(Видео) Стомачните мускули на министерот за туризам на Израел предизвикаа „лудило“ на социјалните мрежи

Израелскиот министер за туризам е новата ѕвезда на социјалните мрежи, а одговорни за тоа се - неговите стомачни!

Не е често да се гледаат политичари кои се спортски градени, така што секој што ќе се појави веднаш го привлекува вниманието на јавноста. Така, видеото на израелскиот министер за туризам, Џоел Разозов, предизвика вистинска бура на социјалните мрежи.

„Заборавија да ни го кажат ова - Разозов е најзгодниот министер за туризам што некогаш сме го имале“, гласи описот на видеото, на кое се гледа како тој излегува од вода, со даска за сурфање.

И не е изненадувачки што Разозов (40), инаку член на партијата на Јаир Лапид, има такво „извајано“ тело, имајќи предвид дека претходно успешно вежбаше џудо, а ја претставуваше земјата на европски и светски натпреварувања, како и на Олимписки игри.

Откако имаше неколку значајни повреди, тој реши повеќе да не спортува, па влезе во политиката. И покрај тоа, тој сепак редовно вежба и сурфа, а доказ за тоа е и најновото видео!

На состанокот во кабинетот во саботата, новиот израелски премиер Нафтали Бенет рече: „Џоел, престани да ги срамиш мажите пред нивните жени“. Розозов брзо одговори: „Јас само ги промовирам израелските плажи“.

„Спајс Грлс“ повторно се враќаат на музичката сцена?

Музичката група „Спајс Грлс“ (анг. Spice Girls) повторно се соединува, барем тоа го потенцираше една од девојките од групата, Меланија „Мел Би“ Браун додека гостуваше во шоуто на „Би-Би-Си“.

Музичката ѕвезда Мелани, во своето гостување најави заедничка турнеја на групата „Спајс Грлс“ во 2023 година, која воедно би претставувала и нивно повторно обединување.

„Ние бевме во преговори и претходната година, но тогаш се случи Ковид-19, па така се растурија плановите на сите. Девојките „ќе ме убијат“ бидејќи ќе го кажам ова но, ние се надеваме, посебно јас, бидејќи сум водечката сила, и ќе се потрудам да стане реалност – да организираме турнеја во 2023 година“ – потенцираше музичката ѕвезда Мел Би.

 Инаку, овој бенд светската популарност ја стекнува во 1996 година со хитот „Wannabe“ со кој владееја со светската сцена. Во 1998 година една членка ги напушта, а останатите четири се разишле во 2001 година. Викторија Бекам, Мелани Браун, Ема Бантон, Мелани Чизом и Џери Халивел се имињата кои ја градеа својата музичка кариера во оваа музичка група. Тие и денес остануваат најуспешен женски бенд во историја.

Девојките од оваа музичка група славеа 25-годишнина од нивната најпозната песна „Wannabe“, изминатиот јули.

(Фото) Не знаете која модна комбинација да ја одберете за вечерашното излегување? - Модните инфлуенсерки го нудат одговорот

Припадничките на понежниот пол, барем еднаш во месецот се соочуваат со проблемот – немање идеи за модни комбинации. Често си го поставуваат прашањето „Што да носам вечерва“?

Модните инфлуенсерки го нудат одговорот. Костумите ги посочуваат како прв избор на секоја жена, кога и да се двоуми што да облече. Тие никогаш нема да излезат од мода и секогаш ќе бидат во тренд. Истите се совршена идеја како за дневни, така и за вечерни настани, свечености или пак деловни обврски.

Во изминатите години, оделата станаа дел од речиси секој женски плакар. Во комбинација со интересна маичка и патики ќе изгледате одлично за кафе-средба или ручек со пријателките.

Доколку пак, го искомбинирате со високи потпетици и кошула, инстантно ќе добиете модна комбинација за вечерна забава.

Погледнете како модните блогерки ги комбинираат костумите и добијте инспирација за вашиот совршен вечерашен изглед.

ФОТО: Ќерките на познатите ви го „одземаат“ здивот во бикини!

Медиумите со години, без разлика дали одмараа или настапуваа низ регионот, во летните месеци ги следеа Здравко Чолиќ, Цеца Ражнатовиќ, Наташа Беквалац и многу други, но ситуацијата сега е малку променета.

Благодарение на социјалните мрежи и нивните деца станаа ѕвезди, а следбениците нетрпеливо чекаат најави од егзотични дестинации.

Анастасија Ражнатовиќ ги објави своите први фотографии од плажа уште во јуни, кога отпатува на Ибица со своето момче, фудбалерот Немања Гудеља.

Таа продолжи да објавува „жешки“ фотографии во бикини на својот Инстаграм профил, а нејзините следбеници беа повеќе од воодушевени.

Наследничката на Чола, Уна, уживала во прекрасната глетка на морето во Црна Гора.

Таа преку социјалните мрежи го покажа луксузот во кој ужива, а со тоа откри и во каква убавина израснала.

Атрактивната Џина Џиновиќ го одзема здивот каде и да се појави, а кога носи минимален материјал изгледот е запрепастувачки.

Своите следбеници ги воодушеви и со изданијата на бикини, а коментарите под нејзината објава не изостанаа, па многумина се согласија дека таа израсна во вистинска божица.

Петнаесетгодишната Хана Икодиновиќ се уште е премлада за да патува сама, но таа и нејзината мајка Наташа Беквалац одлично се забавувале во Марбела.

Таа ја изненади јавноста со своите фотографии, па многумина коментираа дека прераснува во вистинска убавица, и дека сигурно ќе скрши многу машки срца, исто како нејзината мајка.

Популарно