пасат“, со скопски регистарски ознаки, на висок тон се обратил на полициските службеници со образложение дека никаде не чекал ред и дека ни тука нема да чека, соопштија од МВР.

По целосно документирање на случајот, против А.С. ќе бидат изготвени поднесоци по член 4 од Законот за прекршоците против јавниот ред и мир, по Законот гранична контрола (избегнување гранична контрола) и по Законот за безбедност на сообраќајот на патиштата (престигнување колона). 

Скопјанец на возраст од 26 години откако го прележал корона вирусот, доживеал срцев удар

Скопјанец на возраст од 26 години откако го прележал корона вирусот, доживеал срцев удар. Тој итно бил примен во болница, при што докторите за да му го спасат животот морале да му вградат стент.

За жал тој не е единствениот случај на млад пациент кој што добил посериозни компликации по прележувањето на вирусот. Покрај него уште двајца луѓе кои не биле постари од 30 години, биле примени во ГОБ 8 Септември со последици од вирусот. Интернистот доктор Владимир Ристовски за Алфа.мк изјавил дека расте бројот на пациенти со сериозни компликации по прележаниот вирус.

– Имаме доста голем број на пациенти кои развиваат срцева слабост после прележан Ковид, имаме пациенти кои што развиле акутна тромбоза, односно акутно запушување на долните екстремитети како компликација од вирусот Ковид 19. А имаме и пациенти кои за жал се повеќе млади, кои веќе прележале Ковид пред месец или два, а сега доаѓаат во фаза на акутна тромбоза на крвните садови на срцето, односно со акутен миокарден инфаркт. Тој број на пациенти е зголемен и се уште ќе се зголемува во наредниот период со оглед на тоа дека компликациите коишто биле претходно ги согледуваме сега и ги третираме сега, вели интернистот д-р Владимир Ристовски.

Целата вест може да ја погледнете на АЛФА

Кинески „Синофарм“ го вратил авансот за испорака на вакцините

Министерството за здравство потврдува дека кинеската компанија „Синофарм“ ја вратила авансната уплата која Македонија ја извршила за набавка на нивните вакцини.

– Авансната уплата која Министерството за здравство ја изврши за набавка на вакцината Синофарм, по барање на кинеското Министерство за надворешни работи беше повлечена заради усогласување на документација, на нашето МНР и МНР на Народна Република Кина. Разговорите се во завршна фаза, не станува збор за откажување на договорот, вакцините против Ковид 19 од производителот Синофарм во најкус можен рок ќе стигнат во нашата земја, велат од Министерството за здравство.

Дали навистина се работи за усогласување на документацијата или се купува време, допрва ќе се дознае.

Премиерот Зоран Заев и министерот Венко Филипче во неколку наврати досега истакнуваа дека кинеската вакцина во Македонија се очекува да пристигне кон почетокот, најдоцна средината на месец февруари. Потоа следуваа изјави дека поради кинеската Нова година, вакцините на „Синофарм“ земјава ќе ги добие до крајот на месецов.

По овие најави, граѓаните кои сакаат да се вакцинираат добија нов шок со информацијата дека сепак ќе има ново одложување и дека вакцини во Македонија се уште нема да има.

Последните информации од властите се дека за неколку дена ќе биде познато кога вакцините на „Синофарм“ конечно ќе пристигнат во Македонија.

Портпаролот на ВМРО-ДПМНЕ, Димче Арсовски на вчерашната прес-конференција истакна дека имаат информација дека авансот бил вратен и побара одговор од Министерството за здравство.

Популарно