Милијардерот кој има 91 година ја остави славната манекенка преку СМС-порака

Светот на познатите и богатите ја шокираше веста дека милијардерот ја напуштил една од најубавите жени во светот.

За сѐ наводно е „заслужен“ Руперт Мардок, кој на прилично суров начин, преку СМС-порака го заврши бракот со Џери Хол, пишува „Дејли мејл“.

Извори блиски до парот велат дека Џери Хол (65) била „шокирана“ од ненадејниот крај на нивните шест заеднички години минатата недела.

Пријателите, меѓутоа, како причина за раскинувањето на славниот пар го наведоа различните начини на живот и фактот дека таа пуши цигари.

Ваквите приказни целосно отстапуваат од претпоставките и коментарите на Твитер дека Џери Хол решила да го напушти Мардок (91) поради неговите години. Но, затоа целосно се вклопуваат во изјавата на поранешниот соработник на овој милијардер, кој рекол дека никој не треба да биде во врска со Руперт Мардок, бидејќи тој во еден момент се свртува против своите љубовници и ги отфрлува.

Џери и Мардок првпат се појавија во јавноста како пар на финалето на Светскиот куп во рагби во Твикенхем, Лондон во октомври 2015 година, каде беше фотографиран како ја бакнува во образ додека таа блескаше од среќа.

Првпат на црвениот тепих се појавија заедно на Златниот глобус следната година, а пријателите тогаш рекоа: „Руперт не може да биде посреќен… Тој е вљубен како тинејџер. Тој изгледа навистина, навистина среќен. Тоа е прекрасна работа“.

Славната манекенка набрзо се иселила од куќата вредна 13 милиони фунти во Ричмонд, југозападен Лондон, каде што живеела откако раскинала со рокерот на „Ролинг стоунс“, Мик Џегер.

Џери и Руперт последен пат биле видени заедно во јавност во Лондон во август минатата година, кога беа забележани како одвоено доаѓаат на вечера, но се претпоставувало дека заминале заедно.

Пријателите велат дека Џери Хол, долгоногата екстровертна Тексашанка, донела многу „рамнотежа“ во животот на Мардок, откако тој со децении се фокусирал на работата.

Но, од објавата на разводот, најблиските се обидуваат да најдат знаци на пукнатини во врската. Еден од присутните на летната забава на г-дин Мардок во галеријата „Serpentine“ во Лондон минатиот понеделник беше изненаден што не ја видел Џери Хол покрај него.

Тој рече: „Мислев дека е чудно што таа не беше таму. Таа е „социјална пеперутка“ и генерално би била на вакви настани. Забележав и дека никој од нејзиното семејство не беше таму, дури ниту нејзините пријатели“.

„Пушам, пијам, сакам вино, сакам да се сончам, пијам кафе. Правам работи што не треба да ги правам“, изјавила Џери за „Good Housekeeping“ уште во 2014 година.

Пријателите откриваат и други детали за сега веќе поранешната двојка.

„За еден 91-годишен старец, Руперт е во одлична форма, но ниту тој не може да ги запре годините. Носи меки чевли и не сака долго да стои и е опседнат со своето здравје. Исто така, неговиот слух станува сѐ послаб“, изјавил пријател на парот за „Дејли мејл“.

„Џери е многу помлада, па сè уште сака да оди на забави и на плажа и сака да се забавува. Не ја забавува да биде медиумска гејша или корпоративна сопруга. Бескрајното патување по светот во авионот на компанијата за да биде покрај Рупер поради некоја корпоративна забава повеќе не ја привлекува како порано“, додал тој.

Џери Хол беше во врска со славниот музичар Брајан Фери, а во долгогодишната врска со Мик Џегер добија четири деца.

Ен Хеч во стабилна состојба по сообраќајната несреќа

Холивудската актерка Ен Хеч доживеа тешка сообраќајна несреќа во Лос Анџелес откако со својот автомобил „удри“ во куќа, а како што пишува „Hollywood Reporter“, актерката моментално е во стабилна состојба.

Актерката доживеала несреќа кога удрила во куќа во населбата Мар Виста во Лос Анџелес. Автомобилот и куќата се запалиле, а огнот го гаселе 59 пожарникари, пренесоа американските медиуми.

Хеч веднаш била извлечена од урнатините и пренесен во болница.

Сепак, според последните вести кои излегуваат од Холивуд, актерката е во стабилна состојба, а нејзиниот претставник за медиуми изјави дека нејзиното семејство бара приватност.

„Нејзиното семејство и пријателите бараат да се молите за неа и да ја почитувате нејзината приватност во овој тежок момент“, рече тој.

Како што е познато, освен актерката никој не е повреден во сообраќајната несреќа, ниту пак е уапсен, а полициските детективи вршат натамошни увиди.

„Тешко ми е“: Никол Пелц се огласи по гласините за лошите односи со Викторија Бекам

Никол Пелц, сопругата на Бруклин Бекам, објави фотографија на Инстаграм на која со насолзени очи лежи во кревет и гледа во далечината. Заедно со фотографијата објави и емотивен текст кој странските медиуми го протолкуваа како одговор на гласините за нејзината кавга со нејзината свекрва Викторија Бекам.

„Понекогаш ми е тешко да го покажам тажниот дел од себе. Пораснав со седум браќа и сестри и двајца многу силни родители, а тоа ме направи силна. Затоа не дозволувам луѓето да ме соборат или повредат. Изградив ѕид околу себе за да се заштитам, што е особено важно во оваа индустрија“, напишала манекенката.

„Сите имаме денови кога некој не повредува и во ред е да се чувствуваме лошо. Само сакав да напишам нешто за тоа затоа што никогаш не ја покажав таа моја страна овде. Сакав да ја покажам. Ве сакам сите многу и ја ценам вашата поддршка“, додаде Пелц.

Во последните денови странските медиуми пишуваа дека Никол Пелц и нејзината свекрва Викторија Бекам се во лоши односи.

Page Six како можна причина за несогласувањето го навела тоа што Никол е љубоморна на вниманието кое секогаш го добива Викторија, поради што ја исклучила од свадбените подготовки кои се одржаа во април оваа година во Палм Бич, Флорида.

Холивудската актерка Ен Хеч доживеала сообраќајна несреќа, се наоѓа во критична состојба

Холивудската актерка Ен Хеч е тешко повредена во сообраќајна несреќа која се случила во предградието на Лос Анџелес.

Како што пренесува „TMZ“, таа изгубила контрола над возилото и удрила во гаража. Случајните минувачи се обиделе да ѝ помогнат, но таа одлучила да продолжи да вози. По неколку секунди повторно удрила во друга куќа, а нејзиниот автомобил се запалил.

Се претпоставува дека возела под дејство на алкохол бидејќи во автомобилот било пронајдено шише. Полициската управа на Лос Анџелес не дала дополнителни информации за несреќата.

„TMZ“ наведува дека Хеч е моментално во болница и се наоѓа во критична состојба.

Актерката претходно без „влакна на јазикот“ зборуваше за своите пороци.

„Пиев. Пушев цигари. Се дрогирав. Бев зависна од секс. Правев сè што ми паѓаше напамет за да заборавам на срамот кој го чувствувам“, изјави Ен минатата година во интервју за „ABC News“.

Таа додала и дека нејзините лоши животни избори се последица на тоа што во детството била сексуално злоставувана од нејзиниот татко Доналд Хеч.

Популарно